De real bakkle is on

**bigbooie** · 08-09-2008, 02:23 PM

Re: De real bakkle is on

A wha dis?? Dem man yah feel seh a plethora a whack lyrics a dweet ? How unu rhymes so muddle up? Whe unu a write comic book?

YEAH!!!!

Di rhymes whe a clap, dem no impress mi none,
None a unu fasse know nutten boute gun,
Gun unu buss, dem call bubble gum,
Unu rhymes dem soft, like hamburgah bun,

One bag a hype, one bag a lay lay,
Seems like dem yah clown yah, a right long essay,
Organize yu sh*t and yu might get a “A”,
Biggahview deh yah now, so it won’t be today,

Bad man a pass chuuuue, so come outtah mi way,
Mi notice sommme man a-gwaan-bad frommm wha day,
Dis bag-a-lay lay and bag a ray ray,
A hope yu still bad when di AK a spray

Gu-whe!
And mek mad-man have dem say,
Who waaan dead, can gwaan tan- up- deh,
Still a think boute War Mongah Friday,
When mi race up bwaay and mek dem fly whe!

Mi gunshots gay cause it buss innah man,
How yu aggo stop dis yah machinnne yah don,
Blow off yu head, blow off yu mike hand,
Put a big hole innah yu middle section,
Now yu tripe dem a heng like Christmas decoration,
Mongrel-dawwwg run ovah anna nyam whe u nyam,
Dem a nyam rice and peas curry goat and yam,
WELCOME TU DI WORLD OF DI REAL BAD MAN YEAH!

**countryspeng** · 08-09-2008, 03:13 PM

Re: De real bakkle is on

wat happn? wen bigga talk some man get frightn?
well mi nuh faid come wid di tunda an lightn!

Tiddeh a Satdeh munga Friday done
suh stay deh clap awf yu invisible gun
yu tink a suh mi heasy yu tek badman fi fun
ei ei annuh suh disya war agguh run
mi done get mi "a" an mi done pass di class
suh mind how yu chat mi wi kick up yu ra-ss
Biggaview deh pon di stage seem like a im run di cut
when im run up innadiSPeng im get hol eap a gunbutt

my gun shot nuh gay dem nuh buss roun a back
mi stannupinnayu face suh yu hear di na-ga-na-ga-nack
mi have di stage lock my lyrics deh pon stock
an wen di I tek up di mic 25 body drop

now yu staat hear mi lyrics andemajook yu like a makka
now mi lyricalgun a buss leff yu hedless body a flatta
mi haffi talk cah it seem seh unnunuhwaan touch Biggaview
if yu tink seh dat mi fraid den yu belong a bellvue
hardcore wi come nuttn less nuh claffy nah guh get chroo
nuh tink seh cah yu deh far mi lyrics woan find you

ah now di war staat???

**bigbooie** · 08-09-2008, 03:25 PM

Re: De real bakkle is on

AGAIN!

Speng clown yu no ready fi di likes a mi yet,
Mi wi step innah yu face wid mi Nikes and crep,
Madman deh pon deck,
Bettah show some respect,
Unless yu want feel, whe mi have innah mi TEK,
Tek whe yu queen and put yu innah check,

Step tu mi bwaay mek sure seh yu ready,
Mi wi mek yu head back resemble spaghetti,
Tun yu innah monk mek yu gwaan hold a meddi,

Rinse out mi gun send yu soul go a hell,
Di devil haffi ask where is yu brain cell?
How come yu back fullah so much black shell?
How come yu foot back dem look so dyam swell?
Like seh yu did a run wid extreme excel,

Tell Biggahview, mi no have no more room,
Stop all di killing, mi a run outtah tomb,
Who perplex him now mek him so consume?
Annah open man head, like flowaz whe a bloom,

Mr. Speng,
Know mi present a problem,
Mi wi come dung a hell fi kill yu again,
AND DRINK OFF YU BLOOD LIKE MI A DRINK CHAMPAIGN!

**countryspeng** · 08-09-2008, 04:10 PM

Re: De real bakkle is on

ha ha ha ha....

SpengClown? how long it tek yu fi come wid dah name
look like yuh deya a chry reclaim yu fame
but yu time done now mi done mash up yu frame
wen disya war done mi agguh leff yu in pain

yu mussi confuse mi wid dem ol time claffy
mi have a new breed a gun yu agguh feel wen mi clap ei
wen mi rock an pop awff mi bullit dem a fly chroo
an leff yu hedback scatta divide split eena two
yu mussi tink seh dis a movie weh yu rise back from di ded
wen mi war wid faassy mi dump di body an keep di hed
suh weh YOU reach duh a hell an di devil see YOU
im seh "mi kno yu, but where's yer hed Biggaview"?
"member di speng clown weh yu sen ya lass week"?
"weh di ra-ss yu sen im fa, di bwoy tun up mi heat"
"im tek ova mi place an seh im ave a new plot"
"fuss ting pon im liss pick out biggaview spot"

suh gwaan drink up di blood like yu drink up champain
caws if yu sen I guh a hell it agguh be a NEW REIGN
mi a madman too my brain nuh too steady
mi guh a hell before di devil senmiback areddy
mi nuh fraid a TEK dem gun buss pap pap pap
mi ave a AK weh guh suh ba-da-da-da-dap!

wen yu hear dah sound deh dat mean a guy life end
im probably loose im hed cah im talk careless to Speng...

**bigbooie** · 08-09-2008, 04:33 PM

Re: De real bakkle is on

All dis time annah dat yu come wid,
And fi mi rhymes dem look so splendid,
Bad man allah seh, Biggahview demented,
Speng yu shouldah nevah leave yu watah gun unattended,
Now yu face look like it mix and blended,

WID GUN SHOT AND BRAIN TISSUE!
GUESS YU DID FEEL SEHH BIGGAHVIEW AGGO MISS YU!
NOW YU INNAH COFFEN AND YU FAMILY A KISS YU!
YU NEVAH DID KNOW MI GUN, A MILITARY ISSUE!

Now yu know how real badman flex,
Mi gun dem new mek precisely to spec,

Kill yu from near, kill yu from far,
Kill yu wid mi hand or mi K-bar,
Innah yu speng face mi out mi cigar,

And if yu no smile, mi mek yu body spoil,
Hot yu up wid lead like some cod livah oil,
Mi style dem too wild and too versatile,
Now yu get mi rile and yu life get dial,
A hope yu have sumaddi fi tek care a yu child!

A fi mi rhymes dem yu a lace yu shots wid,
Gamble wid yu life and lose yu bet big,
Here’s some Hennessi tek yu last swig,
And gwaan jump innah di hole whe yu just dig! BOW!!

Ezzzzzzee pleeaaazzeee

BLAAAAZZZaaaaaassss!!!

**countryspeng** · 08-09-2008, 05:20 PM

Re: De real bakkle is on

but wait deh mi fren
di war aget intense...

stap!!

Biggaview yu tink seh dat is you wan demented
Annuh me staat di war but mi bound fi end it
di likkle gun yu buss mi seh it cyaan defend it
yu tink a wata gun mi buss? dat soun too friendly

how yu fi kill ME an mi dun merda you
27 shat mi buss an 10 a dem fly chroo
dem cyaan identify di body cah 17 lodge
mi a laff becah wen mi draw mi gun yu try dodge

boom! di fuss bullit lik yu yu start cry
yu neva get a chance fi tell yu family bye
mi neva si before wat a shot do to a yeye
but why mi feel sarry an gi dis guy a bly

boom! secand bullit an now adrenaline a rush
yu neva know seh pon di stage in fronta crowd yu get crush
bullit ricochet in yu body turn yu organ dem to slush
yu a tink back bou yu lifenow cah time fi bite di dust

click! yu get spare cah mi fuss gun jam
wen mi draw di secan wan hear di whol crowd "DAM"
"di way di bwoy have gun is like im werk fi Iran"
"mi nah guh ramp wid im he's a f---- mad man"

BRRAPP! di lass shot yu realize yu get defeat
oh no! it still a buss di trigga stuck pon repeat
di way di head look it mash up like ol burga meat
SPeng travel tuh di war an im neva leff di heat

Weh yu did tink? yu tink yu woulda get weh wid yu life?
If yu a tek awn di Speng yu tek hawtache an strife
mi buss eediat gun mi lyrics stand firm an dem tuff
wi soon stan up ova yu career ash to ash dust to dust
now yu nine night a gwaan an wi a sing sanky
mi si di preacha innayu house a chry console yu family
mi roll up tuh di table an tek likkle fish an bread
an open up mi bag an set it dung nexx tuh yu hed

**praaaaaaaaaaaaaaaaaaaaaaaaaaaaaaaaaaaarrrrrrrrrr rrrrrmmmmmmmmm** sound di fog hawn dem...

**prrrrrrrrraaaaaaaaaaaaaaaaaaaaarrrrrrrrrmmmmmmmm **

**Nylah** · 08-09-2008, 05:26 PM

Re: De real bakkle is on

my baby daddy

**countryspeng** · 08-09-2008, 05:29 PM

Re: De real bakkle is on

<div class="ubbcode-block"><div class="ubbcode-header">Originally Posted By: Nylah</div><div class="ubbcode-body">

my baby daddy </div></div>

**bigbooie** · 08-09-2008, 06:17 PM

Re: De real bakkle is on

Yu tink mi name Jah Yute, yu tink mi name Kingy,
Yu no waaan live no more? Alright my yute bring ie

Yu a try real hard, fi put whe di veteran,
Just because mi mek yu eat a whole box a mattaron,
Yu nevah know sehh Biggaview a real Dappadon,
Clap- a -man,
Wid di peace mekkah man,

27, 10 ,17 ? at lease yu can add,
I guess yu shouldah learn how fi subtract lad,
Cause mi subtract yu life put yu innah body bag,
Mi nevah really haffi use up di full mag,
But mi dweet any way, just fi boast and brag,

Yu tan up annah click boute seh yu gun jam,
Mi notice yu a move like Nadine Sutherland,
“ACTION!” Shot innah moute! Bwaay hold yu space when badman deh boute,

SPENG BWAAY YU FEEL SEH DAT DIS AGGO BE EASY!
YU CHEST FULLAH HOLE NOW YU VOICE SOUND WEEZY!
LIKE GEORGE AND LUWEEZY, MOVE IT ON UP, CAUSE YU SKILLS DEM CHEEZY,

Yu and di rest dem punks, a all wannah bees,
Mi dress innah fatigues, all covah wid leaves,
Run pass unu, like two Ninja-Japanese,
Now yu blood innah di breeze and yu nevah get fi sqeeze,
And Yu hand deh pon grung, Still a hold awwwnn pon yu gun,

Eazzzzee pleazzzzzzz!

**Sinco01** · 08-09-2008, 06:49 PM

Re: De real bakkle is on

Wah happen to Kingy an Jah Yute ..

nuh tell mi seh dem ketch dem fraid ..

Memba Jesus Dread an Bigga clash dem ..

**bigbooie** · 08-09-2008, 07:08 PM

Re: De real bakkle is on

<div class="ubbcode-block"><div class="ubbcode-header">Originally Posted By: Sinco01</div><div class="ubbcode-body">

Wah happen to Kingy an Jah Yute ..

nuh tell mi seh dem ketch dem fraid ..

Memba Jesus Dread an Bigga clash dem .. </div></div>

Yah man mi race dem up nuff time..Well since mi deh yah MORE!!

Dem seh war!
Half a second latah mi-and-mi SLR a par,
Wid likkel black rains fi touch dem from far,
Whoooo waan dead, come test di war czar,
Biggahview evah raaaw like-Japanese sushi bar!

From 2001 mi a kill man dead,
Kingman, Bruk-bak and di JesusDread,
Dem still look di same, dem still fullah lead
Dem still cawwwn sleep when dem gawwn a dem bed,
Neutral-ite still a hurt from di boom-blast tread,
Di lot a dem know, mi run di place red,
And di one Azzazell catch 2 infrared!

New bloods now step innah di war zone,
Speng and Jah-yuuute a covet man throne,
Watch unu speech.. Watch unu tone,
No mek mi get cross and tun Alcapone,
“Unknown” aggo be di name pon yu Tombstone!!

Ezzzzzz pleaseeezzz

Its easy being greasy..

**countryspeng** · 08-09-2008, 07:39 PM

Re: De real bakkle is on

lawd gawd....mi tink dis man ded an di body still a flatta...

duppy biggaview ah ninja yu tun?
ah suh mi shat suh hot yu tek up cutlass fi come?
yu tink yu veteran status mek yu impervious to gun?
becah yu chap awf mi han, wah dat mean? mi fi run?

mi si yu stannup innayu grave u deh pon yu lass leg
yu lungs a blow bret, bullit lodge inna yu hed
yu foot bruk an yu mash up but yu refuse fi ded
yu coulda tek di easy road but yu tek di hawd road instead

mi stan up ova yu coffin a chrow dirt ina yu grave
but u mek anedda move fi show di people seh yuh brave
Biggaview di veteran respect due yu neva ran
but yu kno seh dat yu wrang mi lyrics dem is too strong
suh gwaan hype up yu self bou yu wear fatigue cova wid leaf
di leaf weh covayu fatigue come from di tomb weh yubodydidleave
suh wen mi cova di deceased an leave di body tuh di bereaved
di family seh wat a relief at least im now im can rest in peace

dis annuh ninja story wid flashin lites in hollywood
wen da peepl read di lyrics dem seh "im bruk im up GOOD"
"poor Bigga, im neva kno seh suh im life guh end"
den a nex man seh "ah tell im seh im shouldn tes di Speng"
mi kno seh Bigga waan guh out inna blaze a glory
from here on out im glory story get gory
yu coffin a sink! Biggaview yu body stink
nexx time yu waan war di Speng yuh betta tink

**bigbooie** · 08-09-2008, 09:35 PM

Re: De real bakkle is on

Wait yu still a…che WELL!

Dah bwaay hard eazz yu still naaa learn,
How many time mi tun yu-innah food fi earthworms,

Yu wi nevah ketch mi slipping, mi wi nevah get flank,
Black rain whe let awwff, bwaay know dat anno blank,
Machinnne whe mi clap, still sound lakkah tank,
BULLIT! open up yu face, like-account innah bank,
Respect mi gun bwaay, respect mi rank,

Anno fi mi fault mi lyrics a bun yu like porridge,
Mi learn fi kill bwaay innah BADMAN College,
Dot-com people watch how easy man savage,
Biggah back pon di seen, now di bwaay cawwwn manage,
Coldslaw yu body like some market cabbage,

Every road whe mi tek, everyone a dem ruff,
So all yu huff, all yu puff, yu still sh*t outtak luck,
Yu use all yu might and it still not enough,
Dat simple mean yu a lyrical cruff,

How yu a throww dirt and yu no have hand fi dig,
Yu beat up King man, now yu head a get big,
At lease it did big until yu spot mi criss Sig,
Slaaatah yu bwaay like mi granny old pig,
SPENG CHOPS FI SALE!!

Who want di tail?
One dallah a pound, ovah desso a di scale!
How yu fi prevail.
Yu study mi wrong and skip a small detail
BIGGAHVIEW A MI NAME BWAAY DATS WHY YU FAIL!!

Sshhhhhhhhhhhhhhhhhhhhhhhh!!

Eazzzze please

**kingy** · 08-10-2008, 12:56 AM

Re: De real bakkle is on

Phatty and bandy...mi jus a realize say unu was de only competition mi got.

beat de riddim mek mi whipe out these foes like a sunami.
mek mi separate dese animals...kill who fi kill and kill who fi kill AGAIN!!

WARNING TO DREABWOY DAHJAH!!!

Mi check the music forum avenue and see some ole dread a tess out de war avenue
de dreadbwoy tink say to war mi new...
gyash a fyah pon speng and jah yute den say him waa bun mi too
mi say a troo....unless you waa mi lick out u teet dem and leff two
did you know mi have lyrical gund weh cultivate land and less skin blue?
lick you wid lyrical shot mek you skin tun new
lick ahot inna u head so mi can see a nice view

den him say a selassi him hail
you nyam poak and guh dung low so you already fail
we ago pack you up and ship you weh like a mail
Like amtrak you must get derail
If you feel fi diss de king, barrell will spin and inna u coffin mi ago put de nail

suh mi get a telegram say if mi nuh hear bout de don.
mi say wah don....
dem seh nuh biggaview de man......
mi say my yute dat a donnavan
you know how many times mi put dat deh body inna de back a mi van
silence dat den ole drum pan
disect him like a lamb
carve him like a ham......
change up him hairstyle wid mi gun like pam.

well...croo mi a god son mi beleive de spirit will rise again
de puxxy come back fi haunt mi suh a time mi rise de brike like de sunlight again
light him wid de pipe you fasse shout amen
a run anna a bawl a talk bout kingy dont do dat again
...de lass time mi and u fight mi end up like mi BRUKBAK fren
...now mi a hear say all you a do lately is walk anna kick dung JAH YOUT and SPENG
... kingy-dappa-don-dadda, when you ago allow mi fi count from 1 to 10
...when you ago stop kick mi inna mi seed mek mi a [censored] out mi picny dem

MY YUTE when mi talk you must listen and stay inna you place
lick him wid lyrics acdi mek it bun up him face
draw out him brains like how mi draw out mi lace

**bigbooie** · 08-10-2008, 01:04 AM

Re: De real bakkle is on

Wait a whe mi a see? DUPPPIEEEEEEEE!!!

GOT-DYAM!!!
A who recycle dis yah dead man?
Bwaay how many bullit mi haffi put undah yu Tam,
Yu still a walk wide when yu spot badman?
Yu still catch yu fraid when yu hear di raction?
From di pump rifle whe mi have innah mi hand?
Mi no undahstand,
Explain to di View how yu come back don,
Dead mannnn no belong, pon top a dry land,
A who yu mek a deal wid, Satan?
Unu sidung anna plot pon di one Biggah Don?
I hope yu nevah sign notten or shake hand,
Cause mi a send yu rasszzz back, whe yu come from.

All dat bag a lyrics and yu get kill wid 13 line.

Happybirth day herb!!

De real bakkle is on

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

ads