De real bakkle is on

[diabolical_Tanya]

Re: De real bakkle is on

<div class="ubbcode-block"><div class="ubbcode-header">Quote:</div><div class="ubbcode-body"> wah di hell &quot;ginal&quot; mean </div></div>

Jokester, trickster, eeediat

[kingy]

Re: De real bakkle is on

stop de chattin a run lyrics.
you chat too much. run lyrics and stop chat wah u ago do...u know say a coawd deal wid dem tings.
a bet him ago say if one a weh touch a button..we gwaaa seee wah him ago do.

[LusciousJohnson]

Re: De real bakkle is on

oh really

dahJah yuh lucky mi have tragedy tiddeh or mi woulda tell yuh bout yuhself

mi deal wid yuh tomorra

[LusciousJohnson]

Re: De real bakkle is on

<div class="ubbcode-block"><div class="ubbcode-header">Originally Posted By: Kingaling</div><div class="ubbcode-body">stop de chattin a run lyrics.
you chat too much. run lyrics and stop chat wah u ago do...u know say a coawd deal wid dem tings.
a bet him ago say if one a weh touch a button..we gwaaa seee wah him ago do.
</div></div>

mi know seh him gwine have sitten fi seh bout mi inna him rhyme caws him say soh earlier ...soh mi gwine schedule him funeral fuss afta yuh BURY him ALIVE!

Get 'em Kingy! Blow di stage up wan time fi mi wen him come chat fawt bout how mi big yuh up...mi nah ramp wid dahJah tiddeh

[LusciousJohnson]

Re: De real bakkle is on

<div class="ubbcode-block"><div class="ubbcode-header">Originally Posted By: Kingaling</div><div class="ubbcode-body">wellllllllllllllllll

back to regula shcedulin
<span style="font-weight: bold">fancy..which one a dem burial fuss u gonna be schedulin?</span>
Jah yout dead before de war start....
suh jus dash him inna de sea mek barracuda nyam him
how him fi come war wid glocks weh jammin
how him fi come a war a si dung pon de cawna bout him jammin
when him hear de clappin..him tink a finga snappin
when him hear poppin him tink a wild fyah a bush a bun old stick mek it poppin
you hear nize weh louda dan thunda wappin
u know u cyaa hangle war you shoulda stay inna u crip inna u nappy and pin

A weh speng deh doa sah?
a wonda if a him dis a tek a wine offa madosa http://www.youtube.com/watch?v=KiyMm...eature=related
cyaa hangle de war suh him become a passa passa fallara
him enta de war and neva know say mi guns dem tallera
mi nuh stop stone him wid lyrics mek him gallup like horse raca
mi a kingy..inna war mi set de paste MR.
mi have guns weh nuh jus chop..it mek people blista blista
mek you head spin like de cutta of mi ital blenda
confuse and abuse mi change you likkle agenda
my lyrics are jus a likkle bit more splenda


Mi nah guh call no name but some a we belong pon comicVIEW
because when mi tek a VIEW a bear lafta mi a doooo

how u fi come war anna gi-laff-fi-peas-soup like mernie mac
when u hear mi mac knock...fool tale lap..like one coward city cop
guh tek off you pants and guh put on a frack
mi a de president inna dis who you tink motivate borack?
fi de lass 8 years mi have dis cut lock
4 years from now you still a feel attaclap from mi lyrical attack like iraq
mi guns wdeh pick pick him up like bird a pick soursop
ride out wid mi sword mid mi trophe and war fitted cap.
unu a A TREEE SAP!!....lol



</div></div>

DAHJAH! mi a schedule him fuss!

Afta him put on di frock

GET 'EM KINGY!

[kingy]

Re: De real bakkle is on

Yoooooowwwww......rock it....

Mi travel wid clips weh bruk hips and crush brain like banana chips
ish weh when it licks you u feel sweeta dan de candy inna u mout name nips
my tings dem new, acurate and criss.....
lick off lips like de man dem weh you a kiss
when mi did warn unu unu tek mi as joke and mek it miss
STOP COMPLAIN BOUT MI GINS DEM BIGGA
a wah a fiss you waa fiss......
unu already add unu name to mi hit lisss
mi ago beat it till mi wriss dem stiff
sen bwoy life ova de cliff.....
pop de WISS suh when him drop him spine jus twiss

mi check de circumstance and see bwoy wid gun weh small like ants lol
ova yah dem fasse deh nuh stan a chance... suh guh look residence like de ress a de swim relay loosa dem a france

my lyrics dem a circle dem like when lance cycling
lyrics biting him like a lion biting him...
when mi guns buss it look like one a god lightening
when mi bullits touch it instantly lighten him
dem a loose dem sight mi king......
doaaa war mi inna night because mi have a betta sight mi king...
inna fight mi mek blood run day and night like stand-pipe mi king
mi guns dem nuh clip dem bruk you wing
my ting den guh <span style="font-weight: bold">BRAP</span>!! your ting dem guh <span style="font-style: italic">ping</span>
my ting dem <span style="font-weight: bold">burn</span> skin your ting dem <span style="font-style: italic">sting</span>

[bigbooie]

Re: De real bakkle is on

<div class="ubbcode-block"><div class="ubbcode-header">Originally Posted By: Kingaling</div><div class="ubbcode-body">listen.. mi kill speng.. and biggah use 2 likkle line and kill him. <span style="font-weight: bold">speng hang up inna meat shop a rot because nobidy nuh nyam black hog. lol </span></div></div>

LOL

Unu know seh mi done dis yah war long time. All who want go back innah di lab wid dem pen and pad, when dem come back mek sure dem bring God.

Please hand mi mi deserve Trophy, Still numbah one from 2001.
Next time Kingy come strongah killah..seems like seh yu change yu flow
whaaapen to Kingman weh use to drop man?

Speng a so it go...yu nevah really feel seh yu couldah win? A wondah whe him deh a si dung annah write sah.
Dats why unu lyrics dem wack unu sidung annah write dem dung. It easyah fi freestyle it.

Until di next wars stars!!

[kingy]

Re: De real bakkle is on

lol mi too. mi foot dem a hat mi from kickin up unu ole cows.

[jah_yout]

Re: De real bakkle is on

a soh dem brite man?!??

mi goh weh likke bit and di craases dem come show dem face??
whoo...look like di war can't ovah..
leggo riddim mek ah blaze up dem yute yah!!

forgive them lord for they know not what they've done
look like them no respect the father and waa gi it to the son

COME!!!

yu have biggahview come back a gwaan like jiggaboo
how you figga you coulda test the -iggga who
set it and bring ie, all a target kingy
shock it and sting ie, if a lyrics mi haffi fling ie
batta batta speng, top shotta deh pon him again
when it come to soundclash i man nah look no friend
all di one dahjah, 'whats happenin' ragga ragga
mi a guh kill dwayne, re-run, dee AND roger

their insistence to bled, comes from their persistence i said
there's no resitance mi dread, and no assistance- yu dead!
styles dem off the planet/ like a extra terrestrial
di bwoy dem cyaa stand it/ dem a plan fi mi like festival
nuh stop rush mi lyrics like a man a rush a sexy gyal
nourish dem mind soul and body- without it dem anarexical

mi done tell di guy dem, man can not live by bread alone
and a stale bread dem a eat all a claim seh dem have throne
but when di real king deh bout dem haffi lay dung prone
mi a elliot ness fi any dyamm al capone

mi nah run, simi stan up ya a rinse di lyrical gun
when it come to sound bwoy killin, wi spillin dem blood fi fun
dem m-16 rounds cyaah done ammo belt roun mi shoulda
spit fire, likk tire, watch dem humvee tun ova
unnu cyaan dis iya, only dread can come ova
a tekk off pon dem skates when chased by my land rover

anchor!!

just a warning shot...

unnu come back again???

order 3 more coffin box mi a beg yu mr carpenter...caw some bwoy bite the dust een ya tiddeh

[kingy]

Re: De real bakkle is on

mi neva beleive inna duppy.....till now.

a wah mi a watch...rise of the dead?

[bigbooie]

Re: De real bakkle is on



Dis yah one run in when di war done.
Who who yu a fight? DahJah, kingyman and Speng duppy?
Alright mistah ghost busttah, gwaan chueeee.

Badman fi ghost!

[jah_yout]

Re: De real bakkle is on

<div class="ubbcode-block"><div class="ubbcode-header">Originally Posted By: Kingaling</div><div class="ubbcode-body">mi neva beleive inna duppy.....till now.

a wah mi a watch...rise of the dead? </div></div>

dat mi a seh...

look how long yu get murdah

[jah_yout]

Re: De real bakkle is on

<div class="ubbcode-block"><div class="ubbcode-header">Originally Posted By: BIGGAHVIEW.</div><div class="ubbcode-body">

Dis yah one run in when di war done.
Who who yu a fight? DahJah, kingyman and Speng duppy?
Alright mistah ghost busttah, gwaan chueeee.

Badman fi ghost! </div></div>

wi kill ghost and culture
backing down all vulture

yu seet

[dahjah]

Re: De real bakkle is on

a wah de raa unno a gwaan wid, unno change up de rule dem from chree tuh whateva, a wah kind a eedyat contess dis?

MORE FIYAH pan de whool a dem
Fiyah pan Fancy tuh



SPENG, just shet yuh bumfiquaat mout,
yuh nah nuh lyrical ability, yuh nuh know weh ya talk bout
gwaan guh read yuh fuss piece a lyrics weh ya chat bout gun
yuh sehh red dot pan a farhed, lawd yuh mout juss a run
now yuh waan fi cum an tess mi when mi fiyah still a bun
mi a guh tell yuh a likkle story, suh mek mi set up de scene
yuh tink mi nevah did si yuh when yuh teef mi run crème
mi seet inna yuh pocket, mi see it buss yuh seam
yuh waan fi bi de Emperah but dat is jus a dream
disya fiyah a get hotta all a unno get Skawch
every piece a fi dem lyrics an dem mic get pawch
unno a drink red stripe an a dance tuh de red wine
Speng bax dung Phatty an it look like shi nuh mine
mi si yuh lose yuh tempa mi si yuh lose yuh spine
yuh a chat like yuh a shotta an nuh even kno de time
Well mi a bring a new tsunami fi come mash up de scene
Dis a hawdcore FIYAH if yuh know wah mi mean.
Mi tell yuh fi stap act fool, mi tell yuh guh a skkkool
Emperah dahJah come fi rule disya mic a mi tool
Mi si unno leff church early an gawn a fawmah yaad
But wah dem a duh up deh mi seh lawd, my gawd
Membah disya story, membah demya scene
Kingy jump inna hog pig pen an lick shot well mean
Speng jump een deh tuh, get bax by biggaview
Him did a rail an a gwaan bout dis a feem avenue
Him stawt get more bex, lick shot pan a dawg name rex
All dis while de dawg juss a smile cah him a get a new view
Now look wah de one Speng him a do
Him look sittin else fi screw
Him grab one fowl an spread him wing an owl a bawl out who
Mi sehh what a dutty brute fawmah a come him bout fi get shoot
Who deh a ride one donkey was de bredda name Jah Yute
Mi sehh disya ting neh look too cute, all now him jus tun mute
De ppl a try fi find him cah him head dem waan fi trim..
When fawmah reach de avenue, him now getta biggahview
Him couldn’t bleeve him yeyesite bigga tings inna hog do do
Now disya bwoy bout fi get screw, an him cyan tekee back
Cah what mi a tell yuh is a fact,
Fawmah grab him an him hole him an him send him gawn a Iraq.
Dis is a sad story, but mi a come tuh de enn
When fawmah find Speng inna him fowl Speng get heng.
Kingy dead from hawt attack cah him neh waan guh a Iraq
Jah Yute get shoot cah him was a dutty brute an teef out fawmah loot.


Now easy fancy a sidung inna de kawnah
Watch how ya gwaan dis time nuh mek mi haffee warn yuh….

[bigbooie]

Re: De real bakkle is on



Mi a beg yu Dahjah..organize yu rhymes..my god.

It aggo tek mi 4 day fi grade dis yah essay.
Now I will expect a report pon chinese proverty next week, start wok pon it.


A whaapen tu dem man yah sah??