Tweet
Now and again I write my likkle tings,and I admire miss lou`s
style of writing,so I did this likkle effort in her style.
Dis is de site dem talking bout,
dat is mashing up de net
an all de try dem trying,
de addah ones no ready yet
Jamaicans dot com dem call it,
a real jamaican ting
it no mattah wah yu carry,
juss come wid wah yu bring,
When it come to tapiks,
a dessoh tory buss,
juss puddung backrah wuk,
an log awn pon de suss,
Nuff yaadie pon de membaship,
an some no wipe dem mout a grung,
far yu know when yaadie chat,
dem no like fe hole dem tongue,
It have a whole heap a forums,
an even sinting call a shoutbox,
dat comeen like chatroom labrish,
it even have a likkle shawtman wid locks,
De ting about de site,
sometime it nice cyaan done,
dem mad yu wid nuff jokes,
fram who naw get none,
to who a gi man bun,
Tek far instance deark an john
lawd mi seh mi dear sah,
is like a regulah hair salon,
whole heapah labbah labbah,
so dat closely moderated
as soon as yu seh feh,
de labrish get g rated
Fe dem who seh dem saved,
an is pure an widout sin,
dem have dem owna forum,
juss no go deh unless yu have tick skin,
A cyaan tell no lie,
sometime de peace no guarantee,
yu done know how yaadie tan,
an sometime dem disagree,
but no pawt fight unless yu get invite,
cos dem same one wi cuss yu,
an mek yu affi tek flight,
Dem tell yu fe go dead a bush
an dem tell yu fe kirrout,
cos yu naw feed nor mine dem,
an dem naw bax food out yu mout,
But when yu teck a stock,
its not a bad place fe meet,
if yu miss someting bout yaad
an yu did really waan seet,
check out de dot com yaadies,
is de word out pon de street.
style of writing,so I did this likkle effort in her style.
Dis is de site dem talking bout,
dat is mashing up de net
an all de try dem trying,
de addah ones no ready yet
Jamaicans dot com dem call it,
a real jamaican ting
it no mattah wah yu carry,
juss come wid wah yu bring,
When it come to tapiks,
a dessoh tory buss,
juss puddung backrah wuk,
an log awn pon de suss,
Nuff yaadie pon de membaship,
an some no wipe dem mout a grung,
far yu know when yaadie chat,
dem no like fe hole dem tongue,
It have a whole heap a forums,
an even sinting call a shoutbox,
dat comeen like chatroom labrish,
it even have a likkle shawtman wid locks,
De ting about de site,
sometime it nice cyaan done,
dem mad yu wid nuff jokes,
fram who naw get none,
to who a gi man bun,
Tek far instance deark an john
lawd mi seh mi dear sah,
is like a regulah hair salon,
whole heapah labbah labbah,
so dat closely moderated
as soon as yu seh feh,
de labrish get g rated
Fe dem who seh dem saved,
an is pure an widout sin,
dem have dem owna forum,
juss no go deh unless yu have tick skin,
A cyaan tell no lie,
sometime de peace no guarantee,
yu done know how yaadie tan,
an sometime dem disagree,
but no pawt fight unless yu get invite,
cos dem same one wi cuss yu,
an mek yu affi tek flight,
Dem tell yu fe go dead a bush
an dem tell yu fe kirrout,
cos yu naw feed nor mine dem,
an dem naw bax food out yu mout,
But when yu teck a stock,
its not a bad place fe meet,
if yu miss someting bout yaad
an yu did really waan seet,
check out de dot com yaadies,
is de word out pon de street.
Comment