Tweet
remember when chicken back was three pound fe a shilling,
and jamaican vocabulary never have de word chillin,
remember when yu could buy poun a flour,tin a mackerel and a dragon stout,
and still get change fram a pound note,
remember when bullah an pear was a staple diet,
and when big people talk pickney affi kip quiet,
remember how granny used to cut big fart by leaning har batty oneside,
but if you dweet shi do a jackie chan pon yu baxide,
remember when cellular phone nevah yet invent,
and de old landline ting a represent,
and sometime dem used telegram to spread de news,
and a man affi run barefoot till dem foot get bruise,
remember how roast saltfish and roast beadfruit did nice,
and de same ting wid calaloo mix up wid rice,
remember how jonkanoo used to march,
and yu khaki trousers used to stiff wid starch,
remember how teachah used to beat yu wid cane,
and no mattah how yu beg it was in vain,
remember how certain man used to start fight,
an whispah to him friend "no let mi go hold mi tight",
remember how yu lose yu money to crown an anchor man,
an when yu reach home granny *****t yu wid de frying pan,
remember how dj used to toast pon mike,
and rudebwoy used to ride s-90 bike,
remember how toots and de maytals used to be de big ting,
remember de sweet and dandy song dem did sing,
and miss lou and rannie williams a mash up de airwave,
and mi used to laugh till granny tell mi bwoy shet up an behave,
remember icy mint,buss mi jaw,and grater cake,
and who can figet blue draws,crayfish soup,or the smell of cornmeal pudding when it juss bake,
remember j.o.s bus,bush jacket,and gun mout pants wid rag innah back pocket,
remember rock steady,gun innah baggy,an leggo beast a gie man jacket,
remember de play call dulcimina life in town,
dem time deh wi used to rate de actor call jim brown,
remember when is only JBC alone a run tings,
an de program wid miss lou call ring ding.
Bwoy dem time deh tings did real nice fe real,
Jamaica naw go nice again,…a juss so mi feel.
and jamaican vocabulary never have de word chillin,
remember when yu could buy poun a flour,tin a mackerel and a dragon stout,
and still get change fram a pound note,
remember when bullah an pear was a staple diet,
and when big people talk pickney affi kip quiet,
remember how granny used to cut big fart by leaning har batty oneside,
but if you dweet shi do a jackie chan pon yu baxide,
remember when cellular phone nevah yet invent,
and de old landline ting a represent,
and sometime dem used telegram to spread de news,
and a man affi run barefoot till dem foot get bruise,
remember how roast saltfish and roast beadfruit did nice,
and de same ting wid calaloo mix up wid rice,
remember how jonkanoo used to march,
and yu khaki trousers used to stiff wid starch,
remember how teachah used to beat yu wid cane,
and no mattah how yu beg it was in vain,
remember how certain man used to start fight,
an whispah to him friend "no let mi go hold mi tight",
remember how yu lose yu money to crown an anchor man,
an when yu reach home granny *****t yu wid de frying pan,
remember how dj used to toast pon mike,
and rudebwoy used to ride s-90 bike,
remember how toots and de maytals used to be de big ting,
remember de sweet and dandy song dem did sing,
and miss lou and rannie williams a mash up de airwave,
and mi used to laugh till granny tell mi bwoy shet up an behave,
remember icy mint,buss mi jaw,and grater cake,
and who can figet blue draws,crayfish soup,or the smell of cornmeal pudding when it juss bake,
remember j.o.s bus,bush jacket,and gun mout pants wid rag innah back pocket,
remember rock steady,gun innah baggy,an leggo beast a gie man jacket,
remember de play call dulcimina life in town,
dem time deh wi used to rate de actor call jim brown,
remember when is only JBC alone a run tings,
an de program wid miss lou call ring ding.
Bwoy dem time deh tings did real nice fe real,
Jamaica naw go nice again,…a juss so mi feel.
Comment