quilting and Knitting -vannie come here

[missus_vegas]

Re: here's di picture...i love it

<div class="ubbcode-block"><div class="ubbcode-header">Originally Posted By: evanovitch</div><div class="ubbcode-body"> </div></div>

mi like dis...whoever a mek it oonuh mek two. mi would like mines in gold/bronzy colours please

[FrenchTickla]

Re: here's di picture...i love it

mi still nuh do di clutch yet caw mi decide fi nuh go a di work holiday pawty.

but mi just done one hat fi smaddy on yah and gone on to anedda one now.

how it going evan? wat is dis mi hear about your sister? mi ongle see references to something that seh she sick but mi nuh know what happen. regardless, mi already know dis is a rough time of the year for you hope u sister ok.

[twiney]

Quilt update for Vegas

[FrenchTickla]

Re: Quilt update for Vegas

twiney yuh a gwaan good. a see seh di horsey stitch on and u a work pon di rest. how u liking it so far?

[twiney]

Re: Quilt update for Vegas

it cute but never again ... mi no have the patience for it at all ...

[missus_vegas]

Re: Quilt update for Vegas

nice
i still havent worked on mines

[FrenchTickla]

evan u can mek dis?



mi wud put in an order

pattern hereso

[evanovitch]

Re: evan u can mek dis?

chile mi a finish up some stuff fi miself...no time fi do oddas tings rite yah now..dis cole a kick mi behind to di extent dat is pure tings mi been mekking fi mi wear...fi real...mi tek some pictures today of the winter wonderland arung me...fi real, it look nice but still ghostly pon a form...lovely doah...even di tree infront a di house wid di red berries still pon it enclosed in like crystal...and di row of trees dung di blvd whe no ha no branches but juss di crystals...is not ice cause it no rain but it look like ice...

[evanovitch]

Re: evan u can mek dis?

figet fi seh dat it is worth ur while to go by a Michaels...sale is nice..yarn veddy reasonable...mi stock up pon some alpaca....

[FrenchTickla]

Re: evan u can mek dis?

thanks fi di tip evan. mi will check it out tomorrow.

i guess i will just haffi wait till mi learn fi knot fi mek dat purse

stay warm. mi can picture u a knit away and adding layers as u go. hush yaw.

[evanovitch]

Re: evan u can mek dis?

mi all knit cowl fi wear rung mi face...as mi done it mi wear it..nice ites green n gole still eena di merino wool mi get at Michaels...mi deh pon some heavy leg warmers too....mi a wear tights , wid dem pyjama pants unda sweats an socks inside Uggs..so u muss know how mi cole....mi rahtid...dis yah place need Jah fi real... n wen dem a seh it gwine to warm up n is -13 dem a cawl warm, mi feel like bax di tv

but mi haffi admit seh di snow pretty n clean....mi outside wid di dawg dem n mi tek up some so mek snowball trow afta dem...dis snow cleaner dan whe mi see dung in di USA

[missus_vegas]

Re: evan u can mek dis?

Evan u need a lick...it has been fairly warm di last week and more. -15 and warmer is good wedda

[evanovitch]

Re: evan u can mek dis?

<div class="ubbcode-block"><div class="ubbcode-header">Originally Posted By: Vegas</div><div class="ubbcode-body">Evan u need a lick...it has been fairly warm di last week and more. -15 and warmer is good wedda </div></div>

a lie u a tell ...mi a go post some pickchas from outside mi house...

[Bandana]

Re: evan u can mek dis?

<div class="ubbcode-block"><div class="ubbcode-header">Originally Posted By: FrenchTickla</div><div class="ubbcode-body">

mi wud put in an order

pattern hereso </div></div>





Imagine that in yard colors!!

Vannie you could sell those fi real!

After you get warm in July, that is

[evanovitch]

Re: evan u can mek dis?

if mi do dem in cotton but mi mite try one if mi can find di handles cheap...u know seh mi a bruk pocket smaddy