steaming fish an a try a ting

[evanovitch]

so mi a steam a king fish head wid anodda slice of di fish an mi a try a ting

mi new ting is Soy Oil...yeah mi buy it at di Vietnamese store an so far so good

mi put likkle eena a skillet an put whole cloves of garlic ( i love garlic an have about 8 cloves),two scotch bonnet, green onion bulbs, vidalia onion, an dis odda Mexican peppa...mi figet whe it name but it look like a big bud peppa..is not Jalapeno..dem was practically giving dem away at di Mexican supamarket..di Jalapenos dat is but mi neva a tek no chance wid dem

mi saute alll dem seasonings pon a medium stove so dat dem no burn up and wen di smells stawt fi assail mi noseholes mi put een di fish....mi sprinkle likkle ....mi empty a Corona eena di skillet, sweeze a fresh lime ovah everyting an leff it a bubble....

now mi a mek yellow yam an okra fi go wid all dat

[evanovitch]

Re: steaming fish an a try a ting

wen di garlic soffen, mi crush dem eena di juice an since everyting look so pale, mi trow een couple drop a pickapeppa fi brown it up...mi no ha no paprika an since mi a move mi a use up tings an naw replace none


bwoy mi a tell u seh it smell nice u see...mi juss squeeze anodda lime ovah everyting an mi a go nyam soon


burp, mannas...mi a get dat outta di way

[evanovitch]

Re: steaming fish an a try a ting

mek mi tell u seh is pure aphrodisiac..fi real...all wen mi suck di bone, di taste of Corona wid lime is fabulous an den di peppa jine een

oh lawd...i am nyaming well tonite

[blackberryrain]

Re: steaming fish an a try a ting

gon on and enjoy yourself! but my mouth is burning like fire just reading about all those peppers you used

[evanovitch]

Re: steaming fish an a try a ting

u know mi juss nyam di lass morsel along wid di piece a peppa an it taste lovely...it juss cook dung nice an ting..all di bone dem mi chaw up an suck di juice...mi naw lie, it was lovely....an not a drop of salt r any artificial seasoning eena di pot....burp mannas

[mountaingal]

Re: steaming fish an a try a ting

do you normally put beer in your steamed fish, evanovitch? or just with the steamed fish? you don't use tomatoes in your steamed fish seasoning?

[SandiF]

Re: steaming fish an a try a ting

This sound real good evanovitch. Mi gwine try it one day. Did you put in the beer when the fish start to simmer, or right after you put in the fish in the skillet?

A yesterday mi did a tink bout renta and yellow yam. This food sound right up my alley... mek mi feel hungry.

[evanovitch]

Re: steaming fish an a try a ting

<div class="ubbcode-block"><div class="ubbcode-header">Originally Posted By: MGee</div><div class="ubbcode-body">do you normally put beer in your steamed fish, evanovitch? or just with the steamed fish? you don't use tomatoes in your steamed fish seasoning?
</div></div>

no...dere is anodda red stripe fish recipe mi use fi do but mi a boycott red stripe ...u use di red stripe wid cokenat milk fi dat recipe...

dis one was juss a try a ting wid di king fish

[evanovitch]

Re: steaming fish an a try a ting

<div class="ubbcode-block"><div class="ubbcode-header">Originally Posted By: SandiF</div><div class="ubbcode-body">This sound real good evanovitch. Mi gwine try it one day. Did you put in the beer when the fish start to simmer, or right after you put in the fish in the skillet?

A yesterday mi did a tink bout renta and yellow yam. This food sound right up my alley... mek mi feel hungry. </div></div>

mi put di fish eena di skillet fi about two minits fi ketch a braise an den mi pour di beer ovah it

[Blackstar*]

Re: steaming fish an a try a ting

Call me next time so me can come get a taste. That recipe sounds good.