how many patties is it decent to nyam at one go?

[evanovitch]

mi go di Afro Caribbean store and buy a box a patty...mi a seh to miself seh if mi haffi tun awn di oven is a shame fi waste all dat energy fi one r even two patty..den again ,wid all di calories in patty , mi shud really stick to juss one

but , since mi a yaadie mi know seh mi naw go nyam juss one patty n den it occur to me seh wen we deh yaad, wi neva use fi mull ovah how much patty fi nyam..we buy patty PLUS meatloaf an bungst dem awf, drink a champagne , belch an gwane bout we bizniz

BUT in dis PC world, how many patties should be nyamed at one sitting ?

[evanovitch]

Re: how many patties is it decent to nyam at one go?

well Evano, my stumuck is smallish so i ongle can nyam one but all like my bredda dem bax off 6 before dem haffi drink likkle ginga beer fi belch dem deh off fi mek room

[evanovitch]

Re: how many patties is it decent to nyam at one go?

mi watching mi figga so is juss half mi wi pick pick ovah an it betta be di callaloo one too

[evanovitch]

Re: how many patties is it decent to nyam at one go?

oo noo seh how oonoo yaadi come eena di ooman post a gwanie gwanie...next ting oonoo a go stawt chat bout ackee n saalfish patty, chick peas patty an all di forceripe also ran patty

is one patty name patty n if is really beef een deh oonoo still a form fool

[evanovitch]

Re: how many patties is it decent to nyam at one go?

hear mi now , is me stawt di tread an mi no wan noooo body come een yah so mek anti chinese remark...is juss ruma dem was spreading bout di puss head dem behind di patty place a crass roads..afta all, yaad puss too mawga gi offah much meat plus how u ago ketch wild puss juss so ...cho

betta oonoo seh is a shame how is pure hot steam mek di meatloaf dem look so full...dem need fi post hazard pickcha pon dem cause u bite een an as it collapse n release all dat deh hot steam is bun u get bun up...

is ongle tru di Empress no suppose fi a nyam di beef mek mi no go bak een deh go gwane bad

[evanovitch]

Re: how many patties is it decent to nyam at one go?

seet deh , seeeee eet deh...how long mi a cawl har also ran Ras n see how she admit seh she nyam Tastee patty...tink seh Ras ongle fi nyam ital ...a bet u she a go seh she bless di patty before she nyam it

[evanovitch]

Re: how many patties is it decent to nyam at one go?

hey star, no come eena mi post so come tek mi awn..mi no eena it...mi mek sure no poke ile r such eena di cruss an mi know seh beef cause no more puss no dehbout a walk juss so rung town

n mi doing mi bit fi buy Jamaican wen mi go home n nutten no more Jamaican dan patty...so lo di I

[evanovitch]

Re: how many patties is it decent to nyam at one go?

no bak to weh mi did ax if u please

[FrenchTickla]

Re: how many patties is it decent to nyam at one go?

evan u develop schizophrenia?

if u is a consenting adult and u a dweet behind closed, den gwaan tru. nuh matter how much u nyam, decency nuh have nutten fi do wid it. like u seh, u a save di environment

[Gen]

Re: how many patties is it decent to nyam at one go?

mi can only eat 1.5 by itself but if mi eating coco bread too is only 1 patty mi can guh up to

[Emperah]

Re: how many patties is it decent to nyam at one go?

mi cyan nyaam two a one sitting

[kia027]

Re: how many patties is it decent to nyam at one go?

ahm some a wi did a tek care of oddas so could not hask you

personally mi noh like patty widout cocobread so is just 1 patty mi nyam wid a a bokkle of cola champagne

come to thing of it is lang time mi noh have kola champagne

gen where in bklyn mi can pick up Kola champagne? mebbe mi mek a stop on mi way back

[Gen]

Re: how many patties is it decent to nyam at one go?

mi see dem in the supermarket nearby the patty shop

mi also see dem inna target too (but mi nuh think the target by you have it)

[kia027]

Re: how many patties is it decent to nyam at one go?

<div class="ubbcode-block"><div class="ubbcode-header">Originally Posted By: Gen</div><div class="ubbcode-body">mi see dem in the supermarket nearby the patty shop

mi also see dem inna target too (but mi nuh think the target by you have it) </div></div>

the target on atlantic?

if so mi set

<span style="font-style: italic">note to self: mi will do de bklyn driving cause mrMan too polite pon de road out deh </span>

[Emperah]

Re: how many patties is it decent to nyam at one go?

dwl