straighten up de cupboard...

[Jazz]

wipe dung de counta...
fold up the kitchen towels...

Lawks oonu messy sah!

Hello Ja.com foodies - wat a gwaan? I have so been MIA these past few months and I owe oonu an apology... but things were just hectic...

Is nat like say anybaddy miss mi an ask fe mi anyways

So wat is gwaaning aan? - mi si Skelly open har own cooking show now - big tings!

wat else mi miss?

[twiney]

Re: straighten up de cupboard...

Yuh bring back the 2 dutchie and the frying pan weh you did borrow? A cyaan fine the good cutting board missing from you gone to

[Jazz]

Re: straighten up de cupboard...

SASACRISE!!! - Look here nuh Ms. Twiney - ah ongle wan soso dutch pat mi did barrow - mi nuh know weh de odda wan deh

If ah mi like yuh mi check Skelly - yuh nuh notice how all a sudden she ah do dis big cooking and she nain used to cook nutten before... nuh muss cause she nevva have nuh pat fe cook eena?

As fe de cutting board mi did dash dat weh frame Dahjah diid use it fe chap up wan half side ah powk

nat even hello dawg mi get - jus dese wile allegations *CMY*

henny hoo mi bring likkle Indian curry fe yuh so fix yuh face

[twiney]

Re: straighten up de cupboard...

curry goat fi dinner ... wha gwaan Jazzy dawling had to take care of business first ... Mi lock up the pot them and things cause everybody was just taking thing out the pantry and mi needed to know where them was ... and some like Pepper just get so lazy no Sunday dinner this week but I soon whip them back in shape ... as soon as hockey season and music done.

[Jazz]

Re: straighten up de cupboard...

ah so dem people yah love tek libatty from long time... jus walk een yah like dem own de place and <span style="text-decoration: line-through">teef</span> borrow tings as it please dem...

Mi glad yuh finally law dung the law and institute some order around here...

Whip dem in shape man - mi will watch yuh back

[Venn]

Re: straighten up de cupboard...

Coward!!!

Is a shame, nat even likkle ice wata ppl cyaan get dung a dis wance flourishing establishment!!! Unnu fi do betta man.

[Jazz]

Re: straighten up de cupboard...

oyye oyyee Ms. Venn please to kip yuh vice dung in the place... we run a distant kitchen ere.

Tell har please Twiney...

Would you like some Ice water Venn?

(Twiney we have dat right?)

[twiney]

Re: straighten up de cupboard...

You no si the brand new fridge them deliver yesterday and the nice convection oven ... we stepping up this year. She can get nice filtered ice cold water on demand and we even have ice maker for those who want likkle ice in them water.