Mi have likkle labrish

[Kurlie]

So mi sistren from donkey years link up wid mi and wi a do some catching up and and ting. So mi talking about siblings and accomplishments, disappointments etc, when the subject touch pon her little sista. She a 28 now. Anyhow, she telling mi how di likkle sister have her nice nice job, gradutate from college and doing well but two years ago she married one bwoy (AA). Now likkle sis deh pon har career path and a do her ting and hubby a do construction (on and off). Mi friend sey the two a dem is like night and day but the bwoy look good and she can partially undastand why she did married him..furda more she nuh want no man mind har because she doing really well.

Any how…

Marriage pop and few months afta dat bwoy come tell her sey gyal a breed fi him. Mi friend sey if a did she him would be out the door before him finish the wud breed but likkle sis is very private and ting so she nuh really know what the bwoy sey or “do” fi mek she figive him. Now dis bwoy wuk construction in a NY and a nuh all the time him wuk so a likkle sis tek care a most a di financial situation.

Soon come

[H_O]

Re: Mi have likkle labrish

so whats the problem?

[Kurlie]

Re: Mi have likkle labrish

Anyhow…baby bawn and ting and hubby and do him fadda duty and ting. Likkle sis accept the baby and do har part fi help hubby wid the likkle boy. Now Baby madda is nat someone wey likkle sis tek tea to and dat is quiet undastanable unda the circumstances but she is an intelligent and humble person.

Hubby come home one night and tell likkle sis sey that Baby madda and son a get evicted, after she had the baby she never go back to wuk and now she need likkle help fi get back pon har feets. Baby madda was tinking of going home to SC to family but him nuh want him son left and him thing it would be a good idea if baby madda and son stay in the spear room until she get a job and ting.

[loops]

Re: Mi have likkle labrish

ain't NO FREAKING WAY i'd tolerate that.

he needs to find a plan B.

[delawaregrl]

Re: Mi have likkle labrish

Oh hell naw!! Sorry! had to let it out!!

[Fyah]

Re: Mi have likkle labrish

<div class="ubbcode-block"><div class="ubbcode-header">Originally Posted By: MrsKurlie</div><div class="ubbcode-body"> Baby madda was tinking of going home to SC to family but him nuh want him son left and him thing it would be a good idea if baby madda and son stay in the spear room until she get a job and ting.
</div></div>

Is he insane in the brain?

Please skip to the part where they identified his body that was stuffed in the boiler down in the basement. I need to know what happened, how she got away with his murder.

[Kurlie]

Re: Mi have likkle labrish

Likkle sis hell bent and sey naw…and even offa if help dem pay fi a place fi dem..hubby sey it’s more than dat because baby madda was thinking of going back to school and need help wid the baby…blah blah. Mi friend sey she and har family nuh know wah transpire but dem end up a move in and likkle sis was unhappy and going through hell, but because dem nuh really run too much in the same circle and likkle sis so private she nuh know what exactly was going on. All she know is likkle sis call her one day and tell her sey she need har help fi move but she fraid a wah hubby a go do. Now likkle sis up to dis day no admit sey hubby did a box har round and mi friend sey she hear sey him was doing dat.

Eventually likkle sis come clean and tell her sey the two people dem a tek ova her place. Baby madda walk round in her skimmy tings and wen she talk to hubby bout it…his respond is dat is how she is..I will talk to har about it. Now baby madda a younger gyal fi dem enuh...So mi friend sey nothing more that dis bwoy want a way fi have him sweetheart and wife unda the same roof like him don.

Likkle sis nuh have the physicial proof but she feel sey dem did a have sex in har place. She can’t deal wid dis anymore and she want to move out and need help

[loops]

Re: Mi have likkle labrish

well if they haven't yet....they surely will eventually.

time to move on....

[Shine_Eye_Girl]

Re: Mi have likkle labrish

Likkle sis shooda kick di dutty bwoy to di curn lang time. Book sense no always meen sumtin enoh.....

[sistacaf]

Re: Mi have likkle labrish

lil sis needs to grow a spine

[Kurlie]

Re: Mi have likkle labrish

Long story short…

Likkle sis go rent an apartment privately and get help fi go move her stuff dem. Now dem only have one bredda wey nuh live a NY but mi friend sey she get two a man friend dem fi come help har.

Now the day a di move baby fadda deh a wuk and baby madda deh home with the baby. Likkle sis and mi friend enter the apartment and start a pack things..the two man friend dem come in a move out furniture and baby madda get frantic and ask likkle sis whats going on…mi friend sey all now likkle sey nuh answer har.. she get pon she phone and call har baby fadda and tell him what a go on. Mi friend sey ina di ite a di moving the don baby fadda come home and when him see the moving a tek place him start huff and puff and yell har likkle sis…Likkle sis just turn to him and sey the lease on the apartment is cancelled and she is moving in wid har sista.(she neva want him know sey she rent place). Hell broke loose now…because baby madda and baby fadda nuh have no weh fi go and dem can’t stay in the apartment, furda more dem nuh have no furniture. Baby madda a cuss out rawco and tell likkle sis tings wey only she and her husband if know bout har..Mi friend sey she neva she har sister get so red and fly up ina baby madda face…baby fadda had to jump in and part dem. Dem argue back and fort tell the furniture dem move out. The likkle trikklings wey left likkle sis look pon dem and tell dem sey dem can tek dem and best of luck. Mi friend sey you hafi tek bad tings mek joke but when dem ina the truck and she look pon her poor likkle sister she sey she just a tremble like magga dawg and she could nat talk.

She ended up moving otta state because the hubby was harassing har but she doing betta now.

[Kurlie]

Re: Mi have likkle labrish

<div class="ubbcode-block"><div class="ubbcode-header">Originally Posted By: TLC_30</div><div class="ubbcode-body">Likkle sis shooda kick di dutty bwoy to di curn lang time. <span style="font-weight: bold">Book sense no always meen sumtin enoh</span>..... </div></div>

Mi alway sey dat.

[loops]

Re: Mi have likkle labrish

i guess baby madda go into a panic when she see the furniture going out the door.

[Kurlie]

Re: Mi have likkle labrish

<div class="ubbcode-block"><div class="ubbcode-header">Originally Posted By: loops</div><div class="ubbcode-body">i guess baby madda go into a panic when she see the furniture going out the door. </div></div>

wen mi friend tell it, she went into more details. She had mi cracking the hell up just imagining the situation

[Kurlie]

Re: Mi have likkle labrish

<div class="ubbcode-block"><div class="ubbcode-header">Originally Posted By: sistacaf</div><div class="ubbcode-body">lil sis needs to grow a spine </div></div>

she eventually did