Ansa dis for me please....

[esp]

smaddy weh mi know hav a visitors visa...this means the person was authorized to stay in the country for 6 months......May 28th - November 28th.....

the person left this past Saturday - November 15th....

this morning I got a phone call from my sis that the person call to say he is coming back today...cawse Jamaica hard ....Is it possible for immigration to let him back in?

And as far as i am concerned....this is downright stupid...di hell..yuh lef Saturday ana come Mundey...an yuh reason is life a Jamaica hard????

A neva cuss nutten more than ra$$ yet....but heny how a fine out dat dis bwoy ah use him hed pan mi a gwwan chip couple good words yuh c man

I have no problem helping peeple out....he came up, had problems with his cousin....stayed with my cousin for a while..my cousin needed his space..him neva hav no where to go..so I agreed to let him stay until November 28th....the only stipulation I had was that he should donate something towards the household....I didn't set a price...he gave $50 when he felt like it....hokay mi nuh hungry so mi seh mi nat going to kill him....cawse maybe him nuh hav it....

Him nuh buy nuh toiletries....yet brand new kickas fe go home
Feem showa lass fe ova 30 minutes......had to let him know nothing in NY is free..not even water
When him redy him jus tep outta di house...no puss or dawg mi nat here
Bredda man eat an lef him plate ina di sink ...dats when I lost it....mi nuh care who yuh be..if yuh use it wash it....

I checked him on those issues...an my man go complain dat mi nuh like him...him right mi nuh tek to nonsense too too easily....henyhoo imagine my shock wen my sis call mi an seh him a cum back?

I have my theories where that is concerned....but 'fore mi hatup mi hed...mi wooda really like fe know which IO ago let him back in yah...

[Bizzy]

Re: Ansa dis for me please....

Den if a so him a live a merca, jamaica muss hard yes

dem wi question him a immigration yes..in ja and here

and good luck to him if/when dat visa expire and him a try renew

embassy or weheva dem go fi look bout visa gwaan deny him baxide...

my cuz used to live so...come up yah an stay fi har 6 mos an den go back a yaad an spin roun back in a next 2 mos.

when shi go back fi get anew visa...dem ask har if shi nuh have a job a jamaica an what shi a do a merca so often and a so har husband en up hafi file fi har

[esp]

Re: Ansa dis for me please....

Yuh seet doah Bizi....aye sah.....even if he's back...my home is off limits...a Chels room him did ina an dat naah guh work....

So weh yaah seh dem a go let him bac fe 10 days? Him really can come back that quick?

[Bizzy]

Re: Ansa dis for me please....

Yeh. Might get likkle questioning but dem wi let him in.

So is where him gwaan stay dis time?

[esp]

Re: Ansa dis for me please....

I have no clue....he made a decision without calling and speaking with me...so him must know yaah Z...cawse I sure don't....aye sah...

[Nunya]

Re: Ansa dis for me please....

Hush yah ep.

But mi sure a fi yuh yawd im a come back fi stay yes. An when im say 'Jamaica hawd' afta a two day turn round, is cause im know say im nah go back, whedda dem grant im extension or not.

A so de ting set.

[esp]

Re: Ansa dis for me please....

Dat mek it worst....I don't have the resources to take smaddy else in....his implusive action is on him....

[St_Bess]

Re: Ansa dis for me please....


They might tun him back when he reach a JFK. Dem not so easy like before 9/11. Last year dem hold me cousin a JFK and ask har a million quesion bout har family (she have the same last name as the airport a Mo Bay) and dem tell her that there's no way she has a job in JA because she's been coming to NY stay 6 months go back home stay 2 months for about 3 years. (Me sey de wooman was traveling more dan people with papers). Anyway dem hole har behine and send her back on the next plane.

[Bizzy]

Re: Ansa dis for me please....

BOAL. Poor ting. I still say it depends on the officer u go to

[evanovitch]

Re: Ansa dis for me please....

my fuss ? is whe him a get di money fi di plane fare? and why him feel seh him is soooo welcome dat him decide widdout asking u....

[esp]

Re: Ansa dis for me please....

<div class="ubbcode-block"><div class="ubbcode-header">Originally Posted By: evanovitch</div><div class="ubbcode-body">my fuss ? is whe him a get di money fi di plane fare? and why him feel seh him is soooo welcome dat him decide widdout asking u....

</div></div>

dat meed a like know to...dats y mi suh confuse

[missus_vegas]

Re: Ansa dis for me please....

wen him come tell him seh i have a room in exchange fi two round trips to JA fi di xmas

[DearK]

Re: Ansa dis for me please....

Was he working illegally while here for 6 mos? I agree, seems he thinks there's more opportunity in US than in Jamaica... With all his partying, he may have found some generous friends to stay with

[esp]

Re: Ansa dis for me please....

turns out they revoked his visa an send him to wan holding place a JFK...he called and said he wants to file for asylum...lawks now mi feel sarry fe him ...\o/ aye sah Y wud somebaddy do something so dumb???....yuh know mi mine a tell mi seh dis yute naah tell wi di trute bout y him flee...sitten fishy bout dis situation.....

[Bizzy]

Re: Ansa dis for me please....

he gay?

dem wi put him back pon one return flight...unless him up to sumthin