Mi did feel fi BAX him inna him Jaw Bone

[CyberPhobic]

Re: Mi did feel fi BAX him inna him Jaw Bone

<div class="ubbcode-block"><div class="ubbcode-header">Originally Posted By: Compray</div><div class="ubbcode-body"><div class="ubbcode-block"><div class="ubbcode-header">Originally Posted By: CyberPhobic</div><div class="ubbcode-body">
Who dey bout? Beg unnoo mekk unnoo self known for me nuh feel fi chat to miself tidey. </div></div>

Wait deh...a really yuh dat? A only one person mi know dat request an audience 'fore shi tell a story. How yuh duh? </div></div>

Hello my dear sista in da Lord!

[CyberPhobic]

Re: Mi did feel fi BAX him inna him Jaw Bone

<div class="ubbcode-block"><div class="ubbcode-header">Originally Posted By: FrenchTickla</div><div class="ubbcode-body">if dis a who mi tink it is, mi long fi onea u escapades weh have mi whole house a roll pon di floor. welcome back.

no u nuh know mi from adam. carry on </div></div>

[CyberPhobic]

Re: Mi did feel fi BAX him inna him Jaw Bone

<div class="ubbcode-block"><div class="ubbcode-header">Originally Posted By: dahJahPawtTwo</div><div class="ubbcode-body">unno might as well lock off dis poas </div></div>

Yuh an di wan whe siddung battamside yuh please tuh guh DAB.

[CyberPhobic]

Re: Mi did feel fi BAX him inna him Jaw Bone

<div class="ubbcode-block"><div class="ubbcode-header">Originally Posted By: Nunya</div><div class="ubbcode-body">I agree, dammit! </div></div>

Juss in case, is yuh mi talking.

A sayka yuh mekk mi not even aguh badda tell di ress.

<span style="font-style: italic">Calling alla mi frenz dem tuh meet mi roun a back suh mi can finish wat mi stawtid. </span>

[Emperah]

Re: Mi did feel fi BAX him inna him Jaw Bone

<div class="ubbcode-block"><div class="ubbcode-header">Originally Posted By: CyberPhobic</div><div class="ubbcode-body"><div class="ubbcode-block"><div class="ubbcode-header">Originally Posted By: dahJahPawtTwo</div><div class="ubbcode-body">unno might as well lock off dis poas </div></div>

Yuh an di wan whe siddung battamside yuh please tuh guh DAB. </div></div>

If yuh nuh come wid de bumfiquaat tory yuh si which side a gully yuh cyaat enn up

[CyberPhobic]

Re: Mi did feel fi BAX him inna him Jaw Bone

A who yaah bawl awwfta?

Yuh no hear mi sey mi waiting fi peeple? A wat is di matta wid yuh?

Nuh mekk mi galang bad pan di holy nite yaah.

[Emperah]

Re: Mi did feel fi BAX him inna him Jaw Bone

gwaan an galang bad if yuh name bad ooman nuh...GWAN!!

[applepie]

Re: Mi did feel fi BAX him inna him Jaw Bone

<div class="ubbcode-block"><div class="ubbcode-header">Originally Posted By: CyberPhobic</div><div class="ubbcode-body">

Yuh no hear mi sey mi waiting fi peeple? </div></div>

is a special someone yu a wait fa?

[CyberPhobic]

Re: Mi did feel fi BAX him inna him Jaw Bone

Yeaaah! Tank yuh Applepie.

[CyberPhobic]

Re: Mi did feel fi BAX him inna him Jaw Bone

<div class="ubbcode-block"><div class="ubbcode-header">Originally Posted By: CyberPhobic</div><div class="ubbcode-body">We go out fi jrinks laws nite widd peeple from work an dis wannabe whe work in Operations come wid wi. Di whole nite him chry fi gi joke and a bay dis===&gt; him a get.

Hear di eediat now a tell we how him propose 7 years ago. Him go to him wife parents go ask fi har hand an dem run him like dawg and tell him sey if him tink sey him ago married dem good-good dawta him betta tink again.

Here why now nuh?

Who dey bout? Beg unnoo mekk unnoo self known for me nuh feel fi chat to miself tidey. Me too bex ova dis. </div></div>

Suh di ole bwoy siddung widd him red yeye and tell everybady at di table (bout 12 a wi) dat him wife madda and fadda threaten fi lock him up if him married dem dawta.

Mi sey, BUTAWHEDIHELL mi a hear?

Di bwoy sey, him did guh fi spen di weekend wid di family upstate for a 4 year him a date ms lady. Well di puppa tell him sey, him give permission fi date but naaah give permission fi married for him no want no granpickney whe have hawd fi comb hair, whe aguh get tease a school and whe cyaah stay inna him neighborhood.

[CyberPhobic]

Re: Mi did feel fi BAX him inna him Jaw Bone

Mi shock suh til mi naily have body come dung rite dey a di table.

Mi sey to him sey, a wha yuh juss sey? Him sey, yes is chroot mi telling.

Mi sey, den a wha yuh do? Him sey him grab him weekender, tell Ms. Lady sey fi come and tekk awwf. It was a Friday nite, by Satdey, di ole fool guh a City Hall guh married di ooman.

Him tell wi sey him had was to do dat for di family did aguh call police pan him. Mi still siddung dey inna shock for mi naain getti. A dat dey time him sey dat him wife is of the cawkayjan persuajan.

[CyberPhobic]

Re: Mi did feel fi BAX him inna him Jaw Bone

A suh mi siddung wen him reveal dat A dere suh mi did feel fi bax him dung.

Dem tings still a gwaaan? Mi Gad!!

Ennyway, mi juss a wanda what unnoo wood do if caught inna dat pre-dickament.

If yuh a di man wood yuh dweet? Why/not?

If yuh a di ooman wood yuh dweet? Why/not?

[Nunya]

Re: Mi did feel fi BAX him inna him Jaw Bone

Why yuh did feel fi bax im dung?

[CyberPhobic]

Re: Mi did feel fi BAX him inna him Jaw Bone

<div class="ubbcode-block"><div class="ubbcode-header">Originally Posted By: Nunya</div><div class="ubbcode-body">Why yuh did feel fi bax im dung? </div></div>

It juss upset mi soul fi si him being so clueless fi siddung a kinn teet and a tell di story like sey a summ'n him proud hoff.

How him allow ANYBODY fi class him dem kynda way dey and talk bout him unborn like dat?

Mi did shame fi him still but mi han dem juss did a henka fi bax him inna him chroat hole. Bout run awwf an married.

Some peeple juss too delusional man. Cho!

[Nunya]

Re: Mi did feel fi BAX him inna him Jaw Bone

oh, ok.

Well, im a go feel it layta on... as long as im prepared fi dem class im all kina way as soon as im an she have any likkle disagreement an she run go complain bout im...