Tweet
Miss Kitty, Star Writer
Mi can neva understand the equation of how some man who bruk and cyaan read or write think it's their right to disrespect and abuse women and take great pleasure in doing so. It's almost as if dem conveniently figet seh dem have half a brain cell and have the audacity fi waan come lay down rules and law fi which part nuff a dem a kotch inna.
Some, tru a fi dem place or fi dem money a spen, dem waan fi control a woman's every move, what kinda clothes she wear, how many times she go out and all waan fi monitor her fren dem! Well tru mi nuh waan feel like me live a Armourdale, I dont bother with certain types of men because life too short an furthermore di recession is on so mi only a compound the stress pon miself fi deh wid a man that's only causing extra stress.
Most women who are not literate know how fi humble an hol dem corner but di man dem weh dunce and cyaan read or write love show up dem dutty colours an cause pure problem inna di camp.
thoughts and feelings
Surely everyone is born with different skills, aptitude and talent but let us not pretty up di ting. Yuh have some people who still cyaan spell dem name and inna denial. From my observation when a man is unable to express his thoughts and feelings they tend to be physically abusive. You an him ketch up bout all some simple tings wah coulda look over but tru him nuh have enough words inna him vocabulary fi carry on a conversation or argument is a rahtid gladiator box yuh get inna face over foolishness.
I firmly believe that our men need to take education and literacy more seriously. Everybody will not be a Rhodes Scholar but yuh must know seh it nuh spell r-o-a-d. The boys must pay close attention to literacy because if they don't, it will have negative far reaching implications as man walk around with a chip, sometime a block, on their shoulder like a dem woman did tell dem don't go school or lock di school gate pon them! Many are impeded by their own ego and testosterone and mek dem false pride stop dem from elevating themselves because of fear of what people might say. I'm fully cognisant about the negative stigma and stereotype associated with remedial learning centres, but there comes a time in life when a man cyaan watch di noise a di market just watch him profit.
Tru me allergic to dunce man cause me like have deep conversation an my man haffi know the difference between Gaza over Waterford an Gaza in Israel, when certain man come my way a crazy sneeze mi start sneeze cause dem a act up mi sinus. A man nuh haffi have scholastic accolades behind or in front a him name but him must know if him need help and still can hold a decent reasoning.
non-ambitious
If him lazy an non-ambitious den him need fi get move up but six a one half dozen a di odda caw yuh have some lazy non-ambitious woman outta road to ... wooiii mi body! Genetics is a very real an important thing and just like how hypertension and suga can pass down so can tief, badmind an dunce. Some women need fi mek betta selection and stop mek tru money an likes dem endanger dem pickney future. Sometime people may wonder how a pickney head tough an dem naaah learn or how dem just lazy so ... check di genes cause sometime it in deh.
Tru me fraid a lick from mawning and me will talk di dirty tings dem a owna money an independence me preach always. When women have their own autonomy no bwoy cyaan box an kick wi an push we roun an when him done to how him dunce cyaan even look inna di directory fi find a doctor fi carry yuh go!
Dont get it twisted dunce man nuh only walk an sit down pon corner, dem come inna SUV an multimillion dollar house an car to. Nuff a dem use dem money fi mask it an try surround themself wid people fi carry dem off so one wouldnt suspect but underneath the millions may be a man who cant even fill out him immigration form when him a travel. It's one thing to have money but an entirely different thing to have class. Nuff a dem wid dem money nuh graduate from no weh but tru dem have dem money dem waan come tek step wid people decent gal pickney.
Class a weh u haffi born inna it cant be bought and the authentic ones can see through di money and see seh dem a carbon copy. Nuh mek nuh man tek nuh step wid yuh because of his own insecurities give him a Bible fi start read dat way yuh use one stone and kill two bird.
Please email your topics to [email protected] so mi can Talk di Tings Dem!
Comment