Ah

[kingy]

Re: Ah

but what if unu dawta say......mammy...mi a 18 mi old enuff fi mek mi decision....wah unu woulda do? stay out?

i nuh know because it seems like if a girl under 18...she should date a man 10-20 years older...but if dat same girl is 30...its ok to date a man 20 years older.

remember back in the days....de average age fi have kids were 15. plus remember..kings and queens then were young people who mi consider girls and boys today.

lol i find it nassy fi a rusty man like dat a ram up de likkle girl..but dat same girl might shame mi if mi bump in.

[Nunya]

Re: Ah

De ongle way she live unda my roof an get whe wid dat a if she hide it. She couldan neva brite fi bring im roun bout she a go introduce im as har bwoyfren.

Now mi know say some people a go say, well she tryna be up front an my attitude a go cause problem cawse she nah go feel like she can come to mi an talk.

But my stance is dis: She ooda know whe mi stand pan dem tings deh fram way before she stawt date, yuh si mi??? Mi oodn hide an talk roun har. Mi ooda mek she know whe mi ooda tolerate har bringing home an what not.

If afta all dat de talking bout de cons (cawse mi cyaa si de 'pros') of dating smaddy whe neahly 40 years olda dan yuh, an she still feel say a im alone can light har fyah, well, she a go haffi lef an go mek im house har while im a light ie.

Yeah, mi know nuff wi say dat harsh still. But mi ha mi standards, an mi nah drop dem, not even fi mi pickney.

[kingy]

Re: Ah

lol i hear you. mi nuh waa no gyal pickney. unu can have dem fi mi son. jus seem like too much stress.

[Nunya]

Re: Ah

Mi neva waa none needa (mi no ha de strent) [img]/forums/images/%%GRAEMLIN_URL%%/70384-praying.gif[/img] An when mi hear how mi neighbour a have a fit everyday sake a har 14yo who figa say she ol enough fi tek man an tan out til wheneva she want... noooo sah... [img]/forums/images/%%GRAEMLIN_URL%%/70388-shameonyou.gif[/img]

But still, mi know say it tek two fi tango an mi know say nuff a de bwoy dem de same age a gwan wid tings...

Aldoa when a 'pickney & pickney' it no so stressing as when a greytone wo/man an pickney... [img]/forums/images/%%GRAEMLIN_URL%%/70400-talktohand.gif[/img]