<div class="ubbcode-block"><div class="ubbcode-header">Originally Posted By: MrsKurlie</div><div class="ubbcode-body"> [img]/forums/images/%%GRAEMLIN_URL%%/rolleyes.gif[/img] so wait numbadi nah tell Stacie? give mi her number please. </div></div>
Suh mi call Derrick an wake him up an seh "derrick dis is marie, ansa mi diss, yawwww eff trisha" him seh no
mi seh nuh blame missa marei him neva know mi wuz lissenin tuh unu conversation yuh waan fi eff trisha him seh no marie mi seh yuh tink inan di near or distant fucha yuh wudda eff trisha him seh definitely not
Mi seh ok fi wan Stacey is nat mi closest fren but mi is fi har closes an ongle reason mi cyaan be m.o.h. is chroo mi have plans dat weekend suh di upside is mi know id ins an outs a stacey life suh mek mi lay ie dung plain an straight.
She is a good girl,, hard worker, credit rating not di greatest not di worst but dat wuz cause she mek eediat Patrick tek out credit cyaad an neva pay har back instead him gyal out di money, she has never breeded and if she did breed she wudda tellmi she nuh have no vd except fi one time she ketch wan mild wan him seh yes him know bout ie (memba dem wuz fren fi years).
Mi seh Derrick mi know it a guh mash up di wedd'n but smaddy need fi tell Stacey him seh him know but him nuh want her fi be upset suh soon fore di wedd'n suh mi seh ok den.
Mi call Stacey on mi way dis mawnin an axe har fi di numbas fi couple peeps in di weddin pawty juss suh ie nuh look bad, mi wake up trish hear di b*tch nuh "hello"
Mi seh "Trisha, is Dan beside u" she said "yes" Mi suggested she guh in di nexx room for mi need if talk to her.
she put mi pan hold an den come back come seh
wiat deh a 5 a clack Kurlie yuh gawn awrite mi wi done ie tomorrow
she come back wid "Oh Marie, girl so good to hear frm u"
Mi seh "no no good nat a raxx, weh yuh mean fi a rub up genz di gyal man"
Now Trisha is very churchified ennuh cyaan raise har voice an nuh used to no viriago lakka mi
Suh mi mention tuh har dat she may want fi reconsider rubbing har bony done ugly bahine pan peeple man else she gwine fine a pair a shears sticking outa har chess an she naw guh ahve no stret fi tek ie out an mi personally will wring ie in juss fi mek sure ie pierce har awgans prppally
Mi done cussan galang bad an all a dat mi neva even realise seh mia wenna cuss suh loud till mi reach inna di pawkin garage an mi notice seh everybaddy a look pan mi inna id lack up cyar a cuss dis mawga hawse lookin gyal who fayva wan bline eye dawg mi granny did have name chawfine.
of course she neva understand hawf a wah mi a seh for she mercan but ah think she get di drift.
Mr. Marie him call mi now bout how Derrick call an axe if mi call Trisha an him seh prolly him seh trisha call him an tell him seh mi call and threaten her and him fi stop mi from telling STacey. Suh him a beg mi fi tell Stacey but mis tawt write wan email fram mawnin an it guh like "tekk dat dutty _________ stinking _________ outa di ________ wedding for har _______ mussi ________ like dead dawg bout she wan fi rooks yuh man" but mi fren Debbie seh dat may not be di right way.
sigh.
suh tonight mi gwine sit her down mi nuh tell har for hwen u present a problem u must present a solution an mi a look fi wan
di one ting mi wonda is if derrick modestly reject her as him sey why him did feel sey him haffi confess dis incident to sombody odda dan di woman him love [img]/forums/images/%%GRAEMLIN_URL%%/70402-thinking.gif[/img]
When its hot in the jungle of peace I go swimming in the ocean of love.....
mek note fi axe him y him neva chat but laws nite mi guh home an as mi seh Missa Marie is not a man of words but more so actions suh laws nite him seh Marie a doan tink u fi tell Stacey an outa dat mi figga seh him man seh it is between Derrick an Stacey an if mi gwine chat tuh anybody it betta be Derrick an not Stacey of course him wudda radda mi nuh seh nutt'n but mi haffi sleep a nite time an mi a nuh wan a dem who can see sinting wrong an kip mi mouth shut suh mi decide nuh fi tell her nutt'n but have di tawk wid derrick.
Mi explain tuh him seh him better seh sinting to Stacey an him seh yes him know an him ongle voice it tuh anodda man fi hear a man's perspective an him neva really ready yet but since mi guh opin mi mouth an cuss awf Trisha (oh well) him will seh sinting sooner.
Suh dem wuz pose fi have di tawk laws nite an mi nuh hear no call dis mawnin suh mi figga everything is awrite or him nuh mek di call. If it wuz anything detrimental she wudda call mi.
We process personal data about users of our site, through the use of cookies and other technologies, to deliver our services, personalize advertising, and to analyze site activity. We may share certain information about our users with our advertising and analytics partners. For additional details, refer to our Privacy Policy.
By clicking "I AGREE" below, you agree to our Privacy Policy and our personal data processing and cookie practices as described therein. You also acknowledge that this forum may be hosted outside your country and you consent to the collection, storage, and processing of your data in the country where this forum is hosted.
Tweet
Comment