Tweet
Tell truth time - Who eva try fi get rid of a man who decide se him doan want to be get rid of?
Read my story – Tell me yours!
Mi nu gi bun, cause, wan time when mi giddy head did tek mi, mi decide fi gi mi man bun wid wan pretty bwoy inna mi neighbourhood, whe nuff gyal a run dung, but him nu stap look mi (Me an mi man neva live together, although we were together many years) and dat waz di bigges mistak a mi life.
Firs ting di bwoy did wuklis inna bed, im drink up wan wholeeep a Guinness and bun up di highgrade in preparation and ……. Nothing, so mi decide se it neva wut di bother an dismiss him afta di firs occasion. Hear di bwoy, a mad mi mad, how mi fi mek him touch di gold and then tell him bout its ova. When him realize se mi serious di bwoy drap a piece a blackmail pan mi, an se if mi nu gi him, im ago tell mi man pan mi, but mi neva tek him serious, till couple days later im come inna di restaurant and bar whe me an mi man own come a laaf up, laaf up wid mi.
Mi did bex till is a shame an mi feel mi heart start roll like it a go bus ouuta mi chest, but because God de pan mi side, mi man neva de deh dat day, which is wat save me. Di bwoy order lunch an when di waitress carry it, hear him, a mi him want fi serve it. Mi gi im a piece a cut eye an if thoughts could kill im udda drap dung and ded, but im still neva satisfy. Him get up fram when im deh come ova tuh me a ole on pan mi hand, su mi get bex an cuss two badwud and come outta di restaurant gu cool off till im tired an go weh.
Mi si im di evening an ask im a wha dat. Hear im, im na go stap come dung dem till him mashp up mi and mi man and him get mi. Suh mi tell him se, if a suh im get im enjoyment, im can go ahead, but whether mi an mi man mash up ar nat, mi nu want im, especially afta how him behave. Yu tink di bwoy udda ease off, im tek a piece a set is a shame, im mek mi fraid fi walk a road. Him tell him fren dem whe go dung, su dem start gi mi facety chat when dem si mi. Mi affi pack mi tings dem a gu a country go cool off di awhile an when mi come back im start up again. A mi bredda dem mi affi rope in, fi help mi get ridda im! Yu can imagine how mi shame when mi a a tell dem di story! Mi could not believe se di wan degge-degge time we mi sleep wid im udda a cause su much trouble, but mi learn mi lesson. Mi nu want nu man we cant satisfy mi cause MI NU GI BUN !
Who brave enough fi tell fi dem story?
Read my story – Tell me yours!
Mi nu gi bun, cause, wan time when mi giddy head did tek mi, mi decide fi gi mi man bun wid wan pretty bwoy inna mi neighbourhood, whe nuff gyal a run dung, but him nu stap look mi (Me an mi man neva live together, although we were together many years) and dat waz di bigges mistak a mi life.
Firs ting di bwoy did wuklis inna bed, im drink up wan wholeeep a Guinness and bun up di highgrade in preparation and ……. Nothing, so mi decide se it neva wut di bother an dismiss him afta di firs occasion. Hear di bwoy, a mad mi mad, how mi fi mek him touch di gold and then tell him bout its ova. When him realize se mi serious di bwoy drap a piece a blackmail pan mi, an se if mi nu gi him, im ago tell mi man pan mi, but mi neva tek him serious, till couple days later im come inna di restaurant and bar whe me an mi man own come a laaf up, laaf up wid mi.
Mi did bex till is a shame an mi feel mi heart start roll like it a go bus ouuta mi chest, but because God de pan mi side, mi man neva de deh dat day, which is wat save me. Di bwoy order lunch an when di waitress carry it, hear him, a mi him want fi serve it. Mi gi im a piece a cut eye an if thoughts could kill im udda drap dung and ded, but im still neva satisfy. Him get up fram when im deh come ova tuh me a ole on pan mi hand, su mi get bex an cuss two badwud and come outta di restaurant gu cool off till im tired an go weh.
Mi si im di evening an ask im a wha dat. Hear im, im na go stap come dung dem till him mashp up mi and mi man and him get mi. Suh mi tell him se, if a suh im get im enjoyment, im can go ahead, but whether mi an mi man mash up ar nat, mi nu want im, especially afta how him behave. Yu tink di bwoy udda ease off, im tek a piece a set is a shame, im mek mi fraid fi walk a road. Him tell him fren dem whe go dung, su dem start gi mi facety chat when dem si mi. Mi affi pack mi tings dem a gu a country go cool off di awhile an when mi come back im start up again. A mi bredda dem mi affi rope in, fi help mi get ridda im! Yu can imagine how mi shame when mi a a tell dem di story! Mi could not believe se di wan degge-degge time we mi sleep wid im udda a cause su much trouble, but mi learn mi lesson. Mi nu want nu man we cant satisfy mi cause MI NU GI BUN !
Who brave enough fi tell fi dem story?
Comment