Custom Made

[Bizzy]

so mi always have problem findin clothes (pants, skirts and jeans especially) fi fit me perfectly. so mi decide dat mi going to have some pants suits for work custom made

mi remember when mi was in high school an was a go prom an everybody a mad ova wah dress dem gwaan wear an weh dem a buy it..an mi fren go say fi har godmadda a mek har dress. one piece a excitement she create an de night a prom de gyal fayva curtain rod
so from den, mi did fraid a dem ting deh.

but when mi go ja an mi si mi cousin dem a go work inna perfectly fitted suit an ting...dem look very proper

so mi gwaan give it a try..
<span style="font-weight: bold">
anyone had good experiences wid dis?? can recommend any particular type a material weh easy fi work wid and not expensive?</span>

[Pepper]

Re: Custom Made

Yuh haffi fine one good dressmekka. If yuh do, yuh gone clear.

Me did have one cousin dat used to sew fimme. But since she gone me nuh use nobody in di US fi mek clothes. Me fraid a dem.

Couple time me go JA and have dem build outfit fimme. As me land, me buy material and tek ie to di tailor. Me tel him when me a leff and go back fi pick ie up.

[Kurlie]

Re: Custom Made

for suits you would be better off using a tailor...and dem have some good ones a yawd as you know If you can get a tailor to do all your tailoring he can take your measurements (when you deh a yawd) and from there so (as long you nuh put on and tek off weight often) you can always sen yuh material down and have him mek the outfit and work it from there.

[sistactry]

Re: Custom Made

lard Bizi u outta order, de ooman fayva curtain rod, BOAL

my mother was a dress maker in Ja, and u pocket did haffe heavy fe come see she, awoaah,

man i remember some top notch ppl a come a we yard, and a so me use to get nuff presents to,

if u find a good dress maker, u gone clear, but most a dem no come cheap~~

[Gen]

Re: Custom Made

yup use tailor and not dressekker like ms kurlie seh.


Bizi-yuh cant find nothing inna ann taylor loft or ann taylor fi fit yuh ? is dehsuh mi buy mi pants suit dem, yuh can buy dem separate (like jacket and pants diffrant size)

anyway guh in deh guh look pan the material weh dem use and den guh fabric store guh get the same ting. prolly get bettah price pan one a dem place deh dunga miami. too bad yuh nuh up yah fi guh &quot;mood&quot; (the one dem use pan runway)

try get the lightweight fabric dem, ask the people dem inna the fabric place fi suggest some lightweight suit fabric.

dem drape/look bettah when dem lined.

post a pictra when dem done

[Jazz]

Re: Custom Made

When I was in Jamaica ALL my work suits were made by my dressmaker... mi coulda show har any style inna de book an she mek it PERFECT!!! fit mi baddy to de T an look jus as good as de designa frack dem...

Mi miss har bad

It too expensive fe do up here an mi nuh truss nuhbady enough.

wen mi did ah marrid mi aks de lady who do alterations at Davids Bridal if she do work outside of the store - but she seh she dona have any time.

[Bizzy]

Re: Custom Made

Tailor made, got it

mi go ja often enough fi drop off some material, get measured and pick it up on a return trip.

[Bizzy]

Re: Custom Made

sistactry. de gyal neva look good at all.

if mi did have scanner mi would go scan de pic of her from mi memory book mek unu si de frack. look like sitten mi coodan stitch tigedda an de gyal long like wah so she neva looked rightid at all

is it better or cheaper to purchase the material here (FL) or in ja?

[Bizzy]

Re: Custom Made

Ann taylor? dem ting deh cyaan work fimi.

my thighs and butt is kinda on the fat side then mi waist likkle bit..so mi en up hafi a buy bigger size den girt up de waist dem an de front baggy like say mi have buddy.

or mi en buy it an it too tight an mi cyaan breathe, ben dung or siddung *sigh*

mi jus want some nice comfortable fitted suits

[diabolical_Tanya]

Re: Custom Made

1) buy the material in Fla an carry it down

2) on what not the wear they say to buy the ting bigger and take it to a tailor and get it altered


Best wishes

[Bizzy]

Re: Custom Made

didn't think about that option
<div class="ubbcode-block"><div class="ubbcode-header">Originally Posted By: Mrs_Usain_Bolt</div><div class="ubbcode-body">1) buy the material in Fla an carry it down

<span style="font-weight: bold">2) on what not the wear they say to buy the ting bigger and take it to a tailor and get it altered </span>

Best wishes

</div></div>

[Pepper]

Re: Custom Made

What kind of material are you looking to buy?

I used to buy ovah di cloth shop in Sav. What dem name agen? Right deh pon Great Georges St. They had very good prices, better than farrin, especially when yuh change out di money.

Might if yuh looking for some sprecial high-end fabric, you would have to get it here. Me used to mostly get linen suits.

[Bizzy]

Re: Custom Made

Sav?! mi nuh know nuhweh ova deh..

wah bout town?? muss can look sitten a town...

mi nuh know wah kine a material mi loookin...will have to do some research an ting fuss...or even meet wid one tailor first

[Kurlie]

Re: Custom Made

you need fi look into J Lo clothing line to...she cater if your kinda a shape

[Bizzy]

Re: Custom Made

Yeh. I thought that it would when de line juss buss, but it don't