Weave

[Pepper]

Alright, since me nuh know if di Brazilian Blowout gwine work fimme, me tink me gwine do one weave. Me tiad a short hair and it nah grow back fass enough for me.

Me tinking of doing one simple style like a flip wid short bangs. (no layers)

So what kind of hair me must buy?

What weave technique work best fi whole head a weave? Bun Fiyah pon glue. [img]/forums/images/%%GRAEMLIN_URL%%/70388-shameonyou.gif[/img]

Dem still do invisible weave? Me did have dat one long time ago and it did alright.

Bout how much one weave suppose to cost me. Please show hair and stylist fee sep.

Tonks. [img]/forums/images/%%GRAEMLIN_URL%%/popcorn.gif[/img]

[Bizzy]

Re: Weave

Seeing as dowe mi tek out weave within a week of puttin it in, it nuh mek nuh sense mi sew it in.

Glue for me.

How long yuh waan de hair fi be?? The price depends pon de inch hair...the longer, the more expensive.

Sound like what u gwaan want is a sew in...dat can run bout $120 or more depending on which saln u go.

What is invisible weave? [img]/forums/images/%%GRAEMLIN_URL%%/confused.gif[/img]

an mi definitely recommend de chick weh do de last style mi sen yuh pic of an de one mi have in now [img]/forums/images/%%GRAEMLIN_URL%%/notworthy.gif[/img] an shi deh in dis area

[Pepper]

Re: Weave

Me tink dem call invisible weave micro weave or sumting like dat. When me did do it, di Africans were calling it invisible.

Is di one where dem weave yuh hair in strands.

BTW, me sure me asked nicely to quote di price showing price of hair and stylist fees sep.

[Bizzy]

Re: Weave

so u expek mi fi siddung an poas out each price a de hair fi each length?? yuh mussi mad [img]/forums/images/%%GRAEMLIN_URL%%/70400-talktohand.gif[/img]

mi sure mi ask u wah length hair u waan

den it depends pon de type a hair u want an de brand an ting..

yuh try cum more specific *kissteet*

mi nuh familiar wid de invisible ting.

[Pepper]

Re: Weave

Above the shoulder, str8, long lasting hair.

Me not asking fi exact price. Me just want a idea...a years now me nuh get one weave.

Tonk yuh kindly feisty lady.

[Bizzy]

Re: Weave

so u gwaan want bout a 8 inch length then.
if yuh waan decent human hair, mi recommend Sensationnel Premium yaki in the yellow pack.
Should be bout $14.99 fi one pack. Yuh wi probably have to get 2 packs though.

If u gwaan get some blonde or streaks or sumting, the price wi go up..but 1 or 1b or 2 (dem deh a black - brown) should be cheaper

[Pepper]

Re: Weave

Is ungle couple hours dis tek right? Me nuh have one whole day fi dedicate to dis.

[Bizzy]

Re: Weave

wash, dryer, canerow, sew, trim/style, maybe dryer again, flat iron/bump

gi yuhself bout 3 hours. try nuh go pon a satdeh or friday evening.

[Pepper]

Re: Weave

Suh me can't show up wid me hair already wash, condition and dry? Or dem nah allow dat?

Time is my major problem. [img]/forums/images/%%GRAEMLIN_URL%%/frown.gif[/img]

[Bizzy]

Re: Weave

u can do dat yes but at most places the price includes all that an dem nuh charge less cause u already wash it

[Pepper]

Re: Weave

Well dat nuh mattah to me. Is di amount a time me need fi spend dat me a look pon.