Live reporting from the scene of Amer Airlines flight 331

[Wendy]

An American Airlines plane crashed and broke in two after landing at the Norman Manley International Airport in Kingston a short while ago. The aircraft carried over 145 passengers and crew most of them Jamaicans returning home. Boardlane TV news was on site to interview some of the passengers that were able to speak to us about the events that took place after the crash.

<span style="font-weight: bold">Boardlane TV:</span> Hi sir could you could you give us a moment and tell us how are you feeling and what happened when you realized your flight crashed?

<span style="font-weight: bold">Lincoln:</span> Lady mi sey a Jah save wi cause a di back mi dey enoh Miss and all of a sudden mi si di miggle a di plane hice up ina di air and a dat time mi a penny sey di rahtid sinting bruck ina 2. Mi all si wan suitcase drap outta di ova head bin siting and lick out wan white man flat a grung. Im mite ina di plane still kunk out an cyan git up cause everybody tep ova im ... man an woman a try cum outt before di plane boom up!

<span style="font-weight: bold">Boardlane TV :</span> No one stopped to assist the injured man?

<span style="font-weight: bold">Lincoln: </span> Look yah lady when plane boom flick pan dry land is all about survival yuh no seeit. Every man fi dem self cause yuh noh know if all a nex suitcase a goh shoot out fram di ova head sinting an lick yuh out.. Trus mi!

<span style="font-weight: bold">Boardlane TV :</span> Ok sir thanks very much and glad you are Ok.. Miss Over here. Can you tell us how you feel and give us some insights on what took place on your flight?

<span style="font-weight: bold">Matilda:</span> Glorry Glorry…<span style="font-size: 14pt"> I sey Glorrrrrreeeeeeee!! </span>Lady a cyan talk … Sweeet Jesas. A nearly si di coming of mi Creata an mi nat even a wear desent drawz.. I sey Glorrrrrreeeeeeee!! Alli-jullaaa!!!

<span style="font-weight: bold">Boardlane TV:</span> Ok Mam thanks. Hi Miss over here Boardlane TV ohere. Can you tell us what happened on your flight as it was landing?

<span style="font-weight: bold">Millicent:</span> Dat Razzklaat Pilot noh know wey di Bongo Cyat im a do.. Im nearly kill aff di whole a wi ina di big Chrismus haliday yah ..a fly di Bummbeet Plane like im a deh pan Jet Ski pan di tarmac. A waan smaddy buss im Klaat an sen im back a Flying school.. Dung to mi lickle 9 yr ole yout lan kite betta dan how dat suckka lan dis big ole Bongo Cyat plane.. cho Blood Kleet .. come outta mi way yah man.

<span style="font-weight: bold">Boardlane TV:</span> Oookk?? Clearly she is upset with the plot and understandable so. Let’s see .. Little one can you come over here and talk with us..How are you doing?

<span style="font-weight: bold">Celine:</span> Mi cyan fine mi mummy. Yuh si har fi mi?

<span style="font-weight: bold">Boardlane TV: </span>No but maybe you can describe her and we can get some help for you.

<span style="font-weight: bold">Celine:</span> Mi mummy have wan b@tty big &lt;&lt;soh&gt;&gt; an wear wan Burgundy head weave..an har finga nail dem have Chrismuss tree paint pan dem.. When di plane crash shi tek aff an run wey lef mi… like shi figat sey shi have pickney pan di plane wid har.. Dats how shi behave when har head tek har yuh mam ..shi noh memba nutten bout mi.

<span style="font-weight: bold">Boardlane TV </span>: Oh no. Go to the officer and find some help. Be safe. Let’s get one more comment from this gentleman. Hi sir do you care to comment on the incident that just took place?

<span style="font-weight: bold">Percy:</span> Sure I would loves to comments. Miss Lady, I and my mistress was in the bock aff di plane han was very hestinguished when wi realize dot di plane do nat landed good pan di runaway. So I jess tell di mistress to pick up di suitcase dem han faller backa me.

<span style="font-weight: bold">Boardlane TV :</span> You made her carry both suitcases by herself?

<span style="font-weight: bold">Percy :</span> What mek yuh hosk? Yuh noh si how shi strapting an have trang back? A wan cow dis yuh noh lady! Anyways hofta shi falla backs a me, wi truck aff troo di side exit door an landed ina wan whole heapa gravel. Si hall my helbow chip up fram di rackstone dem an yuh si mi mistress nat even get a scrotch how shi tough. Dats why mi loves her so. A very trong women dis. Wi aroight dowes.. just wont to find a batroom now fi change mi brief. Mi cyan ston ina di pee-pee no longer.


<span style="font-weight: bold">Boardlane TV : </span>Ok Sir God bless you and the mistress. Well ladies and gentlemen there you have it. A very lucky set of passengers given the serioness of the accident.We will have more comments from passengers as they get sorted out.

Now we return to our regular scheduled programming.

[Reggae plus]

Re: Live reporting from the scene of Amer Airlines flight 331

Some things never change eh? Wendy...you are still the best comedian on line.

[Sinco01]

Re: Live reporting from the scene of Amer Airlines flight 331


Mi nuh truss Percy ah'tall ..
mi nuh sure seh ah pee-pee im worried bout ..

[SandiF]

Re: Live reporting from the scene of Amer Airlines flight 331

What a way Percy a twist up im mout

ay sah Wendy

[sistactry]

Re: Live reporting from the scene of Amer Airlines flight 331

waaiiieee,

kiss me neck back u quick sah!~

(((((Wendilina))))))))

[Wendy]

Re: Live reporting from the scene of Amer Airlines flight 331

<div class="ubbcode-block"><div class="ubbcode-header">Originally Posted By: Sinco01</div><div class="ubbcode-body">
Mi nuh truss Percy ah'tall ..
mi nuh sure seh ah pee-pee im worried bout ..
</div></div>

LOL What exactly im a worry bout Sinco

[Sinco01]

Re: Live reporting from the scene of Amer Airlines flight 331

<div class="ubbcode-block"><div class="ubbcode-header">Originally Posted By: Wendilina</div><div class="ubbcode-body"><div class="ubbcode-block"><div class="ubbcode-header">Originally Posted By: Sinco01</div><div class="ubbcode-body">
Mi nuh truss Percy ah'tall ..
mi nuh sure seh ah pee-pee im worried bout ..
</div></div>

LOL What exactly im a worry bout Sinco

</div></div>

a spot of brown ..
mebbe even ah splatter back dere somewhere ..

[Suesumba]

Re: Live reporting from the scene of Amer Airlines flight 331

we've all met every one of those characters

[annshan2]

Re: Live reporting from the scene of Amer Airlines flight 331

[Wendy]

Re: Live reporting from the scene of Amer Airlines flight 331

<div class="ubbcode-block"><div class="ubbcode-header">Originally Posted By: SueSumba</div><div class="ubbcode-body">we've all met every one of those characters </div></div>

Aint that the troot Sue Fly a yaad long enough you meet up pan one or all a dem ..

LOL @ Sinco and Splatter Mi belly

[Queen]

Re: Live reporting from the scene of Amer Airlines flight 331

Oh gosh, mi log on fi get update (cause CNN busy) and this is whe mi buck up pan. Mi BOAL inna di ppl office so now dem know mi naah do noh work.

[ILP]

Re: Live reporting from the scene of Amer Airlines flight 331

You know every Millicent mi know carry on so...i dead

weeeeeiiiiii......

[Wendy]

Re: Live reporting from the scene of Amer Airlines flight 331

<div class="ubbcode-block"><div class="ubbcode-header">Originally Posted By: Queen</div><div class="ubbcode-body">Oh gosh, mi log on fi get update (cause CNN busy) and this is whe mi buck up pan. Mi BOAL inna di ppl office so now dem know mi naah do noh work. </div></div>

CNN cyan beat Boardlane TV when it come to good coverage

[Wendy]

Re: Live reporting from the scene of Amer Airlines flight 331

<div class="ubbcode-block"><div class="ubbcode-header">Originally Posted By: ILP_N_Belly</div><div class="ubbcode-body">You know every Millicent mi know carry on so...i dead

weeeeeiiiiii...... </div></div>

An yuh can jus pictra dat character wid di behine a show, di nose fulla peircing and di lip black fram all di [weed] smoking

[annshan2]

Re: Live reporting from the scene of Amer Airlines flight 331

Wendilina yu good to rahtid yu mek mi day