MeChrissy

[j-kid]

Re: MeChrissy

[img]/forums/images/graemlins/704555_dwl.gif[/img] Dis yah story wicked (in ah nice way ofcourse)! [img]/forums/images/graemlins/grin.gif[/img]

Di two ah unnu really play offa eachother well. Keep up di good work. [img]/forums/images/graemlins/70409-waytogo.gif[/img] [img]/forums/images/graemlins/notworthy.gif[/img]

[Hush Darlin]

Re: MeChrissy

[ QUOTE ]
[img]/forums/images/graemlins/704555_dwl.gif[/img] Dis yah story wicked (in ah nice way ofcourse)! [img]/forums/images/graemlins/grin.gif[/img]

Di two ah unnu really play offa eachother well. Keep up di good work. [img]/forums/images/graemlins/70409-waytogo.gif[/img] [img]/forums/images/graemlins/notworthy.gif[/img]

[/ QUOTE ]
tonks pardy
mi hafi wait fe Chrissy come back fe continue

[Hush Darlin]

Re: MeChrissy

Chrissy dis thread needs u attenshan

[MeChrissy]

Re: MeChrissy

[ QUOTE ]
a dat mek de starapple dem stay pon de tree and dry up caa dem nah drap a grung
anybady eve tell u sey u mean like starapple dat mean sey u mean dat nat even abd feelins you noh gi wey
u meen Miss Bud dung a church dat dey teefin ooman...u noh hear sey she run wey wid de money and gawn a town and ar chigga foot sun sey she dey a farrin

[/ QUOTE ]
One way fi fine out whey she dey, tek bus 5 aclack one mawnin guh up so.

[Hush Darlin]

Re: MeChrissy

u mean the 5 a clack bus wha name president...
mi did hear sey she did dey wid the baggage bwoy wha nayme Jukie enno but mi nay kno sey a true .
Den u nay heer sey Deacon did breed Miss Jina dawta wha name Nerva and dem always sey Nerva a fe him dawta too
But mi heer sey Nerva go dung a de madda ooman crass de gully and madda gi blue water fe jrink and she naily bleed to death and she did en upp een a hawspital fe 5 days

[MeChrissy]

Re: MeChrissy

Pple can cya rang torey sah. Neva so it suh atall. It wuz nat Nerva it was har big sista Tanzine. Is me falla har to di madda woman, but she nuh wut a penny. Mi tell har fi guh uppa di rasta man who cure Jenkey Aids, she wudden loose di gut, she lucky Mass Brandy wife was uppa har yawd fi bwile bizzy gie har fi flush out di blue wata.

[Hush Darlin]

Re: MeChrissy

u see chroo mi noh live dunbg dey and bi the time mi get dem dey tory 10 hand 11 hand the store get change up and turn inna all kinaa sittn
good ting you always kno the full hundred and can mek me know
So wey Nerva dey and she noh did have waa nedda mad sista minoh memba fe ar name
May nay kno sey Jenkey did get betta a chroo sey him gawn a farrin

[MeChrissy]

Re: MeChrissy

Mi is di villig lawya so mi noe bout evryting whey gwaan. She gawn a Poatlan gaw reecooparate. Flarence nuh mad, she jussa play fool fi ketch wise, whey day she show mi one bagga munny whey she get inna di space a one mont, she tell alla di man dem she sleepin wid she preg, an she want fi duh whey wid di pregnancy, she calleck ova 50 towzan.

Mi nuh noe nutten bow Jenkey, sumaddy lakka im shudda juss get run ova by a chuck like fraw yessidey, cyaa tek a bone inna im.

[Hush Darlin]

Re: MeChrissy

yes a Flarence same one mi did a talk...mi did hear sey she mad but den u muss know.
So mi hear sey deakan Sam and sista Flarry get married and as u kno sey no woman neva call pon deakan Sam before so when dme go a bed dem marrid nite sista Flarry did a ready fe do likkle tings unda de sheets and deakan Sam sey no dem tings is nasty and him nah defile im bady doin dem tings.
Mi hear sey dem amrried fe bout 3 monts and sista Flarry nah get no action so she decide fe go to Pawsta Bankins bout ie and Pawsta had to call hi up and mek him kno sey dem married now so him can gi sista Flarry some ackshan.
Mi hear sey when deakan Sam get him fuss peece you cudda stay dung a church and hear him a bawl out when him a arrive and u know how far dem live fram dung a church.
mi hear sey him neva kno sey anything coulda sweet so in all him life.
dem sey him noh stap sumile fram dat....im all staawt miss nite service and praya meetin pon a regula now.

[MeChrissy]

Re: MeChrissy

Mi gyal, dat dey torey addi biggiss roun ere now. Pasta Sam an Flarry gwaan like dem neva dey duh from lang time. Yuh noe mi an Flarry chat good, she tell mi from wen Pasta fuss put yie pan har, two weeks neva pass an him invite har ova him yawd one eveling afta praya meeting. She sey wen she tek off har clothes, him call out di name of the lawd so loud she tink him did come [img]/forums/images/graemlins/704555_dwl.gif[/img]

But afta bout 3 secans she sey all him jussa duh was rub dung har bady from head to foot an a chat like one record whey stick how har bady beautiful. She sey b4 him clime pan tap a har, him jump affa di bed an neel dung an bless di food im was bout fi eat [img]/forums/images/graemlins/704555_dwl.gif[/img]

Mi notice Flarry she from she marrid, she nuh stap wear some brawd hat wid peacock fedda rite roun eh, boosie dan she yuh cyaa fine.

Den yuh nuh hear dem chuss bimma anna jrive roun inna di districk inna it anna blow di hawn every gate dem ketch?

[Hush Darlin]

Re: MeChrissy

yes mi hear sey dem drive Bimma
a lang time Deakan Sam a farm and him noh have a chick nar chile so im muss can spen likkle a de money
im fe fix up de house to..Sista Flary fe mek him paint ie and buy some new furnicha caa Sam ha money.
but den him mean..ca mi hear sey wen Mass Hungry butcha de cow Sista Flarry ask him fe money fe go buy piece a beef im wouldnt gi ar im tell ar sey him wi eat him so so food so she cook de food and eat fe har wid a tin a sardine and mi hear sey Deakan dsi come home and pull two root a skellion and fry ie up and nyam ie wid im food...mi sey mi laff so til wen mi hear.
But mi hear sey a Sista Flarry a control the bank book now so a mussi fi ar idea fe dem by di bimma
a wanda if ar heel back dem still pap or she a get pedicure too.

[MeChrissy]

Re: MeChrissy

Tawkin bout dat. Him fuss woman him did live wid uppa tenament yard haffi run whey leff him cause him wasnt giving har money. One nite mi guh uppa tenament fi pay mi granny pawdna an mi hear him giving di woman some lick. Guess wha him was beating har fah? Him bring piece a cane from bush di nite before an causen sey, as him come een every nite him ask fi him dinna, so di woman was planning feem big time, she peel di piece a cane an cut eh up nice nice an put it inna broad plate an cova it pan table, so wen im come een an ax feem dinna she pint panni anda plate cova. Wen im sissey addi piece a cane him stawt fi beat har wid piece a 4 x 4. From dat nite him nuh si har agen. Is dat time him tie rope roun him neck an jump affa di ginnep tree an neva heng, so him turn him life ova to Jesus, a so him become Pastor but him nuh change a bit to me, man like him cyaa preach to mi atall, him is juss a wolf inna sheep clothes.

[missus_vegas]

Re: MeChrissy

is sam di deacon or the pastor....oonuh leff out pastor bankins all together and i spere deacon sam an pastor sam mi a read bout.

oonuh too creative fi fi mi use and purpose [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

[MeChrissy]

Re: MeChrissy

Yuh noe di sweetiss pawta di torey always mek headline so people tend fi figet bout the less interesting pawts.

Vegas, yuh still dey boops out decan?

[Hush Darlin]

Re: MeChrissy

[ QUOTE ]


Vegas, yuh still dey boops out decan?

[/ QUOTE ]
lmao
help me fawda gad
den vegus u couldnt tell me sey a u a de dry foot gal wha mi always hear sista Flarrry a tawk bouy wha a boops out deakan.
If sista Flarry eva ketch u ie see u dem giwne haffo bwile bawt wate fe you [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]