Tweet
Bim an Jah gawne a beach
**Jah arrived at Bim’s ready to go to the beach**
Jah: Com nuh man, weh yuh ah do so lang?? Ah juss beach wi ah goh yuh noh…….
Bim: Jah hole on noh man. Cho. Mi haffi put on di sun blak an di sun screen an di sun lotion….baxside mi almoas figet di maskita lotion….. Pass mi di flowas hat dey noh..
Jah: ~DWL~ Yo pawdy, di as muches lotion yuh rub pan fi yuh kin, maskita nuh hab a chance fi bite yuh, dem wudda jown before dem reach yuh kin!! Fawt, weh yuh ah goh wid dat deh flowas hat Bim?? Yu sure a Jamaica yu live?? Yu a wrap up like yu a tieff.. A di sun yu fraid a so??
Bim: Yu gwane run joke wen sun hat ketch yu baxside out dey yuh gwine knoah. Wait, mek a bring mi chair yu hear. Mi a go waa sitten fi sidung pan cah mi no chuss som a dem people whe go a beach.. Dem too dyam nawssy an mi nuh waan ketch nuh yawz or crebbe fram dem.
Jah: bway tap pile up tings pan mi so man, mi look like mule to yu??. Mi no waa no dyam chair man, cho. A no even chair fi di beach yu a bring a yu granny chair fram har dining room yu a tek. Mek shi ketch yu baxside.
Bim: Shi naw ketch wi man shi gawne a church fi pray fi wi shi sey…dat mean shi gawne till bout nex choosdey. [img]/forums/images/graemlins/laugh.gif[/img]
Jah: [img]/forums/images/graemlins/laugh.gif[/img] Ayyy sah….Ah nuff blessin dat pawdy……Bless poor granny..
Bim: Arrite mi ready now. Wait dey wait dey mi figet mi wata boot…
Jah: Wata boots?? Mi rah, is weh yuh ah goh do wid wata boots pan di beach massah?
Bim: Bway yu neva si di oleep ah jon-jo inna di wata. Supose it ketch anda yu toe dem an ratten awff yu toe nail.. No sah, mi naw tek da chance dey bway..
Jah: **Dat soun kina risky still** Yu knoah Bim, yuh hav a pint deh pawdy. Beg yuh pass mi fi mi boots too bway.. Yu bring di kersens tin fi cook wi food inna?
Bim: ow mi coulda figet dat bway.. It inna di krukus bag areddi…Mi hav di flowa fi di dumplin an mi hav chrree poun a muttin fi di curry goat.. It sumell nice yuh si….dat deh well season areddi pawdy.. [img]/forums/images/graemlins/laugh.gif[/img]
Jah: yeah man ah wi dat….wi ready fi a shack out pan di beach. Who…a nuff gyal wi a go ketch yu noh Bim. [img]/forums/images/graemlins/laugh.gif[/img]
Bim: Yeah man mi buy dis special flowas bading suit outfit fi dem yu noh. Che…
**Bim an Jah reach di beach an a walk fi fine wan spat**
Ctrygal: BOAL….Heavenly faada….Now wat is dis?? Is whe dem 2 tink dem a go? Yu si if dem eva go inna di wata mi naw go in dey. All sart a muko juss a go wash awff a dem bway..
Tuffy: But a whe di bway get dat dey brite yellow flowas out fit? Mine bees bite yu, yuh knoah bway. Di rhatid bway brita dan di sun to baxside…. ~DWL~
Peppa: A musi tieff im go tieff di flowas outta Hope Gyaden?? Mek so much flowas pan yu shawts bway??
Ensom: Now yu eva si mi dying trial.. A whe dem 2 eediat a go inna wata boots? Pressa, Pressa.. MI SEY PRESSA!!!!!!!!!! Coo pan dem 2 eediat ya.
Pressa: Cho ooman a dat yu a wake mi up fa??? OY SAH!!! Yu no si yu boots a jap awff sah. ~LOL~
BrukBak: But a whe dem a go wid all dat dey karouches?? A ow mad house sey nuttin no wrang wid dem 2??? Is a dyam shame whe dis place a com to..
**Finally fine a spat**
Jah: Rhatid Bim mi tiyad so till. Is whe yu hav inna dis ya krukus bag sah??? Di sitten heavy man..
Bim: A juss few breadfruit an couple adda tings in dey bway. A fi wi lunch dat.. Mek wi go tek a dip an go look fi di sexy Town girls dem noh..
Jah: Now yu a talk bway..
***Bim hav on wan extra sumall bading suit wid brite yellow flowas and Jah a wear im likkle bredda bading suit***
King: Bway a wha dat yu hav on star?? A yu likkle bredda brief yu a wear to di people dem beach sah.. Watch di adda wan to noh. Di bading suit match di shawts eeh sah.. ~LOL~
Cap: But yu noh si all di dakas hav flowas pan ie to King. ~DWL~ Mi really haffi si if dem really a go wear dem wata boots inna di wata.. Rhatid george dem dweet fi chroo!!!! **Shakin his head** Yo, ah too reel eediat dat enuh….Is whe dem 2 com fram..
Bim: Pass mi mi soap outta di bag Jah mek a soap up likkle..
Jah: Si it ya no badda done it yu noh..
Bim: No man.. Di sea wata feel good pan mi kin yu si.. Si som nice gyal ova deh Jah mek wi go check dem noh???
Jah: Blow wow Bim dem sweet is a shame.. Arrite bway com mek wi rope een. Hole on dey doe mek a shiff likkle. Di dyam bading suit tite man.. Is wen dat bway lose so much weight..
Bim: Hear yu. Yu mean a wen yu put on so much weight.
Jah: Hello nice ladies ow hunnus is doing tidey. Hunnus bawt suit dem look sweet dey doe. Does hunnu waa fi com bade inna di sea wid mi han mi pawdy.
Bim: Yes we his going to ketch sea bawt han hood like hunnus fi com halang wid wi.. Wi ha go cook likkle food layta han wi like to haffa hunnu som sweet curry gyoat, roast breadfrut an a side hoff bwile damplin..
EP: Eh-eh…..But a wa dis??? Mine unnu bruk unnu moute an bite unnu tongue a try twang enuh. ~DWL~
Bim: Cho, but wat ah gyal outta ardar an renk, ee sah? Har face fayva any truck back!!!
JamBrit: Look pan di nice nice restarant dem hav up dey an wi fi com sidung wid unnu fi nyam unnu nawssy food. Juss galang yu ways wid yu tite up shawts.. ~DWL~
**Bim an Jah kiss dem teet [in unison] an walk wey….**
Jah: Cho, nuh feel no way Bim, ah nuff gyal deh pan di beach man….com yah pawdy
Kumtechy: Tell dem yaw JamBrit. Fayva wha. Inna wata boots.. ~DWL~
**Bim an Jah walk wey**
Jazz: Go inna sea wid who?? Unnu mussi really mad fi chroo.. Mi han hunnu inna sea?? TOGEDDA??? A woulda neva live dung di shame… ~DWL~
**Bim an Jah walk wey**
Fern: ~DWL~ Hole on dey ~DWL~………Waaiiiiiiiiiiiiiiiiiiiiii .. Wha dat again. Go whe wid who… ~DWL~ Lawd mi cyaan tap lawff.. ~DWL~
Nicky: ~DWL~ Lawd Fern yu hangle dem ruff eeh. ~DWL~ Dem brite doe..
**Bim an Jah walk wey**
Chayil: Massa mi a beg yu tun dung di briteness pan yu brief before yu chat to mi.. ~DWL~
**Bim an Jah walk wey**
Jah: Is wha wrang wid town gyal?? Mek dem a gwane so.. A wha dem a lawff so fa. Like dem neva si bawt suit outfit before..
Bim: Bway a so dem stay a town sah. Mi granny did halways warn mi bout dem yu noh….an mi nuh tek tellin
Jah: Bway, mi stumuk ah growl ah way yuh noh pawdy….Ow di food a look.
Bim: Yes bway is soon lunch time. Mi put on di kersene tin full a curry goat on areddi, dumplin fi done bwile an di 2 breadfruit fi done roast by dis ..Mek dem gyal gwey….
Jah: **Sniff-Sniff** Yow Bim, ah bun yuh bun wi lunch pawdy??
Bim: bun wah….yuh mad!!
**Fiya start inna di restaurant an it ah bun dung**
Jah: Bim look-look….is wat ah gwaan up dey so Bim? Nuh sumoke dat ah com outta di roof??
Bim: look like di place ketch fiya Jah. Is a good ting a no dey wi did a go fi eat lunch. Whe all dem people ya a go do now…**DWL**….ah good!! Bout dem ah lawff affa wi!!
Jah: A fi dem prablem dat.. mek wi mek ase an galang yah pawdy..
**The crowd is getting angry that there is no food to be had**
King: So a whe wi fi do widout food out ya sah. Di bus naw com pick wi up fi howas still..
Jazz: Lawd mi belly a hat mi so till yu si..
Jambrit: But no curry goat dat mi a smell.. Mi mussi really hungry..
Nicky: Yu rite JamBrit mi sumell ie to..
EP: Mi a smell breadfruit to.. lawd ie smell good eeh..
Kumtechy: No di 2 country bunkan ova dey a nyam??
Fern: A dem same wan yes.. **Takin in long deep brets**…. Lawd di food smell good eeh. Dem no look too too bad yu noh..
Ctrygal: Yu rite dem kine a sart a no look too too bad if yu quint up yu yeye dem..
Chyil: **Ah quint out shi yeye dem** …..Dem lookin rahatid good right yah now. An wat a way dem a mekkin fashion statement wid di bawt suit dem..
Brukbak: A mi good good bredrin dem yu noh…
Cap: Yes mi a go start sport wata boot com a beach to. Dem sumart eeh…
Bim: Mek dem people a look ova ya so fa Jah?
Jah: Mi no know sah but mi no like it at all.. Town people hav som diffarant ways bout dem yu noh. Yu ha yu knife in case dem waa com run wi dung???
Bim: Yes sah. Mi hav ie rite ya so.. Mek dem com..
**Di ooman dem move tward Bim an Jah**
Jazz: **ahmmmm** Ello hansom men. Ow is unnu doing? Wat a way unnu looking good inna di sun..
Fern: Yes I muss say dat di salt pan unnu skin juss a mek unnu glissen.. Mi hawt skip a beat wen mi si it..
Nicky: Look pan all does musels pan di big wan noh. Unnu muss work out..
JamBrit: Yes an eat prapaly to.. Yu cyan tell dem man ya know whe dem a do. So unnu is magles?
EP: Bway unnu food smell good eeh. Unnu han muss sweet..
Kuntechy: Wi cyan hav likkle bit a unnu food sars?
Ctry: Is wha wrang wid yu Techy?? Ow yua go ask di big man dem so?? Yu cyaan juss ask so. Excuse mi dawling may wi hav som a di food??
Bim: **A suck pan curry goat bone** Wha dat dem sey Jah?
Jah: Ow di hell mi fi hear wen all mi a hear a yu a suck pan di bone. Hush up no mek a lissen..
Bim: Jah mi a tell yu mi no lik ow dem people a look pan wi. Mek wi pak up wi bangarang an leff ya sah..
Jah: Soun like dem a beg wi som a di food Bim…
Bim: Tell dem fi com wi done nyam so dem cyan hav di ress.. Mi a go tek a dip bway.. **Bim neva si Jah foot an jap liking dung di hole kersenen tin a curry goat.**
Jah:
Sarry everybady look like di food done.. [img]/forums/images/graemlins/laugh.gif[/img] Dem look bex Bim.
EP: Pass mi dat dey piece a cokenat limb dey fi mi because mi a go comitt murda tideh.. [img]/forums/images/graemlins/mad.gif[/img]
Venn: Si wan hamma dey pass dat gi mi. Dem bway dey a go dead tidey..
JamBrit: A gwine ring dem neck fi dem. [img]/forums/images/graemlins/mad.gif[/img]
**Crowd start chase Bim an Jah**
Bim: RUN BWAY RUN Mi sey town people diffarant fi chroo….
**Jah arrived at Bim’s ready to go to the beach**
Jah: Com nuh man, weh yuh ah do so lang?? Ah juss beach wi ah goh yuh noh…….
Bim: Jah hole on noh man. Cho. Mi haffi put on di sun blak an di sun screen an di sun lotion….baxside mi almoas figet di maskita lotion….. Pass mi di flowas hat dey noh..
Jah: ~DWL~ Yo pawdy, di as muches lotion yuh rub pan fi yuh kin, maskita nuh hab a chance fi bite yuh, dem wudda jown before dem reach yuh kin!! Fawt, weh yuh ah goh wid dat deh flowas hat Bim?? Yu sure a Jamaica yu live?? Yu a wrap up like yu a tieff.. A di sun yu fraid a so??
Bim: Yu gwane run joke wen sun hat ketch yu baxside out dey yuh gwine knoah. Wait, mek a bring mi chair yu hear. Mi a go waa sitten fi sidung pan cah mi no chuss som a dem people whe go a beach.. Dem too dyam nawssy an mi nuh waan ketch nuh yawz or crebbe fram dem.
Jah: bway tap pile up tings pan mi so man, mi look like mule to yu??. Mi no waa no dyam chair man, cho. A no even chair fi di beach yu a bring a yu granny chair fram har dining room yu a tek. Mek shi ketch yu baxside.
Bim: Shi naw ketch wi man shi gawne a church fi pray fi wi shi sey…dat mean shi gawne till bout nex choosdey. [img]/forums/images/graemlins/laugh.gif[/img]
Jah: [img]/forums/images/graemlins/laugh.gif[/img] Ayyy sah….Ah nuff blessin dat pawdy……Bless poor granny..
Bim: Arrite mi ready now. Wait dey wait dey mi figet mi wata boot…
Jah: Wata boots?? Mi rah, is weh yuh ah goh do wid wata boots pan di beach massah?
Bim: Bway yu neva si di oleep ah jon-jo inna di wata. Supose it ketch anda yu toe dem an ratten awff yu toe nail.. No sah, mi naw tek da chance dey bway..
Jah: **Dat soun kina risky still** Yu knoah Bim, yuh hav a pint deh pawdy. Beg yuh pass mi fi mi boots too bway.. Yu bring di kersens tin fi cook wi food inna?
Bim: ow mi coulda figet dat bway.. It inna di krukus bag areddi…Mi hav di flowa fi di dumplin an mi hav chrree poun a muttin fi di curry goat.. It sumell nice yuh si….dat deh well season areddi pawdy.. [img]/forums/images/graemlins/laugh.gif[/img]
Jah: yeah man ah wi dat….wi ready fi a shack out pan di beach. Who…a nuff gyal wi a go ketch yu noh Bim. [img]/forums/images/graemlins/laugh.gif[/img]
Bim: Yeah man mi buy dis special flowas bading suit outfit fi dem yu noh. Che…
**Bim an Jah reach di beach an a walk fi fine wan spat**
Ctrygal: BOAL….Heavenly faada….Now wat is dis?? Is whe dem 2 tink dem a go? Yu si if dem eva go inna di wata mi naw go in dey. All sart a muko juss a go wash awff a dem bway..
Tuffy: But a whe di bway get dat dey brite yellow flowas out fit? Mine bees bite yu, yuh knoah bway. Di rhatid bway brita dan di sun to baxside…. ~DWL~
Peppa: A musi tieff im go tieff di flowas outta Hope Gyaden?? Mek so much flowas pan yu shawts bway??
Ensom: Now yu eva si mi dying trial.. A whe dem 2 eediat a go inna wata boots? Pressa, Pressa.. MI SEY PRESSA!!!!!!!!!! Coo pan dem 2 eediat ya.
Pressa: Cho ooman a dat yu a wake mi up fa??? OY SAH!!! Yu no si yu boots a jap awff sah. ~LOL~
BrukBak: But a whe dem a go wid all dat dey karouches?? A ow mad house sey nuttin no wrang wid dem 2??? Is a dyam shame whe dis place a com to..
**Finally fine a spat**
Jah: Rhatid Bim mi tiyad so till. Is whe yu hav inna dis ya krukus bag sah??? Di sitten heavy man..
Bim: A juss few breadfruit an couple adda tings in dey bway. A fi wi lunch dat.. Mek wi go tek a dip an go look fi di sexy Town girls dem noh..
Jah: Now yu a talk bway..
***Bim hav on wan extra sumall bading suit wid brite yellow flowas and Jah a wear im likkle bredda bading suit***
King: Bway a wha dat yu hav on star?? A yu likkle bredda brief yu a wear to di people dem beach sah.. Watch di adda wan to noh. Di bading suit match di shawts eeh sah.. ~LOL~
Cap: But yu noh si all di dakas hav flowas pan ie to King. ~DWL~ Mi really haffi si if dem really a go wear dem wata boots inna di wata.. Rhatid george dem dweet fi chroo!!!! **Shakin his head** Yo, ah too reel eediat dat enuh….Is whe dem 2 com fram..
Bim: Pass mi mi soap outta di bag Jah mek a soap up likkle..
Jah: Si it ya no badda done it yu noh..
Bim: No man.. Di sea wata feel good pan mi kin yu si.. Si som nice gyal ova deh Jah mek wi go check dem noh???
Jah: Blow wow Bim dem sweet is a shame.. Arrite bway com mek wi rope een. Hole on dey doe mek a shiff likkle. Di dyam bading suit tite man.. Is wen dat bway lose so much weight..
Bim: Hear yu. Yu mean a wen yu put on so much weight.
Jah: Hello nice ladies ow hunnus is doing tidey. Hunnus bawt suit dem look sweet dey doe. Does hunnu waa fi com bade inna di sea wid mi han mi pawdy.
Bim: Yes we his going to ketch sea bawt han hood like hunnus fi com halang wid wi.. Wi ha go cook likkle food layta han wi like to haffa hunnu som sweet curry gyoat, roast breadfrut an a side hoff bwile damplin..
EP: Eh-eh…..But a wa dis??? Mine unnu bruk unnu moute an bite unnu tongue a try twang enuh. ~DWL~
Bim: Cho, but wat ah gyal outta ardar an renk, ee sah? Har face fayva any truck back!!!
JamBrit: Look pan di nice nice restarant dem hav up dey an wi fi com sidung wid unnu fi nyam unnu nawssy food. Juss galang yu ways wid yu tite up shawts.. ~DWL~
**Bim an Jah kiss dem teet [in unison] an walk wey….**
Jah: Cho, nuh feel no way Bim, ah nuff gyal deh pan di beach man….com yah pawdy
Kumtechy: Tell dem yaw JamBrit. Fayva wha. Inna wata boots.. ~DWL~
**Bim an Jah walk wey**
Jazz: Go inna sea wid who?? Unnu mussi really mad fi chroo.. Mi han hunnu inna sea?? TOGEDDA??? A woulda neva live dung di shame… ~DWL~
**Bim an Jah walk wey**
Fern: ~DWL~ Hole on dey ~DWL~………Waaiiiiiiiiiiiiiiiiiiiiii .. Wha dat again. Go whe wid who… ~DWL~ Lawd mi cyaan tap lawff.. ~DWL~
Nicky: ~DWL~ Lawd Fern yu hangle dem ruff eeh. ~DWL~ Dem brite doe..
**Bim an Jah walk wey**
Chayil: Massa mi a beg yu tun dung di briteness pan yu brief before yu chat to mi.. ~DWL~
**Bim an Jah walk wey**
Jah: Is wha wrang wid town gyal?? Mek dem a gwane so.. A wha dem a lawff so fa. Like dem neva si bawt suit outfit before..
Bim: Bway a so dem stay a town sah. Mi granny did halways warn mi bout dem yu noh….an mi nuh tek tellin
Jah: Bway, mi stumuk ah growl ah way yuh noh pawdy….Ow di food a look.
Bim: Yes bway is soon lunch time. Mi put on di kersene tin full a curry goat on areddi, dumplin fi done bwile an di 2 breadfruit fi done roast by dis ..Mek dem gyal gwey….
Jah: **Sniff-Sniff** Yow Bim, ah bun yuh bun wi lunch pawdy??
Bim: bun wah….yuh mad!!
**Fiya start inna di restaurant an it ah bun dung**
Jah: Bim look-look….is wat ah gwaan up dey so Bim? Nuh sumoke dat ah com outta di roof??
Bim: look like di place ketch fiya Jah. Is a good ting a no dey wi did a go fi eat lunch. Whe all dem people ya a go do now…**DWL**….ah good!! Bout dem ah lawff affa wi!!
Jah: A fi dem prablem dat.. mek wi mek ase an galang yah pawdy..
**The crowd is getting angry that there is no food to be had**
King: So a whe wi fi do widout food out ya sah. Di bus naw com pick wi up fi howas still..
Jazz: Lawd mi belly a hat mi so till yu si..
Jambrit: But no curry goat dat mi a smell.. Mi mussi really hungry..
Nicky: Yu rite JamBrit mi sumell ie to..
EP: Mi a smell breadfruit to.. lawd ie smell good eeh..
Kumtechy: No di 2 country bunkan ova dey a nyam??
Fern: A dem same wan yes.. **Takin in long deep brets**…. Lawd di food smell good eeh. Dem no look too too bad yu noh..
Ctrygal: Yu rite dem kine a sart a no look too too bad if yu quint up yu yeye dem..
Chyil: **Ah quint out shi yeye dem** …..Dem lookin rahatid good right yah now. An wat a way dem a mekkin fashion statement wid di bawt suit dem..
Brukbak: A mi good good bredrin dem yu noh…
Cap: Yes mi a go start sport wata boot com a beach to. Dem sumart eeh…
Bim: Mek dem people a look ova ya so fa Jah?
Jah: Mi no know sah but mi no like it at all.. Town people hav som diffarant ways bout dem yu noh. Yu ha yu knife in case dem waa com run wi dung???
Bim: Yes sah. Mi hav ie rite ya so.. Mek dem com..
**Di ooman dem move tward Bim an Jah**
Jazz: **ahmmmm** Ello hansom men. Ow is unnu doing? Wat a way unnu looking good inna di sun..
Fern: Yes I muss say dat di salt pan unnu skin juss a mek unnu glissen.. Mi hawt skip a beat wen mi si it..
Nicky: Look pan all does musels pan di big wan noh. Unnu muss work out..
JamBrit: Yes an eat prapaly to.. Yu cyan tell dem man ya know whe dem a do. So unnu is magles?
EP: Bway unnu food smell good eeh. Unnu han muss sweet..
Kuntechy: Wi cyan hav likkle bit a unnu food sars?
Ctry: Is wha wrang wid yu Techy?? Ow yua go ask di big man dem so?? Yu cyaan juss ask so. Excuse mi dawling may wi hav som a di food??
Bim: **A suck pan curry goat bone** Wha dat dem sey Jah?
Jah: Ow di hell mi fi hear wen all mi a hear a yu a suck pan di bone. Hush up no mek a lissen..
Bim: Jah mi a tell yu mi no lik ow dem people a look pan wi. Mek wi pak up wi bangarang an leff ya sah..
Jah: Soun like dem a beg wi som a di food Bim…
Bim: Tell dem fi com wi done nyam so dem cyan hav di ress.. Mi a go tek a dip bway.. **Bim neva si Jah foot an jap liking dung di hole kersenen tin a curry goat.**
Jah:
Sarry everybady look like di food done.. [img]/forums/images/graemlins/laugh.gif[/img] Dem look bex Bim.EP: Pass mi dat dey piece a cokenat limb dey fi mi because mi a go comitt murda tideh.. [img]/forums/images/graemlins/mad.gif[/img]
Venn: Si wan hamma dey pass dat gi mi. Dem bway dey a go dead tidey..
JamBrit: A gwine ring dem neck fi dem. [img]/forums/images/graemlins/mad.gif[/img]
**Crowd start chase Bim an Jah**
Bim: RUN BWAY RUN Mi sey town people diffarant fi chroo….
Comment