Tweet
As mi open mi yeye to the regula sounds of di mawning – di likkle bwoy selling gleaner, Broomie selling his homemade brooms, di calaloo lady and di likkle girl a sell everyting fram onion and thyme to panty and brief – mi hear mi dawg Rambo a bark roun a back. Mi feel di sun dis come troo mi window and caress me eena di bed while it illuminate di entiya room…mi draw up mi nose an realize sey dem a cook ackee fram di tree roun a bak and saltfish fram Missa Gabby shop fi breakfast…An no doubt dem ago bwile some banana fram di han wey granny did carry come fram ar gyaden a Manchesta. Yes, dis is wat it’s all about! Mi roll offa di bed an goh dung stairs fi watch dem pan Mawnin Time – bwoy Jamaicans is a real set a joka dem! Kiss mi teet an change di channel – go back upstairs, fiya up di computa, watch face, brush teet, an time fi breakfaas…
As mi sidung roun di table, mi hawt sink as mi memba sey tidday a di day when mi fi go Embassy fi si if dem wi gimme di visa. Bwoy, mi nuh know ow mi feel bout it…Four years in di US was aright far mi know sey mi did affi go a skool but now dat mi dun an come ome back, mi nuh waan go back at all…Nuh get mi wrang, is a lovely place – fi visit – but afta di visit dem a time fi come home…But mi know sey disya visit nah go bi a visit…Mi madda call an tell mi sey shi a file fi mi an mi muss bi ready fi leave anytime. Shi jus com eena mi life an a tell mi wey ago happen. Mi nuh undastan….*kiss teet* Shi sey mi know sey America is di land af appatunity an mi muss tap di foolishniss an shi nuh waan ear nutten more bout it…
But ow mi fi lef mi country again? Ow mi fi lef di ongle land wey mi eva faal in love wid? Ow mi fi lef di clear sky? di blue wata? di lovely people? Di fish? Di bami? Helshire? Di gully? Di maskita dem? Ow mi fi lef di place wey God design as paradise? Ow shi waan mi fi lef Jamaica fi good?
Well, mek a come gwaan…mi affi reach embassy by 10.
As mi sidung roun di table, mi hawt sink as mi memba sey tidday a di day when mi fi go Embassy fi si if dem wi gimme di visa. Bwoy, mi nuh know ow mi feel bout it…Four years in di US was aright far mi know sey mi did affi go a skool but now dat mi dun an come ome back, mi nuh waan go back at all…Nuh get mi wrang, is a lovely place – fi visit – but afta di visit dem a time fi come home…But mi know sey disya visit nah go bi a visit…Mi madda call an tell mi sey shi a file fi mi an mi muss bi ready fi leave anytime. Shi jus com eena mi life an a tell mi wey ago happen. Mi nuh undastan….*kiss teet* Shi sey mi know sey America is di land af appatunity an mi muss tap di foolishniss an shi nuh waan ear nutten more bout it…
But ow mi fi lef mi country again? Ow mi fi lef di ongle land wey mi eva faal in love wid? Ow mi fi lef di clear sky? di blue wata? di lovely people? Di fish? Di bami? Helshire? Di gully? Di maskita dem? Ow mi fi lef di place wey God design as paradise? Ow shi waan mi fi lef Jamaica fi good?
Well, mek a come gwaan…mi affi reach embassy by 10.
Comment