Di nevva endin rhyme time

[churchgirl]

Come man..unnu rope een. Add to it an watch it run.

Siddung pan di veranda a tek een likkle breeze
Cack up mi foot dem, res back an look sof like cheese
When mi tek a stack comin dung di road pan wan peica speed
Nuh di one TiffyTaffy a huff anna puff like dem likkle bad breed

[msportmore]

Re: Di nevva endin rhyme time

Fram cross di road mi si Tiffy a fly a come!
When mi tek a stack nuh Dahjah a run har dung
Mi fly ova to di verandah fast like a jet-
When mi reach ova deh, crowd nuh gyada yet...
Mi haul up wan stool fi hear a wah shi do him
But di way shi did a huff an puff, mi couldan tell sey shi need fi go gym [img]/forums/images/graemlins/blush.gif[/img]

[red head gal]

Re: Di nevva endin rhyme time

need fi go a gym
need fi go a gum
tiffy taffy need fi go a gym
mi seh
need fi go a gym
need fi go a gum
tiffy taffy need fi go a gym

[grasshopper]

Re: Di nevva endin rhyme time

Dahjah seh shi a gi im bun so now de relashunship done
crowd a ppl pon de varandah a wanda ow it ago now
Bandi tep een inna im sherriff hat an tell dem fi watch dem step
or else a nuff lick dem gwine get

[msportmore]

Re: Di nevva endin rhyme time

Same time a Pow-Pow dat run come pan di scene
A drape up Bandi and shi was lookin quite mean
Grassy and Churchy staat buss out a laaf-
Cause a how BAndi a gwaan like him saaf
Pow-Pow sey shi hear seh Bandido and Tiffy deh
And it naah go so! At leas a soh shi say!
G2 push out har head from roun a kitchen
And tell dem fi wait till shi come before dem commence di lickin! [img]/forums/images/graemlins/cool.gif[/img]

[chickie]

Re: Di nevva endin rhyme time

so while Bandi tan up deh a get batta
nuh di one BLOZ cum pon di scene hat like a fyah
dem crowd roun har fi find out a when barrel cum
till Tecky buss out seh a salavtion army bus she flag dung

[grasshopper]

Re: Di nevva endin rhyme time

Wen mi tek a stap shi nuh drap dung buff
chickie bawl out seh "smaddy wol har ed an pick up har foot"
Nutten more dan shi trip from de tite up shoes
Mi neva si a ooman saka fashun tek summuch abuse

[churchgirl]

Re: Di nevva endin rhyme time

Heh-heya..shi fi tap mek up sumuch nize
An tek Stitchie advice an lawn fi wear har size
Poor Dahjah..him good good bestes frien deh wid him ooman
A ongle hope him nuh tek it tuh hawt and jrap dung.

[bandido1]

Re: Di nevva endin rhyme time

But lawd a massi, massi mi maasa!
Oonu si mi dyin tyial doa sah?
Man noh de bout oonu a tek libatty
A mussi big lick oonu waan pan oonu batty!

[goldilocks]

Re: Di nevva endin rhyme time

hold up Bandi spare de rod spoil de child
de Veranda crew lang time wicked and wild
a lik pon dem batty ain't nuthin but a thing
is not gonna change all de drama dem bring

[chickie]

Re: Di nevva endin rhyme time

tell him fi me deh Goldi
caw him a gwaan like seh him nuh know it
since him tun married man
him a gwaan like him big an trang
but we a gwaan chat same way
caw a juss so we stay

[msportmore]

Re: Di nevva endin rhyme time

Soh comin back now to di matta at han
Dido a chat an a gwaan like him trang-
But if troot be known is fraid him fraid
Cause him know Miss Powell ago put him show pan parade...

Can yu imagine Tiffy and Bandi pan di side?
All now Dahjah cyaan get up- him bex to lanslide!

Look dung di road si more peeple a gyadda roun!
Some a dem look like country come to town [img]/forums/images/graemlins/blush.gif[/img]

[chickie]

Re: Di nevva endin rhyme time

so Dahjah tek up a rackstone
caw him seh smaddy haffi get a blow
Bandi staat run like tief
caw him know him ago get defeat
an a so di crowd a swell
Tiffy staat hole har head

[grasshopper]

Re: Di nevva endin rhyme time

an seh oh wat a ting wat a stress inna mi bress
ow tings cum to dis from de cool mawnin breeze
ow mi did fi knoa seh dis ooda bus
a betta pack up an run weh fore sumadi ed get buss

[Tiffony]

Re: Di nevva endin rhyme time

*DWL*
But wait, ah weh mi ah seh
Mi hed mussi tek mi weh..
Lawd..fuss af all mek mi straiten unu out
Mi an bandi nuh dey so jess shet unu mout
Di wan Pow-Pow get di wole sitten wrang
An come een ah mek nize an bangrang
Unu tek mi nayme outta unu sususu
Ar else mi gwine trace di wole ah unu. [img]/forums/images/graemlins/tongue.gif[/img]