Mi neva see no pickney inna dis yet but mi nuh know eff a fimi one granny was so wickid. mi memba one time mi buck awf mi toe an mi granny sen mi a school inna one foot a shoes an socks an one foot a slippaz fi alla di time till di toe betta mi haffi wear it.
memba some dutty kine a rice whey yuh used to haffi sidung an pick out di bad ones fi hours? wen yuh finish pick 3lbs a rice yuh got ongle poun an ah haff leff...mi an cousin used to call dem rotten teet rice [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]
Originally posted by Chrissy72:
[qb] Law Jeezam, dis memry lane sweet, but ah haffi shake mi ed to dis yah wan cause it neva funny. mi memba b'foe mi granny get wan TV mi an mi cousin used to guh nex dore guh watch TV pon di lady varandah an she used to tun it aff inna we face so braps...lawd all we haffi duh was sidung likkle bit like a nuh nutten den tek time crawl affa di varandah *shame* [/qb]
At least yuh had neighba wid TV! Wi use tu haff walk dung di road ah look fi who ah wan TV ah show Bonanza. Den wi would climb pan dem fence ah bruk ie dung an ah balance pan one foot ah try fi si di show. All wi could ah si was picture mose ah di time, caa wi caa hear di sound. Den dem dyam wicked people would let dem dawg out all of ah sudden fi chase wi offa di fence. Wi was so frighten, some ah wi drap offa di fence an some ah wi hitch up pan ie ah scream bloody murda!
Originally posted by Chrissy72:
[qb] Living a country was someting else eh nuh aye sah! fi who whay live a country memba wen yuh neva haffi use no tilett fi puddung yuh body waste an use any bush yuh see beside yuh as tissue? [img]/forums/images/graemlins/704555_dwl.gif[/img] dont tell mi sey a mi one pon dah board yah used do dweet a bush...and yes we did have tilitt but mi did fraid a lizzad an a in dey yuh cudda fine di mose lizzad...mi run gawn dung a bush an aneva crime [img]/forums/images/graemlins/laugh.gif[/img] [/qb]
Yuh evva mek mistake an use cowitch as tylet paypa....ouch!!!! [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [/qb]
Unnu memba wen Her Majesty Di Queen use tu com visit? Di ooman use tu have wi ah wait out inna di hot sun ah stan up fi hours, dedding fi hunger til wi almost faint. Den shi finally com dung di road. Di ratid ooman noh get out ah di cyar all yuh si ah wan hand wid wan white glove stick outa di black cyar window. Yuh noh even si har face, fi all mi kno shi decide noh fi come an ah wan imposter ah pass through!
Originally posted by Chrissy72:
[qb] Law Jeezam, dis memry lane sweet, but ah haffi shake mi ed to dis yah wan cause it neva funny. mi memba b'foe mi granny get wan TV mi an mi cousin used to guh nex dore guh watch TV pon di lady varandah an she used to tun it aff inna we face so braps...lawd all we haffi duh was sidung likkle bit like a nuh nutten den tek time crawl affa di varandah *shame* [/qb]
At least yuh had neighba wid TV! Wi use tu haff walk dung di road ah look fi who ah wan TV ah show Bonanza. Den wi would climb pan dem fence ah bruk ie dung an ah balance pan one foot ah try fi si di show. All wi could ah si was picture mose ah di time, caa wi caa hear di sound. Den dem dyam wicked people would let dem dawg out all of ah sudden fi chase wi offa di fence. Wi was so frighten, some ah wi drap offa di fence an some ah wi hitch up pan ie ah scream bloody murda! [/qb]
Hush!
Wat mi memba bout dat was wen dem keeping show uppa road inna one bamboo lawn, we used to fuh up dey an peep troo di bamboo dem, mose times a one likkle pawt we can see troo, so we haffi tek turns fi peep.
[img]/forums/images/graemlins/704555_dwl.gif[/img]
Memba how fool fool yuh was as ah kid? Dem odda pickney use tu tell yuh dat since yuh swallow du fruit seed, dat wan tree ah goh grow inna yuh belly an kill yuh....OR dem wi tell yuh since yuh swallow di chewing gum, it ah goh wrap round yuh tripe an kill yuh. Den yuh soh fool, fool yu tan up deh ah start fi bawl caa yuh know fi sure now yuh ah goh dead ahy mihute now! [img]/forums/images/graemlins/704555_dwl.gif[/img]
Memba how parents use to stuff pickney chess wid newspaper fi prevent (or is it cure?) motion sickness...all have wi mout ah bun up pan ginger, just noh fi vamit inna di people dem taxi.
We process personal data about users of our site, through the use of cookies and other technologies, to deliver our services, personalize advertising, and to analyze site activity. We may share certain information about our users with our advertising and analytics partners. For additional details, refer to our Privacy Policy.
By clicking "I AGREE" below, you agree to our Privacy Policy and our personal data processing and cookie practices as described therein. You also acknowledge that this forum may be hosted outside your country and you consent to the collection, storage, and processing of your data in the country where this forum is hosted.
Tweet
Comment