Braata Suss (4/5 - 4/11)

[msportmore]

Since is Easter, wi decide fi gi oonu a suss even though oonu get Suss already laas week....dis one is from laas week to...so call it bratta suss [img]/forums/images/graemlins/wink.gif[/img]

**************************************************

Portmore: CTRY??? CTRRYYYYYYYY!!!!! Wake up man! Wake up!!! Which paat yu deh?? Graas?? Yu si CTRY?

Grass: Check roun a bawchroom. Mi hear some funny soun a come fram roun dey!

CTRY coming from roun a back

CTRY: A who dat a caal mi?

Portmore: CTRY, mi have sinting fi tell yu!!!

CTRY: PAADY! Which paat yu deh fram wah day?

Portmore: Mi did deh pan a covert aparaytian! A hide fram FBI an KGB mi an yaadie

Yaadie: Mi did gawn wid har to Aunty! Lawks! Mi miss oonu yu si?????

Trop: Mi come back to! Mi duck out di SARS and airline hijacking so dat mi can come back come idle wid oonus. An now smaddy go badda mi rayshan! Mi bex so till!

Compry: A wah do yu?

Trop: Mi nat even waan talk bout it!!!

YOM: So is how yu soh tense?? Relax man! Let peace reign! Mi rebuke di tensniss in yah!!!

Legend: Hookanighhoondaaaaa!!! TENSNIIIIISSSS moooooooove!!!! NEGATIVE ENAAGGYYYYYY moooove!

Cinque: Yu betta set a rebuke pan dem duppy deh wah yu have up inna yu house!

Jedi: Did smaddy say rebuke? Paas mi di olive oil!

Tiffy: Don’t figget di oregano pon di ayle, an dash een two portabella mushroom an some gaarlic.

Legend sprinkle salt an dash holy wata pan computa screen

Legend: Mi cyaan believe oonu a tek mi plight tun joke

IM: Den wah yu waan mi do cry?? Mi cyaan cry! Mi get new jab !!!

Nunyao: A lie!! Mi get wan to!!!

HO: Well mi waaan wan cause wan window washa man a mek more dallas dan mi an mi bex!

sunshinegal: Mi bex to cause mi haffi a help mi bredda wid him homework!

Compry: An fimi likkle bway need help wid him Maths to! Cho

Same time BrukBak buss out

BrukBak: A how di nex verse to Jack & Jill go?

CTRY: Mi nuh know BrukBak but yu did hear sey fat georgie porgie, pudding an pie kissed the girls and made them cry?

Kingy: A eediat man dat!

JamBrit: Dere wance was a bwaay name kingy
Who alwayz ah chat ow im fling ie
But one mawnin im rise
An wat ah surprise
Smaddy run weh wid him tingy!!

Kingy: Oonu gwaan provoke di snake

Boundbrook walk ova an staat poke di snake fi provoke it

Kingy: Ooman yu putting yu lif in danger

Grass: Lawd oonu gwine mek mi lose di likkle wuk tiday!

Tiffy: Mi an yu mi dear! Matta of fact, if oonu hear bout nuh job mek mi know…mi a look wan

Brownsugga: Bway oonu really nuh have nutten fi do a day time eeh?

R+: Well, wi will have sometin fi do May 2nd, Miss Lou comin to town an shi a stay a CTRY yaad

CTRY: A LIE! A LIE!

Chickie: Jump up an dung an kin pupalick [img]/forums/images/graemlins/laugh.gif[/img]

Portmore: Den nuh DAT mi a try tell yu fram mawnin CTRY! Das why mi did a caal out yu name

CTRY: Lawks, mi haffi go do some heap a cleanin! Drapery fi buy an staach! Floor fi clean! A wanda if G2 wi cook fi mi????

G2: Wance cookin invalve yu know seh mi di deh!

ColeS: Mi wi di deh pan mi yeye teet to!

Nunya: Look like mi shoulda wait likkle longa before mi get job...mi cyaan come [img]/forums/images/graemlins/frown.gif[/img]

Babykins: Nunya, mi have news fi cheer yu up! I jus got di feel up of a lifetime fram a young bway

Jazz: A wanda if is fram Kevron? Anyway, mi nuh biznizz! Anybady si mi husband?

grass: An *my* baby daddy missin to

dahjah: Speakin of which, who is Mrs. K. Dahjah and why shi a stawk mi

Ms Powell: Bandido my love! All a dem missin dem men. Mi glad yu deh yah! Rain ah fall..mek wi guh roun a back guh pump hile nuh

Bandido1: Mi is on mi way sweetheart

Jahlive: Dress up inna mi Bandi mask an run go roun a bak

sukuna: Speakin of mask, I have been here pretending to be sukuna all this time but I am really Miss Lou

CTRY: Missis tap ie foolinish! Porty, come chile, wi haffi go do nuff cleanin up before we dignified gues come

[Capitall]

Re: Braata Suss (4/5 - 4/11)

@ dis caz mi ar mi baby nuh inna it

[msportmore]

Re: Braata Suss (4/5 - 4/11)

mi neva know seh yu have baby

yu neva deh bout dah week ya boss...so Go dead in di shrubbery (today a Good Friday so mi nuh waan tell yu fi GDAB)

[Capitall]

Re: Braata Suss (4/5 - 4/11)

*kissteetancutyeye*@ Porty

yu evaa hear shawty a talk bout pump ile yet? is buss ile it name, yu a cuntry come a town or wah? [img]/forums/images/graemlins/laugh.gif[/img]

[msportmore]

Re: Braata Suss (4/5 - 4/11)

if yu did deh bout laas week yu wouldan SI FI YUSSELF seh a dat di ooman seh [img]/forums/images/graemlins/mad.gif[/img]

[Capitall]

Re: Braata Suss (4/5 - 4/11)

eehhehh, wateva

[sistactry]

Re: Braata Suss (4/5 - 4/11)

Originally posted by Capitall:
[qb] eehhehh, wateva [/qb]

what a man a get pickey.., cha ***kissteeth***

me porty, nuh pay him nuh mind ehear maam, a caaa smaddy fuss him to de mask business, him bex, [img]/forums/images/graemlins/tongue.gif[/img]

so wait deh Cappi, a when u get baby dahlin.., u mean likkle baby pon brest.., or big baby wid brest.., a which one u tawking bout.., [img]/forums/images/graemlins/blush.gif[/img]