Tweet
Nuff respeck everybady.. Juss waa wish everybady up ya a very blessed an safe X-Mass.. Si a likkle present ya fi unnu.. [img]/forums/images/graemlins/wink.gif[/img]
Bim an Jah Return.
Jazz: Hurry up noh Wendy.. Dem open up new chuch inna di nex districk an mi cyaan wait fi go si wat a gwane up dey.. Mi hear nuff nice tings bout it yu si…
Wendy: Mi naw go nowhe near no chuch yu hear ma.. Memba whe did happen lass time mi go inna chuch di dyam place bun dung…
Fern: Cho man Wendy yu cyaan mek dat tap yu.. Mi hear dis ya chuch ya a bawss chuch yu noh. Dem hav farrin pawsen an di choir a buss big big chune.. Mi a go fi my blessings yu hear..
EP: ~DWL~ yes yu need all di blessing yu cyan get..
Venn: (LOL) Koo pat a call kekkle black….
EP: Watch ya no Venn no badda com pwile mi good feelings tidey yu noh. No mek mi haffi gwane bad pan di big big Sunday...
Ensom: Den EP a whe yu a go inna dat dey likkle wingy frak.. Waapin yu couldn change fram lass night.. A chuch wi a go a noh dance hall..
Wendy: (LOL) No mine Ensom ya EP dat dey frak a bawss frak. A yu mek ie yuself? Look ow it shawt to noh a wan likkle pickney frak yu go tieff no chroo.. ~DWL~
EP: Get dee behine mi satans.. Unnu too dyam badmine an red yeye..
Peppa: Unnu tap di argument an com on noh.. Flag dung di bus dey Tuffy..
Tuffy: Hole on dey jiva.. BWAY YU NO HEAR MI SEY FI TAP DI DYAM BUS!!!!!!!!!!!!!!
Brucky: Oy dey tegareg mi no deaf an mi no bline yu noh..
Tuffy: But a who dis rollingcyawf a call tegareg doe??? Bway yu mussi waa feel mi lass tidey..
Brucky: Ooman juss com on pan di bus before a leff yu a road side.. Mi a ask X-man fi a raise yu noh di likkle pay no wut it fi put up wid dem jinbang ya..
Ensom: But wat a way di bus full up tidey.. Is whe all a unnus a go???
Chickie: Den yu no hear sey dem a do healing dung a di new chuch tidey.. Mi a go dung dey fi get likkle salvation yaw..
Lilkay: (LOL) Hear ya.. No gi mi joke yaw Chickie all di angels inna heaben couldn salvage yu so dat a waste a time.. ~DWL~
LadyZ: (LOL) Rhatid Kay yu a tieff wud outta mi moute.. Chickie dawling dem betta awff trying fi raise di dead dan fi a try gi yu any salvation…
***Di whole bus start to lawff***
Bandi: Please tep right in ladies.. Di pawsen hav a lovely ceremony plan fi tidey…
Jazz: Tank yu so much Missa Bandi sar.. Mi waa fi sidung right inna di front row. Mi no waa miss nuttin.. Unnu hurry up an com..
**Wendy grab hold of Bandi’s tie**
Wendy: Mi sey mi naw go in dey man sitten a go happen..
Bandi cawff, cawff
Fern: Wendy tap di dyam foolishness an com on. Leggo awff a di man tie yu noh si yu a choke him to deat..
EP: Ayy sah Wendy da likkle blaze dey lass time really get to yu eeh. A mussi hell fiya yu fraid a so.. (lol)
Wendy: Watch ya noh EP no ramp wid mi tidey yu noh.. Arrite arrite mi a com but watch mi an unnu if sitten happen in ya tidey..
Ensom: Si som seat dung a batan dey.. Si Queen dey.. OY QUEEN SAVE DEM SEAT DEY FI WI!!!!!!
Peppa: Lawd a macy Ensom yu cyaan bawll out inna di chuch so.. Yu haffi bawll out sawffa dan dat man cho....
Queen: ARRITE ENSOM………. No mi sey… unnu cyaan sidung ya so… mi fren dem a com fi di seat dem…… ENSOM UNNU HURRY UP AM COM BEFORE MI GET BRINGLE PAN DEM PEOPLE YA YU HEAR. DEM A GWANE LIKE DEM NO ANDASTAN ENGLISH!!!!!!!!!
Peppa: (LOL) Tek time wid dem Queen Tank God yu batty so brawd fi black awff di whole phew (LOL)..
Queen: Yu si if mi wasn’t a Christian a woulda tell yu which pawt a yu big.. :bex:
Tuffy: But wat a way di place pack up… Dem mussi a gi whe sitten fi attract so much hooligan in ya..
KLH: A di same striking ting mi a sey to Tuffy.. Nuff a dem people ya neva si di inside af a chuch inna dem life…
Chickie: Yes, juss like a yu.. Tek di dyam tam awff a yu head an sidung a no chuch hat dat....
Lilkay: Unnu behave noh…
Pawsen: Good morning ladies and gentlemen.. Thank you so much for coming out this morning. Let us begin with a song by our new choir directors.. These men have just joined us and I hear are quite good..
**Choir walks in without the directors**
EP: So whe di direction dem dey??
Ensom: Directas eediat..
EP: Den no dat mi sey..
Fern: Look like dem lass fi chroo…
**Back stage**
Bim: Put an di frak noh Jah.. Wi get di likkle wuk fi dereck di singa dem. Whe yu do wid mi batan??
Jah: Bim ow yu coulda tek dis wuk wen wi no know nuttin bout singa derecting.. Plus yu memba sey a juss di nex district ova wi did haffi run outta sake a yu bandoolo pawdna yu run.. Supposing sumaddy recagnize wi.
Bim: A ow yu so worry worry all di time bway?? Nobady naw go recagnize wi inna di frak dem an di pawsen a pay wi big big money fi di likkle wuk.. Com on noh dem a wait pan wi yu noh..
Jah: Arrite arrite tap rush mi, mek wi gwane si whe wi cyan do.
Bim: Now yu talking sense bway.. Juss swing yu batan fram side to side di singa dem wi know whe fi do.
Jah: So which sang dem a sing Bim?
Bim: Ow mi fi know dat??? Wateva sang dem waa fi sing juss galang wid di batan sed way..
Bandi: genklmans di choir an di people demm a wait pan unnu please fi hurry up..
Bim: Si dat.. Bandi neva even recagnize sey a wi im did a chat to. Di frak dem disguise wi bway..
Jah: A yu bak im did a look pan eediat bout no recagnize wi.. A feel chubble a brew yu noh. Mi mine a tell mi sey juss walk whe right now an leff yu ya..
Bim: Arrite if yu waa fi leff dats arrite. Before yu go doe juss do mi a fayva an peep chroo di curtain dey an si if dem ready fi mi....
Jah: Arrite..
**Bim push Jah pan di stage as he looked**
Pawsen: It’s about time.. Now we can get started…
Jah: yu going strat to hell fi dis yu noh Bim
Bim: (lol) Yes wid yu right side a mi. Shet yu moute an start wave di batan bway..
***Bim an Jah began waving their battons faster and faster to the left then the right, up then down confusing the choir.***
Jazz: But a whe di baxside dem a do up dey??
Wendy: (lol) Lawd Gad dem a canfuse di choir to backfoot. Dis a di bawss choir yu did waa fi si Jazz?? ~DWL~
Fern: Kaka.. (LOL) Di big wan all go dung pan im belly an a wave di batan.. Di poor choir no know ow fi falla dem..
Ensom: Mi no mean fi lawff but jeezam peace dis ya too funny.. Yu noh si di whole choir drap dung a grung a try falla di two a dem.. ~DWL~
Tuffy: (LOL) Tell dem fi tap ie please mi belly cyann tek dis no more.. (LOL)
Peppa: But Lawd hav his mercy a dis pappy show wi com clear dung ya fi si..
MarieK: Hush up Peppa dis betta dan any TV program.. Go inna it choir directa ~DWL~
Venn: No man tap dis, wi no fi a lawff so hawd inna chuch so.. All yeye wata a run outta mi face.. ~DWL~
**Bim an Jah face the crowd take a bow and take their seat**
Jah: A wha sweet dem people so Bim???
Bim: Mi no know massa koo pan som a dem pan di grung to noh.. Dem ya people really need fi com a chuch more aften..
Jah: Baxside Bim no look no look but di whole a Board lane dung ya.. Si Jazz dey an Wendy, an si Ensom, Peppa, an EP dey.. Di whole a dem dung ya..
Bim: All Tuffy dey ya to Jah. Memba a fi har pawdna draw wi di run whe wid.. If dem eva fine sey a wi pawsen a go haffi prafarm finaral in ya tidey..
Jah: A did know sitten a go happen yu noh.. Mek wi run bway..
Bim: Yu mad if wi run dem wi spat wi.. Wi naw go mek di door fram ya so.. Juss try yu bess no look pan dem..
Pawsen.. Now for another song from the choir..
***The Choir looks apprehensive but the crowd begin to applaud***
Bim: No look pan di crowd Jah juss do di same ting but go fasta so di sang done soona..
Jah: Good idea bway..
**Bim and Jah again furiously wave the batons from side to side up and down but even faster than before.***
Chickie: But si mi dying trial di choir cyaan even get di wud dem out fast enuff.. ~DWL~
Lilkay: But look pan di big wan him a shake so fass all him pance a drap awff.. (LOL)
Wendy: No, no, no mi cyaan tek dis no more.. Dis too funny man.. Jazz tank yu fi drag mi dung ya.. ~DWL~
Jazz: If a lawff a pap in ya tidey.. God fagive mi fi a lawff so hawd inna yu house yu hear.. (LOL). If a neva know betta a woulda swear sey a Bim an Jah up dey.. a ongly dem two coulda eediat so.. ~DWL~
Ensom: (LOL) yu right Jazz ongly dem coulda tun a respectable chuch inna pappy show so..
Tuffy: **Thinking** Unnu right yu noh.. Mek a tek a good look pan dem bway dey..
Peppa: Sidung Tuffy a couldn dem. Dem couldn so brite fi show dem face roun ya again..
Tuffy: Yu right Peppa but it very curious..
***The crowd breaks out into a standing ovation for the directors***
Pawsen: Thanks again choir for that..... shall I say different rendition..
Bim: Dem people ya really need saving bway look ow dem still a lawff noh..
Jah: If dem eva need saving a lawff dung di people dem chuch so.. But look ow Tuffy a look up ya noh Bim. Tun yu face quick before shi spat wi bway....
Bim: Rhatid Jah shi a move closa fi get a betta look. Get ready fi run...
Tuffy: Pawden dey likkle Pawsen sah.. Sarry fi intarupt yu ceremany sah but a wha dem two directa dey name??
Pawsen: Can we please discuss that after services sister???
Tuffy: Pawsen sah mi no mean no disrespek sah but mi waa know wha dem name NOW!!
Pawsen: Sister we can discuss this right after the service now please take your seat..
Tuffy: **Pull out har lass** Pawsen mi naw ask again yu noh bawss..
Pawsen: This is Mr. Bimini and this is Mr. JahLive..
Tuffy: A did know it, a did know it was unnu. Ongly unnu coulda tun dis decent choir so eediat. A finally a ketch up wid di two a unnu.. Whe di baxsid mi money dey???
Bim: **Pushing Jahlive in front** Hole on dey Tuffy no do nuttin yu a go regret..
Tuffy: Who sey mi a go regret nuttin.. A juss feel bad sey mi a go nawssy up mi lass wid unnu blood. WHE MI MONEY DEY MI SEY
Jah: **Shubbing Bim toward Tuffy** A him did dweet Tuffy mi neva hav nuttin fi do wid it..
Tuffy: No worry unnuself di two a unnu a feel dis lass tidey..
Peppa: Hole on dey Tuffy no lik dem yet..
Ensom: (LOL) Yes no lik dem nat afata di joke dem gi wi tidey.. Yu haffi gi dem a bly..
Jazz: Tuffy mi cyaan memba wen mi lawff so hawd so do gi dem a break…
Fern: Dats right Tuffy mi no mine yu ***** di wan Jahlive but no badda hurt mi likkle sugga plum Bim.. Juss low dem dis time..
Wendy: ~DWL~ Mi neva si nuttin so funny inna mi life. Do Tuffy no chap dem up tidey.. Yu know dem areddi dem wi do sitten else soon enuff fi yu chap dem up but nat tidey.. Mi side still a pain mi fram lawffing..
EP: No sah yu cyaan chap dem up inna di big chuch so eeda so juss mek it pawss dis time. Yu know yu wi get anedda chance wid dem 2 dey..
Tuffy: **Holding Jahlive an Bim by dem shut colla** Unnu lucky yu noh. Unnu really gi mi som good lawff tidey an a ongly dat a save unnu baxisde fram taste mi lass...
**Reaching in their pocket Tuffy take out the money the pastor paid them. All was forgiven and Bim and Jah was able to move back to board Lane..**
Bim an Jah Return.
Jazz: Hurry up noh Wendy.. Dem open up new chuch inna di nex districk an mi cyaan wait fi go si wat a gwane up dey.. Mi hear nuff nice tings bout it yu si…
Wendy: Mi naw go nowhe near no chuch yu hear ma.. Memba whe did happen lass time mi go inna chuch di dyam place bun dung…
Fern: Cho man Wendy yu cyaan mek dat tap yu.. Mi hear dis ya chuch ya a bawss chuch yu noh. Dem hav farrin pawsen an di choir a buss big big chune.. Mi a go fi my blessings yu hear..
EP: ~DWL~ yes yu need all di blessing yu cyan get..
Venn: (LOL) Koo pat a call kekkle black….
EP: Watch ya no Venn no badda com pwile mi good feelings tidey yu noh. No mek mi haffi gwane bad pan di big big Sunday...
Ensom: Den EP a whe yu a go inna dat dey likkle wingy frak.. Waapin yu couldn change fram lass night.. A chuch wi a go a noh dance hall..
Wendy: (LOL) No mine Ensom ya EP dat dey frak a bawss frak. A yu mek ie yuself? Look ow it shawt to noh a wan likkle pickney frak yu go tieff no chroo.. ~DWL~
EP: Get dee behine mi satans.. Unnu too dyam badmine an red yeye..
Peppa: Unnu tap di argument an com on noh.. Flag dung di bus dey Tuffy..
Tuffy: Hole on dey jiva.. BWAY YU NO HEAR MI SEY FI TAP DI DYAM BUS!!!!!!!!!!!!!!
Brucky: Oy dey tegareg mi no deaf an mi no bline yu noh..
Tuffy: But a who dis rollingcyawf a call tegareg doe??? Bway yu mussi waa feel mi lass tidey..
Brucky: Ooman juss com on pan di bus before a leff yu a road side.. Mi a ask X-man fi a raise yu noh di likkle pay no wut it fi put up wid dem jinbang ya..
Ensom: But wat a way di bus full up tidey.. Is whe all a unnus a go???
Chickie: Den yu no hear sey dem a do healing dung a di new chuch tidey.. Mi a go dung dey fi get likkle salvation yaw..
Lilkay: (LOL) Hear ya.. No gi mi joke yaw Chickie all di angels inna heaben couldn salvage yu so dat a waste a time.. ~DWL~
LadyZ: (LOL) Rhatid Kay yu a tieff wud outta mi moute.. Chickie dawling dem betta awff trying fi raise di dead dan fi a try gi yu any salvation…
***Di whole bus start to lawff***
Bandi: Please tep right in ladies.. Di pawsen hav a lovely ceremony plan fi tidey…
Jazz: Tank yu so much Missa Bandi sar.. Mi waa fi sidung right inna di front row. Mi no waa miss nuttin.. Unnu hurry up an com..
**Wendy grab hold of Bandi’s tie**
Wendy: Mi sey mi naw go in dey man sitten a go happen..
Bandi cawff, cawff
Fern: Wendy tap di dyam foolishness an com on. Leggo awff a di man tie yu noh si yu a choke him to deat..
EP: Ayy sah Wendy da likkle blaze dey lass time really get to yu eeh. A mussi hell fiya yu fraid a so.. (lol)
Wendy: Watch ya noh EP no ramp wid mi tidey yu noh.. Arrite arrite mi a com but watch mi an unnu if sitten happen in ya tidey..
Ensom: Si som seat dung a batan dey.. Si Queen dey.. OY QUEEN SAVE DEM SEAT DEY FI WI!!!!!!
Peppa: Lawd a macy Ensom yu cyaan bawll out inna di chuch so.. Yu haffi bawll out sawffa dan dat man cho....
Queen: ARRITE ENSOM………. No mi sey… unnu cyaan sidung ya so… mi fren dem a com fi di seat dem…… ENSOM UNNU HURRY UP AM COM BEFORE MI GET BRINGLE PAN DEM PEOPLE YA YU HEAR. DEM A GWANE LIKE DEM NO ANDASTAN ENGLISH!!!!!!!!!
Peppa: (LOL) Tek time wid dem Queen Tank God yu batty so brawd fi black awff di whole phew (LOL)..
Queen: Yu si if mi wasn’t a Christian a woulda tell yu which pawt a yu big.. :bex:
Tuffy: But wat a way di place pack up… Dem mussi a gi whe sitten fi attract so much hooligan in ya..
KLH: A di same striking ting mi a sey to Tuffy.. Nuff a dem people ya neva si di inside af a chuch inna dem life…
Chickie: Yes, juss like a yu.. Tek di dyam tam awff a yu head an sidung a no chuch hat dat....
Lilkay: Unnu behave noh…
Pawsen: Good morning ladies and gentlemen.. Thank you so much for coming out this morning. Let us begin with a song by our new choir directors.. These men have just joined us and I hear are quite good..
**Choir walks in without the directors**
EP: So whe di direction dem dey??
Ensom: Directas eediat..
EP: Den no dat mi sey..
Fern: Look like dem lass fi chroo…
**Back stage**
Bim: Put an di frak noh Jah.. Wi get di likkle wuk fi dereck di singa dem. Whe yu do wid mi batan??
Jah: Bim ow yu coulda tek dis wuk wen wi no know nuttin bout singa derecting.. Plus yu memba sey a juss di nex district ova wi did haffi run outta sake a yu bandoolo pawdna yu run.. Supposing sumaddy recagnize wi.
Bim: A ow yu so worry worry all di time bway?? Nobady naw go recagnize wi inna di frak dem an di pawsen a pay wi big big money fi di likkle wuk.. Com on noh dem a wait pan wi yu noh..
Jah: Arrite arrite tap rush mi, mek wi gwane si whe wi cyan do.
Bim: Now yu talking sense bway.. Juss swing yu batan fram side to side di singa dem wi know whe fi do.
Jah: So which sang dem a sing Bim?
Bim: Ow mi fi know dat??? Wateva sang dem waa fi sing juss galang wid di batan sed way..
Bandi: genklmans di choir an di people demm a wait pan unnu please fi hurry up..
Bim: Si dat.. Bandi neva even recagnize sey a wi im did a chat to. Di frak dem disguise wi bway..
Jah: A yu bak im did a look pan eediat bout no recagnize wi.. A feel chubble a brew yu noh. Mi mine a tell mi sey juss walk whe right now an leff yu ya..
Bim: Arrite if yu waa fi leff dats arrite. Before yu go doe juss do mi a fayva an peep chroo di curtain dey an si if dem ready fi mi....
Jah: Arrite..
**Bim push Jah pan di stage as he looked**
Pawsen: It’s about time.. Now we can get started…
Jah: yu going strat to hell fi dis yu noh Bim
Bim: (lol) Yes wid yu right side a mi. Shet yu moute an start wave di batan bway..
***Bim an Jah began waving their battons faster and faster to the left then the right, up then down confusing the choir.***
Jazz: But a whe di baxside dem a do up dey??
Wendy: (lol) Lawd Gad dem a canfuse di choir to backfoot. Dis a di bawss choir yu did waa fi si Jazz?? ~DWL~
Fern: Kaka.. (LOL) Di big wan all go dung pan im belly an a wave di batan.. Di poor choir no know ow fi falla dem..
Ensom: Mi no mean fi lawff but jeezam peace dis ya too funny.. Yu noh si di whole choir drap dung a grung a try falla di two a dem.. ~DWL~
Tuffy: (LOL) Tell dem fi tap ie please mi belly cyann tek dis no more.. (LOL)
Peppa: But Lawd hav his mercy a dis pappy show wi com clear dung ya fi si..
MarieK: Hush up Peppa dis betta dan any TV program.. Go inna it choir directa ~DWL~
Venn: No man tap dis, wi no fi a lawff so hawd inna chuch so.. All yeye wata a run outta mi face.. ~DWL~
**Bim an Jah face the crowd take a bow and take their seat**
Jah: A wha sweet dem people so Bim???
Bim: Mi no know massa koo pan som a dem pan di grung to noh.. Dem ya people really need fi com a chuch more aften..
Jah: Baxside Bim no look no look but di whole a Board lane dung ya.. Si Jazz dey an Wendy, an si Ensom, Peppa, an EP dey.. Di whole a dem dung ya..
Bim: All Tuffy dey ya to Jah. Memba a fi har pawdna draw wi di run whe wid.. If dem eva fine sey a wi pawsen a go haffi prafarm finaral in ya tidey..
Jah: A did know sitten a go happen yu noh.. Mek wi run bway..
Bim: Yu mad if wi run dem wi spat wi.. Wi naw go mek di door fram ya so.. Juss try yu bess no look pan dem..
Pawsen.. Now for another song from the choir..
***The Choir looks apprehensive but the crowd begin to applaud***
Bim: No look pan di crowd Jah juss do di same ting but go fasta so di sang done soona..
Jah: Good idea bway..
**Bim and Jah again furiously wave the batons from side to side up and down but even faster than before.***
Chickie: But si mi dying trial di choir cyaan even get di wud dem out fast enuff.. ~DWL~
Lilkay: But look pan di big wan him a shake so fass all him pance a drap awff.. (LOL)
Wendy: No, no, no mi cyaan tek dis no more.. Dis too funny man.. Jazz tank yu fi drag mi dung ya.. ~DWL~
Jazz: If a lawff a pap in ya tidey.. God fagive mi fi a lawff so hawd inna yu house yu hear.. (LOL). If a neva know betta a woulda swear sey a Bim an Jah up dey.. a ongly dem two coulda eediat so.. ~DWL~
Ensom: (LOL) yu right Jazz ongly dem coulda tun a respectable chuch inna pappy show so..
Tuffy: **Thinking** Unnu right yu noh.. Mek a tek a good look pan dem bway dey..
Peppa: Sidung Tuffy a couldn dem. Dem couldn so brite fi show dem face roun ya again..
Tuffy: Yu right Peppa but it very curious..
***The crowd breaks out into a standing ovation for the directors***
Pawsen: Thanks again choir for that..... shall I say different rendition..
Bim: Dem people ya really need saving bway look ow dem still a lawff noh..
Jah: If dem eva need saving a lawff dung di people dem chuch so.. But look ow Tuffy a look up ya noh Bim. Tun yu face quick before shi spat wi bway....
Bim: Rhatid Jah shi a move closa fi get a betta look. Get ready fi run...
Tuffy: Pawden dey likkle Pawsen sah.. Sarry fi intarupt yu ceremany sah but a wha dem two directa dey name??
Pawsen: Can we please discuss that after services sister???
Tuffy: Pawsen sah mi no mean no disrespek sah but mi waa know wha dem name NOW!!
Pawsen: Sister we can discuss this right after the service now please take your seat..
Tuffy: **Pull out har lass** Pawsen mi naw ask again yu noh bawss..
Pawsen: This is Mr. Bimini and this is Mr. JahLive..
Tuffy: A did know it, a did know it was unnu. Ongly unnu coulda tun dis decent choir so eediat. A finally a ketch up wid di two a unnu.. Whe di baxsid mi money dey???
Bim: **Pushing Jahlive in front** Hole on dey Tuffy no do nuttin yu a go regret..
Tuffy: Who sey mi a go regret nuttin.. A juss feel bad sey mi a go nawssy up mi lass wid unnu blood. WHE MI MONEY DEY MI SEY
Jah: **Shubbing Bim toward Tuffy** A him did dweet Tuffy mi neva hav nuttin fi do wid it..
Tuffy: No worry unnuself di two a unnu a feel dis lass tidey..
Peppa: Hole on dey Tuffy no lik dem yet..
Ensom: (LOL) Yes no lik dem nat afata di joke dem gi wi tidey.. Yu haffi gi dem a bly..
Jazz: Tuffy mi cyaan memba wen mi lawff so hawd so do gi dem a break…
Fern: Dats right Tuffy mi no mine yu ***** di wan Jahlive but no badda hurt mi likkle sugga plum Bim.. Juss low dem dis time..
Wendy: ~DWL~ Mi neva si nuttin so funny inna mi life. Do Tuffy no chap dem up tidey.. Yu know dem areddi dem wi do sitten else soon enuff fi yu chap dem up but nat tidey.. Mi side still a pain mi fram lawffing..
EP: No sah yu cyaan chap dem up inna di big chuch so eeda so juss mek it pawss dis time. Yu know yu wi get anedda chance wid dem 2 dey..
Tuffy: **Holding Jahlive an Bim by dem shut colla** Unnu lucky yu noh. Unnu really gi mi som good lawff tidey an a ongly dat a save unnu baxisde fram taste mi lass...
**Reaching in their pocket Tuffy take out the money the pastor paid them. All was forgiven and Bim and Jah was able to move back to board Lane..**
Comment