Tweet
Mek de Krissmus ketch u inna good mood
mek de Krissmus ketch you feelin fine
Put awn u dancin shoe and come wid me tonite
we gonna rack till brawd day lite
Sayvia Devine Boadlane noh dekarate fe Krismus
bassman put all kinna pretty pretty so we gwine salibrate in stile. A wanda if Bell a go Jingle and de Night dem a go be silent or if de Herald angels dem a go sing. All dung a Granny shap ha pretty pretty de alla ha dem owna chrismus tree wid de ridaz name pon ie fe dakarayshan 
what a prekkae eeh sah...dem really stoshus dun dey all fimmi name Sweetssop dey pan ie...laawks mi tun famous nung...Mi hope sey Santa noh ketch up inna mango tree dis year cause we woudda saalt u see like a how de wan Nunya go quit har jab and sey she a go tan home an iggle we nah go get no prezent dis year although mi tink sey she win de lattery caaw one moment she quit and de nexx she cum in yah cum ask if we win de lattery if would poas ie yah... mi sey de gal mean ie see imagine she sey she dey a har yaawd and dahjah did a invite himself to har yaawd fe dinna dn she tun him dung a wanda a wha she gat ahide...aye sah
Unno memba the rattin teeth big yeye burry head bway wey name Jahlive well mi hear waan tory de adda day sey him did a salibrate him belated birthday.....fram mi bawn mi nay kno sey smaddy like him coulda bawn...even him screw face bredda Brukky sey him nay kno....tenk Gad fe the mawga batty gal Jazz if a neva fe she nobaddy woulda kno a she go dung a Bim yam grung fe go dig two head a yam and fine him age paypa bury dun dey woieeeeeeeeeee laawd a massy...a wanda if him digits dem cyaan hole pan dat dey piece a paypa
Tek sleep mawk death tek sleep mawk death tek sleep mawk death...mi sey de rroll yeye ooman who alwayz kibber dem wid dawkas wey name (H)AnnA(H) dis a drap wud fe people she dis back and forth fram Ctry and MsP yaawd to Queen Peppa an Jackie1 yaawd an a so she da rroll de yeye dem because a dat Peppa jus keep buckin har toe.....at one time she did even tink sey she going mad but mi waan fi kno if u mad arready how can u go mad again.
So we Private Secretary come back fram wey she did a hide inn a har dungle heap so mi hoping das seeing like a how she like the keyboard she will be able fe write Night Nurse chrip report fe har seein dat de nurse still sufferin fram Jetlag...mi noh kno mek she nay did jus leff de jet a de airport and ney badda bring the lag all de way back fram Malaysia wid har.....but a so some people tan wen dem go a farrin dem lub fe carry back all kinna crassi wid dem...aye sah.
Reggaeplus him siddung pan de karna a boadlane a wait fe smaddy adda shoe fe drap so him can pick ie up...but him could a brite eeh...wha mek him tink sey dem ago drap dem shoes and leff ie geem.....but a could a wha dis though fadda him noh kno sey tings naw go werk dem way dey at all...
Unno always sey ongle inna Jamaica ting like a dem yah happion but mi sey Engflan tek de cake...as Bigtime sey the werl gone mad cause one ooman was arrested there for feelin up a babylon batty and Neutral sey one a fi him fren pay waan hooker fe bruck him ducks..... an look how MarieK haffi beg fe feel ups in yah and dat man get one fe free and him arrest de ooman and u kno how dat dey man could get him ducks bruck fe free and him gane pay...bus dankey sey de werl noh lebel so mek mi hole mi peace.
Before too lang you noh haffi ask a belly running like a judegement day meanwhile Leonie lack up inna tilelet an some a wid did tink sey she gat the runs mi sey some people can be misleading sah....caaw when Peppa ask if we mek it rip or if we do it or do we do it neatly a whole heap a boardies run in dey ready fe chat how dem let dem faawt rip ongle fe see sey a wrappin paypa she a chat bout...go see how some a dem let out a big rip roaring one jus before dem open de poas....phew stinkeeeeeeeeeeee
[img]/forums/images/graemlins/70361-embarassed.gif[/img]
Anyways mi a run but mi waan unno fe kno sey Ensome de same ooman wey claim sey she fraid a lizzad well she up de lane dey inna de hat seat and unno can aks har anything unno waan fe kno bout she and Pressa and please dont tell that I said so
Unno walk good an memba sey mi is nat liad and a so mi get ie a so mi geet to unno
Peace
Comment