Tweet
Krismuss is coming and the Boardies is gettin fat and please dont sit in Bim and Jahlive lap cause dem a pretend fe be Santa Klaas and all dem waan do is feel unno up.. If Unno dont have a teehbrush ge gi Jahlive den a chew stick will do and if you dont have a tin a sardine fe Bim den a duttygal will do and if you dont have any den Gad Bless you...The last time Bim and Jahlive was seen on boardlane they were seen feeling up Irie Dawta and Night Nurse and those who came after like Ochigal who knack dung and bax dung me jus fe get in front a de line nay get nat even a likkle feel... chickie was also on a de lucky one.
Hello mi puttus how u doing what a way some people mouth can sweet specially wen dem dont memba you name dem call you soh... Tamslamoooooooo fren granny did call har so and she nay kno wha ie mean so mi mek har kno sey it was an endearment and it is nottin bad. Ting Ting everybaddy chry dis Ting or should I say Tamslamoo ,..ongle 24 did leffa de store and she was so greedy she haffi buy all a dem nat eben leff one pan de shelp fe de nexx customas...and den pan tap a dat as soon as she get home she drink wholla chree and hide de ress unda a har bed...aye sah some people a tell you.
Come they told me pa rup a *** *** but a noh drum him play...mi sey Uncle X siddung inna him yaawd pan a stone wife and pickney gane abrawd leff him all alone wanderin kina music coullad bruck fe him ole bone when him drap a version inna him yaawhd pan him Guitar....mi sey fi mi sey fi play de music play de music sweet..but den tap him was ongle dreamin caaw him nat even kno how fe whole de guitar good much fe play music yet...but you din kno sey people can show aff dat it all fly in a dem head dat dem staawt dream bout how dem play and notiin noh go soh....mi a wanda how him and him cawn pan him hand...
Healing in de balm yaawd.....or is a good balm bath Lady Z needs to wash off the guzzumpend wey demset pan har mek she ha so much bad luck dat ie even rub aff pan Jus Cool mi hear Chickie sey a big foot Z get but she claim sey a noh soh...dem set pan har veehikle and she sey is har madda wukliss bwoy dweet but a could who dat be mi noh know and she even sey a man cook fe har and Neutral kindly mek har kno sey a inna de food dem set teh plan fe ketch har..a wanda a wey Evanovitch dey mi need a bakkle a ile a obeah dont ketch mi fi rub up wid and fe sprinkle roun boadlane so ie wont ketch nobaddy else.
Hallelujah thine be the glory Hallelujah amen Hallelujah thine be the glory,,,....oops a noh so ie go .. Compry waan run fram Canada go a Flarida wey ie warm so she tink sey she can sing har way there and hoping fe be famous too wid a one hit wanda so she mek sang and teef de chune..She a plan fe tan wid Pepper, Ensome or LadyZ but Peppa dis rroll har eye dem and mek har know sey she wi dis able de alarm system and mek police pick her up afta har two weeks up...as fe Ensome and Z dem mek sure sey dem a hide das when she reach dem is nat at home woieeeeeeeeeee if I laff I pap..a memba one time when smaddy did come a mi yaawd and mi nay waan see dem mi did hide unda mi dining table and pretend dat mi was nat home..a wanda a wey dem a go hide if a unda dem bed.
Den unno hear dis yah now wey day waan plane fly low ova de building wey Chickie werk and ie mek de building shake and mi hear sey u shoulda see how dem workers dem run out a de building tink a Gad a come... Chickie she hide unda fe har deks tinking sey a earthquake and she dont want to be swallowed up like in de Port Royal earthquake...all now har heart still a beat fass and she s trimble like when Lizard cole...no mine yah Chickie we wont talk u bizniz again and we pramise we wont laff [img]/forums/images/graemlins/704555_dwl.gif[/img]
Mi sey mi neva see people love freeniss so...mi sey de wan Ctry all dis time wi see har a shack out pan boadlane a free intanet she did a use and a gwaan like a sey a high speed she have,,,but dawg noh nyam har suppa caa de freeness dun and we dun kno sey de dankey ride money cyaan pay fe intanet.
Well unno kno sey Grandma 2 love fe cook nad bake so tomorrow is de laas day de shape a go open till afta Chrismus so who noh calleck dem giff fram unda de tree dung dey yet unno betta go tomorrow
Well mi gone till nexx week when unno wi hear bout who noh get giff and who noh like dem giff but as mi always tell unno sey mi is nat liad a so mi get ie a so mi geet.
Unno all have a Merry merry Chrismuss
and Remember
Be Safe If you drink dont drive cause the life you save may jus be your own.
God Bless and mi love unno all
[img]/forums/images/graemlins/laugh.gif[/img]
to little sweets
dat story is nice. merry xmas tuh yuh too.
Comment