Tweet
Jingle Bells Bandi Fell
Ctry laid an egg
The Brukky Mobile has lots it wheels
An Ja.Commers dance ballet
Mi dey dead wid laff fram wey day caa mi neba kno se smaddy unda gad sun coudda do sinting so foo foo...Mi sey MarieK dey pan de train a go a wuk and dis ooman come siddung side a har and she noh look pon the ooman and gane touch de ooman an sey Cntrygal a wha you a do yah so mi noh kno if you can tek cutex fe identify smaddy...mi sey dey poor ooman so friten das she get up and run but between mi and u mi tink sey a feel MarieK feel up de ooman seein das she love feel ups so much...an insted she git up and run de nedda way she siddung dey bout she shame...what a ting Ctry come to....aye sah
Den unno hear dis yah now de hot stud bwoy wey name Neutral noh go tek Viagra wid him brite self and when de ole man git uo pon him an tan at attention ready fe de kill him ongle get fe fine out sey wifey was out of commission....mi hera sey fe bout 3 hour straight him had fe put the peng peng inna waan kerosene pan a water wid nuff ice fe chry fe mek ie laydung...me sey day viagra ting mussi ketching caa Remo him come wid waan tory bout him beg dackta fe double dose cause him did get nuff pramises and poo ting mussi nay kno sey dat pramise is comfut to a fool so de next wi kno im end up back a dackta wid him han inna sling cause Mrs Palmer and har five fren dem had to werk ova time...
Mi sey mi was so bexted on Chewsday dat ie nnoh funny...mi ha mi good good chread wey mi did a lay wait Miss Powell and MarieK fe get some feel up and some people wey noh ha no brawtupsy come in dey wid dem rum bar dat dem nat even did ha licence fa and stawt serve dem likka and a sing sey In Heaven there is no beer das why we drink it here and when we are gone from here our friends will be drinking all the beer. ...den Nunya she go get a knock pan har door when she open it noh a man tan up dey and she had de man speechless cause har titty dem did tan to attention...das all tghe man coulda do is stare....she did even got har poor puss horny wid dem brestis looking so perky...she even got caughted when she was travelling around boawd lane and she even tried to runnded.
Dung a G2 shap is business as usual but Granny noh get waan pieca a jilappy and she staawt lack shap 5 mins earlier wha mi want fe kno if she soon staawt lack ie earlier dan usual...the chrismus tree dung a de shap a get more stochious dan eva,,,ie ha presents unda it but mi noh see no name pan dem...so mi cnai imagine sey some people a go dung dey go teef dem
Pengeleng was the talk a de town when Nunya decide she was gwine creat the ideal man fe G2 mi sey nat fram I was bawneth mi nay see a set a people love pengeleng so...casue fram dem stawt fe buil him das de fuss ting dem ask fah.
All the people were singing when titanic going when titanic going down..singing Nearer My God To Thee...well X mammy was going to Jamaica fram new Yawk and when de plain dip so and ie rack so dem stawt a Holy Ghost Pentecostal Church a Gad Pocomania prayer meeting...dem rebuke every known evil mi sey eberrybady pan dat dey flite tun Christian and became Holy dan tho....go see how some a dem tell Gad sey dem nat going back pan a plane again....and how some a dem nah go lie and teef again if Gad ongle mek de plane lan wid dem a jamaica safely....
Cent, Five Cent, Ten Cent, Dalla, Cent Five Cent , Ten cent dalla...figet bout the small change ab gi mi big mioney whine..gimme dalla gimme dalla gimmi dalla, de dem ha bogle and den de buttafly but tan a nay dem dance LadyZ and Sharee did a do wid Championgirl a tell dem wah fe do
...dem wenna do do sum dance call wash wash, shelly belly, pon de ribba mi noh kno wey dem kinna dancin dey come fram...wha happin to ska and rack steady and mash potato all now mi noh know a who did win da kantess dey but as mi sey a so mi get mi geet to unno and memba mi is nat liad.Mi wi ketch unno nexx week.
if we get permission [img]/forums/images/graemlins/laugh.gif[/img]
[img]/forums/images/graemlins/704555_dwl.gif[/img]
((((SS)))) 
Comment