trip report

[Hush Darlin]

Re: trip report

<div class="ubbcode-block"><div class="ubbcode-header">Originally Posted By: Queen_of_d_A</div><div class="ubbcode-body">oh highlight a mi vacation - mi nearly drown mi seh enny how mi did drown u see mi cuss kurlie. i wudda come back as a duppy an classs har up yuh see she lucky, but di near death experience was worth it cause di hands dat save me was oh so devine.........

u see afta di man save mi an cyaarrry mi tuh safety him han dem feel so good mi wenna contemplate chuck off back inna di wata but mi tink it wudda look suspec

it was di bess near drown experience i eva eva had </div></div>
now mi kno sey u certified

[Peasie]

Re: trip report - funny as heck

Queenz, I am laughing so hard at your report!! Beg yuh do, poas di pickcha of dis renk lizzad

<div class="ubbcode-block"><div class="ubbcode-header">Originally Posted By: Queen_of_d_A</div><div class="ubbcode-body">mi figet di picture of di fiesty outa orda lizzad weh come perch up side a mi like seh him did gi mi liss a tings fi carry back fram farrin an him come fi dem ...

farrin lizzad nuh suh brazen but yaad lizzad dry eye no baxide</div></div>

[Wendy]

Re: trip report

<div class="ubbcode-block"><div class="ubbcode-header">Quote:</div><div class="ubbcode-body">farrin lizzad nuh suh brazen but yaad lizzad dry eye no baxide </div></div>

OMG Marie .. Now yuh mek mi waan write farin Lizzad vs Yaad Lizzad now Di way how yuh describe it mi dey yah a dwl soh til ..Remind mi a when mi granny use to cuss aff di fowl dem and dem naah move an shi get bex an tek sinting lick dem dung

All di line bout di investment in a yuh bady. Lawd a weak!

[Nylah]

Re: trip report - funny as heck

<span style="font-weight: bold"> mi figet di picture of di fiesty outa orda lizzad weh come perch up side a mi like seh him did gi mi liss a tings fi carry back fram farrin an him come fi dem ...

farrin lizzad nuh suh brazen but yaad lizzad dry eye no baxide</span>

'ere he is

[MarieK]

Re: trip report - funny as heck

Thank you Nylah - fi di record, mi nuh have time fi upload den download suh mi email di pics dem tuh nylah an she a post dem.

Ok suh mek mi gi unnu di full hundred pan di lizzad.

Suh mi arrive Decemba 25 and fram wat mi tell unnu earlier di wan Kurlie look like she have contacts inna homeland security cause somehow she fine out seh mi a lan a yaad show up an kidnap mi and cyarry mi guh ochi.

Suh mi reach an when mi reach wan big piece a cookin gwaan fry chicken rice an peas an soup a bwile inna wan big pat and Jacob a run roun di place. Suh mi tek mi cup a soup an dat was when mi eye him. him was slick and slender dawk complexion and him a eyes mi suh mi eyes him back mi see him kinda nod him head di way bro man use to pan martin as if tuh seh wats up suh mi nod back tuh him. Suh we a eyes we wan anedda an i'm wondering if we have met before and if so where.

suh him saunter ova tuh mi an mi back up cause him strange to mi. him stawt circle me as if him a tek inventory suh mi clench mi fiss cause mi know it was gwine be an all out fite wid mi an dis dutty lizzad in yah tideh.




more to come

[sistactry]

Re: trip report - funny as heck

(((((MK))))) what a gwaan, larks man, mek u dash me whey so,

me cant wait fe see pics~~

[Peasie]

Re: trip report - funny no rahtid

A wah Jacob put in yuh cup a soup, missis? Hurry up come tell wi wat di lizzad do nex!

[Hush Darlin]

Re: trip report - funny as heck

<div class="ubbcode-block"><div class="ubbcode-header">Originally Posted By: Queen_of_d_A</div><div class="ubbcode-body">Thank you Nylah - fi di record, mi nuh have time fi upload den download suh mi email di pics <span style="font-weight: bold">dem</span> tuh nylah an she a post <span style="font-weight: bold">dem</span>.



more to come </div></div>
all i see is one degge degge picture and u a tawk bout <span style="font-weight: bold">dem</span> a mussi Compray teach you fe count noh
plus is ongle the lizaawd oem mi see how come u noh dey beside him

[Nylah]

Re: trip report - funny as heck



BOAL

[JAmerican Ooman]

Re: trip report - funny as heck

<div class="ubbcode-block"><div class="ubbcode-header">Originally Posted By: Queen_of_d_A</div><div class="ubbcode-body">him was slick and slender dawk complexion and him a eyes mi suh mi eyes him back mi see him kinda <span style="font-weight: bold">nod him head di way bro man use to pan martin as if tuh seh wats up suh mi nod back tuh him.</span> Suh we a eyes we wan anedda an i'm wondering if we have met before and if so where.

</div></div>



ONLY IN

[Nylah]

Re: trip report - funny as heck


cause this here gyal is confusing me with the hired help, here are some of her pictures from JA



Jakkie Poo

[Hush Darlin]

Re: trip report - funny as heck


mi looking at dis picture closely of mi can see de lizaaws beside ar an mino seem

[MsExced]

Re: trip report - funny as heck

Wow Jacob grow big eeh

[MarieK]

Re: trip report - funny as heck

<div class="ubbcode-block"><div class="ubbcode-header">Originally Posted By: Ms Exced</div><div class="ubbcode-body">Wow Jacob grow big eeh </div></div>

him grow big but him still love sleep pan mi belly, mi finally ready fi admit seh mi spwile him rotten now mi cyaan laydung widout him climb pan mi belly an guh sleep mi a wanda how long him think him can keep it up fah.

Suh mi laydung hear him Auntie, mi a come lay dung pan di belly.

and di bway lan a yaad and 20 seconds afta him leff di airport him nuh chat nuttn name inglish.

hear him nuh auntie a bun an cheese an bag juice mi want

or hear him when him cuzzin a bad auntie a wah duh di wan rj him

him tell mi seh mi head big mi seh yuh mumma head big him seh no a fi yuh mumma head big him lucky him likkle baxide cute ennuh cho.

Suh him drop him come proudly show mi him scars and mi hysterical like wah............

[MarieK]

Re: trip report - funny as heck

<div class="ubbcode-block"><div class="ubbcode-header">Originally Posted By: SweetSsop</div><div class="ubbcode-body">
mi looking at dis picture closely of mi can see de lizaaws beside ar an mino seem </div></div>

sweetsop stap look pan mi sexy legs