Tweet
Quick advice fi di Dozen
with Ragashanti
HaaaaaaaaappY Neeeeeeeewwww Yeeeeeeeeeeaaaaaaarrrrrrrrrrrr!!!! Brap! Brap! Brap! A how mi happy suh? It's all about giving tanx fi live see di 12. Di Dozen. Fi real yow, wi know a nuff ppl drop out ina di 11, an if yuh a read dis dat mean yuh still deh ya a enjoy life inna di new Dozen (except di duppy dem weh love read mi column). So give tanx an seize di opportunity fi mek di Dozen di best year a yuh life.
Quick advice: fi di Dozen - stop blame oda people fi yuh failures an yuh crasses. Stop blame man, stop blame woman, stop blame di govament, stop blame police, stop blame obeah, stop blame bad luck, stop say a cause yuh salt, stop blame yuh neybour, an definitely stop blame satan! ANYTING weh happen to yuh inna da year ya will be because a CHOICES yuh mek. ANYTING! Suh mek BETTA CHOICES fi get betta results. Mek betta choices wid wat YOU CAN CONTROL an nuh kill off yuh self wid wa yuh cannot control. An if yuh mek different choices an still nuh get di results yuh waan, jus keep making anoda set a new choices an yuh wi notice say yuh life a improve. Jus doan keep making di same 2011 choices weh neva do nuttin fi yuh. Do supm different in order to get betta results. Betta choices fi di Dozen!! A dat wi say!!
Tambareen Fambily an all Mix Up massive big up unu self. An propa New Year respek fi all listeners pon Tambareen Radio ova Mix-Up Yaad (mixupyaad.com). Straight Shelliiings!!!
Awright, see three responses ya to di mix up wid di bredda weh a back him fist to him girlfriend's friend pitcha:
Serious Issue
Hi Ragashanti. Let me commend you on being real and exposing reality. As it regards that man using his woman's friend picture to masturbate, that I think is some real serious issue. The Pastor told the lady nothing was wrong with what her man did, that's because he's just as weak and probably has done worst than that.
If that man can do that with his girlfriend friend's picture, then he would have sex with his girlfriend's friend. The woman needs to decide if she will be watching that man 24/7 to see if he will cheat or she must leave him, because what he has done will stir up lots of doubts in her mind. What he did is no joke.
He kept passing compliments on her friend's pics and she should have realised that he has something going for her friend. Because if ever that man and the lady friend should be locked in the same house one night, either the man would rape her, or he would cheat once the friend seduces him. His actions are not healthy for a relationship, I think she should consider seriously whether she can continue with that man or whether she will take flight.
Typical man
Just being a typical man if I can say, lusting afta im woman fren. But this man got caught and now has to do massive damage control. In fact, he is failing and has come to be seen as a haunted brother.
Sick Man
Your STAR article dated 29.12.11 suggested that the man is definitely sick. If it was his woman behaving so, he would become erratic and murderous.
<span style="font-weight: bold">Some oda likkle Mix Ups </span>
<span style="font-style: italic">Mix Up Big Up to di woman weh lef har man an run gaan back to har PNP ex-man, jus because di PNP win di election.</span>
<span style="font-style: italic">Mix Up Big Up to di bunna woman who guh dash out har sittin gi a nex man pon election night because di married MP weh shi a sort out lose him seat.</span>
<span style="font-style: italic">Mix Up Big Up to di taxi man weh mek more dan $100,000 from a party pon election day a carry people guh vote. Aan di way how di money sweet him an how him grateful, him jus switch him vote an guh vote fi di same party weh hire him an pay him.</span>
<span style="font-style: italic">Mix Up Big Up to di politician dem weh nuh like mi an a fight mi, an call an write di Broadcasting Commission fi fight mi wen mi did deh pon regular radio - an watch deh now - unu lose unu seats. God naa sleep!!!!!</span>
Haaaaaaaaaaappy Neeeeeeeeeewwwww Yeeeeeeeeaaaaaaaaarrrrrrrr!!!!!
Di Mix Up dem a guh Tun Up fi di Dozen!!! Awoh!!
Reach Ragashanti at [email protected] or PO Box 5866, Liguanea PO, Kingston 6.