if Ashley is big enuff to be showing den how wen she

[evanovitch]

bwoy dis is like 'who shot JR' to rahtid...dem all a plot fi

Adam n Ashley ha di nerve fi seh to Victor dat all dis wudden did come bout if him wasn't so into him 'machinations'....no she almoss mek di housekeeper go jail fi whe she neva do...not a soul mention har except fi har grandson...

poor Adam, mi even a feel sorry fi him rite yah now

n Phyllis a go regret snooping wen dis baby ting bring S n N bak togedda n mi a wait fi see how maddix a go react wen she find out seh di baby she a help find is di one she a pass as har own

baxide fi real...a now dis nice fi real

[Yuriatin]

What Up Wid Adam?????

Can anybody tell me what’s going on with Adam?

I can’t quite figure this one out.

Did he donate a kidney or some other organ to that stranger from the diner?

How are they going to get the truth out of Adam – are they planning to torture him?

I<span style="font-weight: bold"> KNOW </span>they’re not going to kill him – they’re just making us try to <span style="font-weight: bold">THINK</span> they’re going to kill him nut we ll know there’s no way that’s going to happen.

What gives – anybody know anything ... ?

Baxcide - itta get sweet yah no ...

[evanovitch]

Mrs Newman , I want u to know the troot..u were not pregnant

u had a miscarriage&quot; sez the letter di doctor leff fi bi delivered to MRS Newman...now dere r sooo many dat Phyllis get di lady fi gi har di letta...

seems di doctor came to in di ambulance n eida write dis letta r smaddy eena di ambulance write it fi him..n u wan see di pristine stationery not to mention di straight an legible handwriting

ooohhhh Phyllis realise seh Ashley neva pregnant an all she seh was &quot;Faith&quot;...now she a run up to di cabin n now Adam still a deny everyting n seh dem treat him like outsider n set him up to fail,,,him seh Rave n Heather r hypocrite cause dem suppose fi uphold di troot

baxide, wen him done wid him speech, Victor clock him rassssssssta....now him Adam seh him a go tell dem everyting....

[evanovitch]

now Billy memba seeing Adam at di finaral home so dem seh

him really wikked fi tief smaddy ashes....Billy mek awfta Adam tru Adam seh Billy was grieving fi him niece n mek mistake...Nick want juss couple minits alone wid him n him wi mek him tawk...Adam still a deny everyting...now Rafe n Heather seh dem cannot be pawty to dis cause notten dem get by coercion can use a court...V tell dem fi leff n dem liff awf n V seh anybody else weh feel a way can leff

nobody else budge...

Phyllis a drive up wid Michael n realise dat Nick mite leff har again n tell M fi carry har home...she seh she tell him whitelie before she can again...blowwow....M seh him naw tun bak

[Nylah]

Re: now Billy memba seeing Adam at di finaral home so dem seh


watching the last little bit right now

[evanovitch]

Phyllis flik har bic unda di letta...did she r didnt she????

mi no tink mi can wait till tomarra evening...ohhh lawddddddd mi heaart full mi a tell u.....dem redeem demself wid dis..fi real....

[Nylah]

Re: Phyllis flik har bic unda di letta...did she r didnt she????


that's what I want to know! Did she or didnt she

[evanovitch]

Nylah

go up a books n read di excerpt from di vatican mistress...see if u wan fi borra it...truss mi wen mi seh di read is nice...

[Nylah]

Re: Nylah


ok, will do

[evanovitch]

Jack liss allllll Adam crimes an a poll each smaddy as to

wedda him guilty r not...mi mumah..dem really go rung n seh guilty but Sharon abstain...

so weh dem a go do...cho...mi did tink dem was gwine bring a syringe wid truth serum...now Billy a hole him n Nick a unbutton him shirt buttons

[evanovitch]

yessssssssssssssssssssssssssssssssssssssssssssssss ssss

Adam a lie seh 'if di baby is alive i wi go find har miself' wen Phyliss enta n seh ' u dont have to go far'

[evanovitch]

Nicky right fi ask &quot;wich Mrs Newman&quot;

den P go ovah go staan nex to Sharon so mi tink fi a minit she was gwine do someting but she seh ' is fi u Ashley&quot;

[evanovitch]

so now Ashley a agree wid Adam seh him deliva har baby

mmmmmmmmmmm

[evanovitch]

now everybody a look pon Ashley

now dem a ? Ashley...now she a memba wen she did fall dung aftaa Victoria ask har if she did fall dung r anyting...now she memba seh she did fall dung di stairs ...Nicky memba seh she go to di ranch n Adam tell har dat A gawn out to dinna wid Jack..now Ashley memba dat is di nite she did see Sabrina n she buss out wid,'It was u'...

i feel as if i have given birth to rahtid..finally

[evanovitch]

mi no tink mi heart can tek dis..Adam still a deny

now mi haffi a lissen to Ashley memories ....Jack now a seh dat him come visit n Adam wudden mek him go up deh to visit har...now dem a memba di bugs weh di likkel girl di find ovah di house...Adam seh dem fi memba dere was one in his room too....