When your kid seh dem e-hat yu

[Skelly]

So last night mi been sen dem pickney to dem bed from 7pm as usual. 9:30 mi drop asleep an jus wake fi hear dem a kin puppa lick inna di room an a laff an giggle. They had a busy weekend as did I (wuk 15 hour shift) so mi know seh dem wudda tiyad in di mawnin an mi did pop down. Mi threaten fi separate dem an sen one in the guest room to no avail. So mi call di younger one fi come inna mi bed cah mi was so tired mi cudden get up an physically liff her up fi put her in the spare room an mi know she wudda willingly come if mi call her this time. She did. Then bigger one start to scream and shoot off bout mi do diss all di time an me is di worse mother ever and she e-hat me an bere screaming an hollering. Mi never ha di strength but mi get up an gi her two clap pan her behine an tell her fi zip it an go sleep. She did not zip it but went into the angriest rant I have ever seen her do. Mi jus leff her an go mi bed cah mi was beyond exhausted. I caan even look pan her right yah now. Just stunned and have nothing to say.

[CeaBee]

Hush ((mommy))). This too shall pass

[Gen]

[RichD]

Just tell her sey yuh love her even if she don't love you.

[CeaBee]

I think he was about 3 or so when BB did tell me suh, cause him couldn't get him own way.

This is the boy that is usually very loving towards me. These days, sometimes him will look at me when me miserable and seh "you look like you need a hug" and give me one, and mi ... will turn to and ...

or when me sitting, doing something, him will come and out of the blue ask for a "huggie"

try nuh take it to heart skells.

[MsExced]

Hush no tek it to heart my Angel did tell me him not liking me right now, mi tell him me too and him have the nerve to say no hurt him feelings.

[Peasie]

Sometimes when dem over tired and hyper is soh dem gwaan. She doesn't mean it and you are her favorite person in the world

[blugiant]

Just tell her sey yuh love her even if she don't love you.

perfect advice mekk da yuth feel guilty ann tink bout wat shi sed

[blugiant]

So last night mi been sen dem pickney to dem bed from 7pm as usual. 9:30 mi drop asleep an jus wake fi hear dem a kin puppa lick inna di room an a laff an giggle. They had a busy weekend as did I (wuk 15 hour shift) so mi know seh dem wudda tiyad in di mawnin an mi did pop down. Mi threaten fi separate dem an sen one in the guest room to no avail. So mi call di younger one fi come inna mi bed cah mi was so tired mi cudden get up an physically liff her up fi put her in the spare room an mi know she wudda willingly come if mi call her this time. She did. Then bigger one start to scream and shoot off bout mi do diss all di time an me is di worse mother ever and she e-hat me an bere screaming an hollering. Mi never ha di strength but mi get up an gi her two clap pan her behine an tell her fi zip it an go sleep. She did not zip it but went into the angriest rant I have ever seen her do. Mi jus leff her an go mi bed cah mi was beyond exhausted. I caan even look pan her right yah now. Just stunned and have nothing to say.

ear iss oww mii use fe punish mii dawtah

mii pick out a book dat mii kno shi will ave chubble readinn ann den tell ar mii waan two pages hand written report pon itt. da grammer better be perfect cah mii will be carractinn itt

neva figgit wen shi was fifteen amm mii gave ar yurugu fe read ann shii ask mii waan mii doan beat at like ordinary parents instead aff torturinn ar widd awl da wukk

[Skelly]

Mi know mi know.
Mi caan believe a nearly 7 y o hurt mi feelings an mek mi waan cry so

[Skelly]

Sometimes when dem over tired and hyper is soh dem gwaan. She doesn't mean it and you are her favorite person in the world

Pickney hop off the bus all bright and cheery asking how mi day was and telling mi seh mi look beautiful. Tawk about bi-polar...

[CeaBee]

is a girl u nuh. them moody and sometimeish i hear.

[RichD]

Pickney hop off the bus all bright and cheery asking how mi day was and telling mi seh mi look beautiful. Tawk about bi-polar...

nuttin bi polar..is jus so children stay

yuh have plenty more fo those days to face so nuh mek it get yuh down...jus hug her up and carry on

[Tropicana]

I shrieked that at the top of my lungs to my mother when I was 14 because she wouldn't let me do whatever I want. Mi feel so shame when mi tink of it but I mentioned it to her a couple of years ago and she doesn't even remember it.

Likely you won't remember it either.

[blugiant]

Mi know mi know.
Mi caan believe a nearly 7 y o hurt mi feelings an mek mi waan cry so

guess yuh neva taught a class aff not so kindergarten yuths, ar furst ar second grade yuths. dat normal fe dem cah dat oww dem communicate widd each adder ann yuh affii learn natt fe tekk ting too parsanal. yuths dat age ar veree hanest ann will hurt yuh feelings ann ten minute later cum to hugg yuh. yuh affii xxplain to dem y dat natt a nice ting to sey cah dem wood natt waan sumwan fe sey dat to dem cah itt wood mekk dem feel badd. wen yuh xxplain itt itt dat way dem will gitt itt

itt a shame wii affii teach yuths to not be so honest bout oww dem reallee feel at dat moment

be gratefull wen mii dawtah was sixteen ann ar brother add summer school shi ask mii bout itt. mii tell ar dat itt ar maddar fault cah shi mekk imm watch too much tv, play too manee video games ann natt enuff studeeinn. mii told mii dawtah mii raised ar diffarantlee ann xxpected more fram ar. mii dawtah went bakk ann tell ar maddar wat mii sed ann ar maddar ring awf mii celleee ann a nagga nagga inna mii ear bout mii fii mind mii bizz. ask mii dawtah y shi went bakk ann tell ar maddar wat mii sed. shi sed shi wanted fe tell ar maddar da same ting butt neva wanted her maddar fe be angree widd ar.

girl pickneys ar a joke