People who "put on"

[Wendy]

Unu eva have a friend or relative who constantly “putting on and yuh jus tolerate fi tolerate sake? Well mi have fren who fram mi know har she takes over a conversation with this “been there done that” attitude and go as far as even drop Numbers of how much shi pay for things and the whole 9 yards. cyan shut har up when shi start

Ok bout 5 a wi go out dis weeken so when wi a head home mi go mention sey dere is a bran new plaza open up ina Annapolis where wi live and mi a describe some a di store wey in deh. Mi goh open up mi mout an sey dere is a Japanese sushi restaurant wey mi go peek in an it look nice an ambiance nice an ting an mi waan try it wan a dese days.

Here she as usual – “Oh Yes.. Mr man and I went there. It’s really a nice place ..you should really check it out”

Now as mi tell unu shi love fi drop numbas and always a try gwaan like shi been to places. So mi purposely ask her if it expensive cause mi already knew what was coming ... She: “Not really yuh noh ..depends on what yuh call expensive.. we tried a lot of dishes and it was <span style="text-decoration: underline">only</span> $200 between Mr Man and I”

So mi roll mi yeye an har ask “Wey di place name?”
<span style="font-style: italic">Silence</span>
.
.
.
Hole on give me a minute.. (shi tun roun to mi odda fren) ..Weh di place name again Robin? Robin sey shi noh know.. Den shi sey shi ago ask har husband and get back to mi cause shi noh Memba

People – Di place name <span style="font-weight: bold">Ziki Japanese Steakhouse</span>. So hear how mi ago sheg har up now. Mi sey to har Mi tink di place name start wid a “R”.. hear har jump up “Yes Yes Yes .. A “R” Reeeee someting aneda”.

Mi neva expec fi loose mi cool ina di moment but I did. Mi yell “XXX Tap di blastid lie yuh neva goh deh..Yuh too dam lie!” Di res a mi girlfren dem BOAL and DWL til yeye wata a come dung a dem face . Come in like dem did glad sey mi do it cause dem did a pick up sey a lie shi a tell

Mi neva mean fi embaraass har but good Gad a ova 15 years shi gwaan wid dis air about har an mi jus tink is time fi call har out! Too dam nuff man! How hard it is fi admit sey yuh neva go somewey yet. If yuh tell har sey yuh ago a Mount Tampax shi tell yuh sey shi been dere when nutten noh goh soh. Mi cyan tek it man.

Mi noh tink shi ago waan girls night out wid mi ina long while. Oh well a soh life goh

[Gen]

Re: People who &quot;put on&quot;

err wendy, yuh friend use twitter, mind she nah read yuh post pan twitter enuh


and yes a time fi call har out pan it

[kia027]

Re: People who &quot;put on&quot;

tell de troot it did feel good once you tell ar fi stop lie dont it

all in all you may have done a good thing.. cause her to think about herself along the lines of .. you can fool some people some of the time

[RichD]

Re: People who &quot;put on&quot;

so she cry?

[Wendy]

Re: People who &quot;put on&quot;

<div class="ubbcode-block"><div class="ubbcode-header">Originally Posted By: Gen</div><div class="ubbcode-body">err wendy, yuh friend use twitter, mind she nah read yuh post pan twitter enuh


and yes a time fi call har out pan it </div></div>
Holy crap!
A joke ..no ..shi noh into dem tings dey ..plus if she did mi woulden care.

Her behavour come in like dem serial murderers ...when dem get away wid wan an 2 murders dem noh know when fi stap..dem jus keep going and going and appear to get a high off a it

[Wendy]

Re: People who &quot;put on&quot;

<div class="ubbcode-block"><div class="ubbcode-header">Originally Posted By: Kia</div><div class="ubbcode-body">tell de troot it did feel good once you tell ar fi stop lie dont it
</div></div>

LOL.. Like mi sey on one han mi feel bad fi har but at di same token a shi cause it. If shi neva soh blinking lie and a put on. Mi really noh like embarass people ..dats why yuh si all dese years mi jes shet mi mout an noh sey nutten But c'mon I have just had enough :bexbad

[Wendy]

Re: People who &quot;put on&quot;

Rich ..shi neva bawl enoh ..But I suspected shi had to complain to smaddy wey mi sey. Oh Well. But fi di res a di ride home shi was quiet. Dat noh easy fi do when it come to har mout an di hole heepa &quot;me dis and I dat&quot;

[dearjohn]

Re: People who &quot;put on&quot;

Your friend sounds like a pathological liar?

[Suesumba]

Re: People who &quot;put on&quot;

she's no longer my friend - because not only was she very pretentious &quot;we vacationed in the islands&quot;. *cue faux english accent* (this was done around the mostly white parents -- our kids went to the same school).

she was very gossippy about every woman we'd see on the street as in: &quot;yu si da gyal deh shi .... awff every man eeena .... band&quot;. these were people i didn't even know

[missus_vegas]

Re: People who &quot;put on&quot;

<div class="ubbcode-block"><div class="ubbcode-header">Originally Posted By: Gen</div><div class="ubbcode-body">err wendy, yuh friend use twitter, mind she nah read yuh post pan twitter enuh


and yes a time fi call har out pan it </div></div>

[Peasie]

Re: People who &quot;put on&quot;

<div class="ubbcode-block"><div class="ubbcode-header">Originally Posted By: Wendy</div><div class="ubbcode-body">Mi neva mean fi embaraass har but good Gad a ova 15 years shi gwaan wid dis air about har an mi jus tink is time fi call har out! Too dam nuff man! How hard it is fi admit sey yuh neva go somewey yet. </div></div>

You've put up with your friend's one-up-man-ship or pathological lying for a long time, 15 years, and then you just snapped and embarrassed her in front of mutual friends. Sorry, that was harsh. I would have apologized to her right away, and then to the other friends.

[Hush Darlin]

Re: People who &quot;put on&quot;

dem kinda people dey all bout the place Wendy
some dey yah to

[Wendy]

Re: People who &quot;put on&quot;

<div class="ubbcode-block"><div class="ubbcode-header">Originally Posted By: SweetSsop</div><div class="ubbcode-body">dem kinda people dey all bout the place Wendy
some dey yah to </div></div>

I hear yuh Sweets

[Wendy]

Re: People who &quot;put on&quot;

Ok Mi wi goh apalogize .....<span style="font-size: 14pt"> NOT!</span>

She was building a deck to her house ..she had to give everyone around the details. She said she was building the &quot;benz&quot; of all decks.. and she was going to take $20,000 out of her savings pay for it. And by the way she can accumalate that back in 6 months!! Unu si how dis girl wicked an lie. Not to mention someone offered to do it for $14,000 but she was impressed with the contractor's &quot;drawings&quot; that she will pay the extra 6 gran. (Lawd have mercy \o/)

Well the deck done and it's nice but if she truly spent $20,000 on it she should ask fi 50% back of har money . That is Not a $20,000 deck. Fi dat money mi waan wan shade fram di sun an couple stoosh lights and even wan bench **aah sah**

[mountaingal]

Re: People who &quot;put on&quot;

still don't understand why her ways made u so angry to the point where u had to call her out like that.

a u friend, don't, and a just so she tan? and even if she pretentious nuff it no really affect ur life negatively as such. or does it? is not like pretentiousness is a harmful quality like gossip or backstabbing.

i kinna see with peasie on this one.