Di nevva endin rhyme time

[churchgirl]

Re: Di nevva endin rhyme time

Tank yuh fi di infamayshan deh Ms. Grass
A leff Tiffy to him fi bus him bahine (a weh yuh tink mi did a guh seh) [img]/forums/images/graemlins/laugh.gif[/img]
Mawsa gad mek wan man fi wan ooman
And dem gyalis man yah waa come mess up him plan. [img]/forums/images/graemlins/mad.gif[/img]

[msportmore]

Re: Di nevva endin rhyme time

Originally posted by churchgirl:
[qb]Tank yuh fi di infamayshan deh Ms. Grass
A leff Tiffy to him fi bus him bahine (a weh yuh tink mi did a guh seh) [img]/forums/images/graemlins/laugh.gif[/img]
[/qb]

~BOAL~ I were shack ~DWL~

[Long Wood]

Re: Di nevva endin rhyme time

Forget that MP, I do it my way baby!!!

[Tiffony]

Re: Di nevva endin rhyme time

Finally smaddy wey nuh watah gwan
Mi an bandi naah deal atall
But since im tek mi nayme fi trash
Bring im come yes, mek mi buss im...

Wat ah trial pon lawd
Mi shoulda neva leff mi yaad
Cawse one time mi did knoa as sure as dere is ah gaad
Jamaicans.com ppl, dem mad like shad. [img]/forums/images/graemlins/tongue.gif[/img]

[chickie]

Re: Di nevva endin rhyme time

so Dahjah weh yuh as seh
caw me know seh Bandi juss haffi seh feh
me did tell yuh bout di gyal Tiffy
seh she move like she witty
but all di same unno hurry up
and clear Churchy gate
caw all a dis mix up juss a mek di I late
fi do deal wid Brukky case [img]/forums/images/graemlins/wink.gif[/img]

[churchgirl]

Re: Di nevva endin rhyme time

Heh-heya now..tory come to bump
Weh yuh seh Chickie..yuh a guh gi Brukky wan big tump
Come yah likkle missis..come choo di gate
Mikase an tell mi di tory 'fore yuh run too late

[chickie]

Re: Di nevva endin rhyme time

Churchy me seh deal wid him case
me neva seh buss up him face
a me one an ongle baby fada
and me luv him more dan any odda
so nuh badda drap me inna di mix up
me gawn go fix up
caw layta me have a date
and me nah go late

[neutral]

Re: Di nevva endin rhyme time

neutral jussa a come een even dough mi late
shoulda know fe lef out de corna an juss tek de straight,
but mi deh yah same way a jine in pon de rhyming ting,
a whole heap a poetry a gwaan een yah,lawd what a sinting.

[churchgirl]

Re: Di nevva endin rhyme time

Awrite Ms. Chickie..mikase an guh home
One ting dowe yuh hair yuh mus comb
Yuh cyaa guh pan date lookin too shabby
Oh..an wan more ting...mek sure yuh wear baggy [img]/forums/images/graemlins/laugh.gif[/img]

Nuetry mi bwoy rope een sed speed
Mi know yu is a man weh can bring di poetry wi need
Jus tek time wid wi and di rhymin
Cause yuh is a man weh well lyrical an ting

[neutral]

Re: Di nevva endin rhyme time

wah yu seh churchy,shi muss no lef har batty outa door,
shi muss trow awn a g tring baggy weh look hardcore,
sinting weh fe mek de man dem bawl out,
buy yu rum cream an ting,..chat bout!! [img]/forums/images/graemlins/tongue.gif[/img]