Mi memba when

[Capitall]

a evelin time wen mi use to relax unda di banana tree a beat a guinness an wach peeny wally a fly by an di woods jes look pretty pretty [img]/forums/images/graemlins/smile.gif[/img] an yu hear yabba mout mavis a chat peeple biz ova desuh an johnny ova desuh wid sharon a try rooks har off an furda ova yu hear "tek lick bwayy" fram di domino genus dem an cow a moo an all sorta nize. wen mi hungry mi jes pick 2 mangoe an tief missa charlie jackfruit an an nyam till mi belly buss , if mi teet waan clean mi jes nyam cane fi kip dem shine [img]/forums/images/graemlins/laugh.gif[/img]

ow mi miss di woods an di freedom dat cum wid it *sigh*

[bandido1]

Re: Mi memba when

Mi a tell yuh, Maas cappy! Mi lang fi dem dayz deh enuh! [img]/forums/images/graemlins/frown.gif[/img] [img]/forums/images/graemlins/frown.gif[/img]

[Capitall]

Re: Mi memba when

yu haffi guh bak nuff times den Bandi an nuh guh a town jus chill wid di cow dem [img]/forums/images/graemlins/smile.gif[/img]

[britisha]

Re: Mi memba when

Originally posted by Capitall:
[qb]yu haffi guh bak nuff times den Bandi an nuh guh a town jus chill wid di cow dem [img]/forums/images/graemlins/smile.gif[/img] [/qb]

A chroo yuh a talk Cappy, all now di fog wudda jus a cum cross di hill, pan di verandah. All mi haffi duh a drag awn wan ole watah boot and gouh "cum cum cum" and throw kaawn gi mi chicken dem. Meanwhile some ackee jus a guh "poko poko pan di fyah"; if mi noh mine shaawp, mi need two brick fi hole dung di patcova. But dat still awrite, for no odda paradise cyaaan beat di feeling whey mi wudda hexperience.

[bandido1]

Re: Mi memba when

Me is a bawn cuntry man, Caps! Laas ere mi wus up eena de hills a St Mary chillin wid de bredren dem. Wi cook an jrink nuff beer an reminisce bout de ole dayz. Aaiie sah!

[Capitall]

Re: Mi memba when

Originally posted by britisha:
[qb] gouh "cum cum cum" and throw kaawn gi mi chicken dem.[/qb]

wen yu seh dis mi memba mi granny a tel mi how fi do it fi mek di fowl come fi feeding .. sed way [img]/forums/images/graemlins/laugh.gif[/img]

[Capitall]

Re: Mi memba when

Originally posted by bandido1:
[qb]Me is a bawn cuntry man, Caps! Laas ere mi wus up eena de hills a St Mary chillin wid de bredren dem. Wi cook an jrink nuff beer an reminisce bout de ole dayz. Aaiie sah![/qb]

it mussi did nice eeh? mi use to tracks a highgate wid dem bwaay deh guh look .. tings [img]/forums/images/graemlins/laugh.gif[/img]

[chickie]

Re: Mi memba when

Cappy me granny cuntry nice cyaan dun but wah day me go dung deh and it look like choo dem have electricity now di peenie wallie dem migrate caw a di look me alook fi see one me nuh find none [img]/forums/images/graemlins/frown.gif[/img]

[bandido1]

Re: Mi memba when

Originally posted by Capitall:

it mussi did nice eeh? mi use to tracks a highgate wid dem bwaay deh guh look .. tings [img]/forums/images/graemlins/laugh.gif[/img]

Hehehehe! Nice cyaan dun mi a tell yuh!

BTW Chickie a troo yuh a tawk bout de peenie waalie dem! [img]/forums/images/graemlins/laugh.gif[/img] [img]/forums/images/graemlins/laugh.gif[/img]

[Capitall]

Re: Mi memba when

Originally posted by chickie:
[qb]Cappy me granny cuntry nice cyaan dun but wah day me go dung deh and it look like choo dem have electricity now di peenie wallie dem migrate caw a di look me alook fi see one me nuh find none [img]/forums/images/graemlins/frown.gif[/img] [/qb]

dem migrate? mussi troo dem cyaan compete wid all dem brite bulb deh [img]/forums/images/graemlins/laugh.gif[/img]

[chickie]

Re: Mi memba when

yuh seet to Bandi

Cappy di competition too trang fi dem it look like [img]/forums/images/graemlins/laugh.gif[/img] [img]/forums/images/graemlins/laugh.gif[/img]

but one ting me love bad bad bout dung a cuntry di people dem kind so till..... lass time me cuntry and sidung pon mi granny verandah wan ole man bout 90 years ole cum up di road a ride him donkey and di hampa dem full a fruits and him tap a we gate and tell we fi cum tek wah we wan... lawd a nyaam mango till me belly soft [img]/forums/images/graemlins/laugh.gif[/img]

[Capitall]

Re: Mi memba when

Originally posted by chickie:
[qb]... lawd a nyaam mango till me belly soft [img]/forums/images/graemlins/laugh.gif[/img] [/qb]

dis a real ole cuntry talk fi choo [img]/forums/images/graemlins/laugh.gif[/img]

[afer]

Re: Mi memba when

Mi waan gu home

[longroadbwoy]

Re: Mi memba when

unhu a talk fi mi language iyah. Mi a reminis bout country life a jamaica nuff lately. Every ting mi memba juss heavenly fi mi, even times wen mi almost dead by choking pan tuff dumplin and ginep seed. a' tree times a year mi a go back now! mi cah stea weh too lang!

Mi juss did a read all weh unhu a seh an mi yeye dem almost full up wid wata to raatid!

[jamirish]

Re: Mi memba when

lawd..mi nuh stop bawl.....St Mary a fi mi pastures.. Hampstead mi waan guh now now now....but wait.. mi haffi memba mi fren dung a Central Village..bwoy mi miss yaard baaaaad!!!!!!