WWBPeople - ChurchGirl

[churchgirl]

Re: WWBPeople - ChurchGirl

Originally posted by Ctry:
(((Churchy)))

what a gwaan maam, a long time me a see u bout de place yaa eno, so how did u find dis website.., and wha mek u stick to it..,

Mi deh bout man..but yuh dun know mi is a ooman of few words. Mi nuh memba specifically how mi come bout it enuh. Maybi some kina search an den mi did a read an mi a tell yuh di way mi did glad fi si how di patwa a flow mi jine up few days lata.

A guess di ting weh mek mi stick roun a bcs mi nuh ketch up inna di susu-susu, di jokes and di free flowing patwa. [img]/forums/images/graemlins/laugh.gif[/img]

also, wha kinna church do u go to..., ???

Han-clapping, foot-stomping, ketch-inna-spirit-dancing, tambourine beatin pentecostal church. Oh..mi figgat di tongue-talking. [img]/forums/images/graemlins/laugh.gif[/img]

[sistactry]

Re: WWBPeople - ChurchGirl

Originally posted by churchgirl:
[qb]

Originally posted by Ctry:
(((Churchy)))

what a gwaan maam, a long time me a see u bout de place yaa eno, so how did u find dis website.., and wha mek u stick to it..,

Mi deh bout man..but yuh dun know mi is a ooman of few words. Mi nuh memba specifically how mi come bout it enuh. Maybi some kina search an den mi did a read an mi a tell yuh di way mi did glad fi si how di patwa a flow mi jine up few days lata.

also, wha kinna church do u go to..., ???

Han-clapping, foot-stomping, ketch-inna-spirit-dancing, tambourine beatin pentecostal church. Oh..mi figgat di tongue-talking. [img]/forums/images/graemlins/laugh.gif[/img]

[/qb]

yes me girl...., a tink a de patwa flow ketch me too, DWL [img]/forums/images/graemlins/laugh.gif[/img]

Pentecostal..., ok, a Church of God church me go.., so me know de feeling well.., [img]/forums/images/graemlins/wink.gif[/img] [img]/forums/images/graemlins/laugh.gif[/img]

one day i hope to be saved like u, I am working on it doe, but not like I should.., [img]/forums/images/graemlins/frown.gif[/img] have too much dutty habits fe let go of.., u haffe Pray fe me yaa babes, [img]/forums/images/graemlins/wink.gif[/img]

[churchgirl]

Re: WWBPeople - ChurchGirl

lol..Mi know bout di bad habits Ctry. Truss mi dowe, when God get ready fi move man yuh haffi move. [img]/forums/images/graemlins/laugh.gif[/img]

[mountaingal]

Re: WWBPeople - ChurchGirl

jussa see dis. (((churchgirl))) wat a lovely pic!

me deh pon deadline, wen me done me come wid some questions fe you, miss churchgirl.

[jahlive]

Re: WWBPeople - ChurchGirl

Churchy as soon as mi si di pickcha mi know sey a yu..

My questian is Wen wi a go out pan wi date???? [img]/forums/images/graemlins/laugh.gif[/img]

[churchgirl]

Re: WWBPeople - ChurchGirl

Originally posted by jahlive:
[qb] Churchy as soon as mi si di pickcha mi know sey a yu..

My questian is Wen wi a go out pan wi date???? [img]/forums/images/graemlins/laugh.gif[/img] [/qb]

BOAL!!! Yuh memba dat?! Mi a deh your way summa suh watch fi mi. [img]/forums/images/graemlins/wink.gif[/img]

[ackeegirl]

Re: WWBPeople - ChurchGirl

hello Sista Churchgirl..mi love yuh picture because yuh is so photogenic!

I would like to ask you if you were ever married or do you have any children?

Would you date someone you meet online?

Are you currently dating anyone?

As a christian do you truly love everyone?

...mi soon come back wid some more [img]/forums/images/graemlins/laugh.gif[/img]

[Legend]

Re: WWBPeople - ChurchGirl

[QUOTE]Originally posted by Ctry:
[qb] [QUOTE]Originally posted by churchgirl:
[qb]

Originally posted by Ctry:
have too much dutty habits fe let go of.., u haffe Pray fe me yaa babes, [img]/forums/images/graemlins/wink.gif[/img] [/qb]

yes dats chroo mi nuh know wah mek yuh carry a ja.com memba go a church yuh nuh know seh she is no good o/

Churchy, a hear yuh pan di church dawlin

What was the hardest obstacle you faced/thing to give up after becoming a christian.

Also, what made u make the decision

How long yuh deh pan ja.com

[churchgirl]

Re: WWBPeople - ChurchGirl

Originally posted by ackeegirl:
hello Sista Churchgirl..mi love yuh picture because yuh is so photogenic!

Tonks dear. *head stawt rise like yeas inna flour [img]/forums/images/graemlins/laugh.gif[/img] *

I would like to ask you if you were ever married or do you have any children?

Never been married and I don't have any kids

Would you date someone you meet online?

Oooo..good question..*tinking..Let me preface by saying that I'm a conservative and reserved person. I would have to build up a rapport and get to know that person (not just online) for quite some time before it even gets to the dating stage.

Are you currently dating anyone?

No I'm not

As a christian do you truly love everyone?

BOAL!!! God love di trute nuh chue? lol. Lets just say I'm striving to get to that plateau.

...mi soon come back wid some more [img]/forums/images/graemlins/laugh.gif[/img]

[sharee]

Re: WWBPeople - ChurchGirl

Hey (churchgirl)...i knew it was you, but anyway mi waan aks yuh ongle a few kwestians:

how's life since yuh been saved?


if yuh cyan change anyting inna yuh life whey would it be?


an'...whey yuh enjiy moas bout ja.com?

[churchgirl]

Re: WWBPeople - ChurchGirl

Originally posted by Legend:
What was the hardest obstacle you faced/thing to give up after becoming a christian.

Clubbing/Dance [img]/forums/images/graemlins/laugh.gif[/img] Girl a did love a reggae music suh till. Yuh did fi ketch mi pan Friday an Satdeh nights inna di Bronx a Act III. 'Spechally when dem use to sen out di free pass dem. Yuh know some ppl guh club fi guh look smaddy, smoke, drink etc. Nat mi. Mi did ongle waa hear di music. Di entiya night mi deh pan di floor till mi back an foots dem hat mi. [img]/forums/images/graemlins/laugh.gif[/img]

Mi remember about a year afta mi get saved, mi jab did a have a Christmas pawty and mi guh. Girl chile..heh-heya..who deh pan di dance floor big an broad? Nuh mi. Di nedda mawnin nuh ask ef mi nevva did haffi puddung some praya an ask fi figiveness. But praise God fi reggae-gospel now. [img]/forums/images/graemlins/laugh.gif[/img]

Also, what made u make the decision

I was going to church before I even knew myself. After I migrated from JA I came to live with my dad and step-mom who never attended but mek sure seh mi an mi bredda guh till wi tun big. After about 7 years of not going to church I started feeling a void. I even remember saying to myself 'but look how yuh a galang like seh yuh nuh know a who name God'. I moved to the Midwest with the intention of becoming a 'churchgoer' not being saved, but as mi tell Ctry, when God get ready fi move yuh jus haffi comply. And trust me the void was filled.

How long yuh deh pan ja.com

3 years this month.

[churchgirl]

Re: WWBPeople - ChurchGirl

Originally posted by sharee:
Hey (churchgirl)...i knew it was you, but anyway mi waan aks yuh ongle a few kwestians:

how's life since yuh been saved?

Life's been great..yeah right. [img]/forums/images/graemlins/laugh.gif[/img] People seem to think that once a person's save things turn around automatically. Yuh get rich, good health..etc. NOT SO! I've been very blessed all my life and it actually took being saved to realize that. And when I say blessed I don't mean financial wise necessarily. I struggle with paying the bills sometimes too.

But one thing I can say is that I've learned to become content and I don't worry. I haven't always been at this level but thank God, he's opened up my eyes to see that if I can't fix it then why worry about it.

if yuh cyan change anyting inna yuh life whey would it be?

To have completed all my college education when I was younger and mi parents did a help pay fi it. [img]/forums/images/graemlins/laugh.gif[/img]

an'...whey yuh enjiy moas bout ja.com?

Definitely di jokes. Sometimes mi deh a work an dis a smile in front a di 'puta suh like please puss.

[Diplomat]

Re: WWBPeople - ChurchGirl

Churchgirl: Love your testimonies and the fact that you are so real. Nice pic too [img]/forums/images/graemlins/smile.gif[/img] . Blessings.

[churchgirl]

Re: WWBPeople - ChurchGirl

Thank you so much CEW.

[tuffstuff]

Re: WWBPeople - ChurchGirl

wen u going to turn churchooman? wah kinda werk u do fi a grin up inna di ppl dem orifice suh? u marrid or have such intenshan? how u deal wid dating seen as u nuh guh club and ting-- weh oonu guh park, starbux, church social, libary? ow much pickney u want to have?