Mek wi walk dung memry lane likkle nuh?

**Chrissy72** · 02-02-2004, 07:39 PM

Re: Mek wi walk dung memry lane likkle nuh?

Remember the days I used to buy cup cakes and chew the lil paper that wrapped the cake...swallow trait ammi belly [img]/forums/images/graemlins/laugh.gif[/img]

Remember the days when cheeze trix didnt eat whole, we haffi crush them to crumb and eat with spoon sometimes (but cyaa mek mi granny see) and lick the bag clean of all its contents. National cheeze trix who memba dem? [img]/forums/images/graemlins/laugh.gif[/img]

**Jaysan** · 02-03-2004, 04:21 PM

Re: Mek wi walk dung memry lane likkle nuh?

Talkin bout school.
Who memba Children's Own Paper?

Like smaddy seh, some a wi did ongle have 2 pair a shoes - school an church - Yu memba when di school shoes mash up an yu madda seh yu haffi go "barrow" di church shoes fi wear go a school till yu get a new school shoes? [img]/forums/images/graemlins/blush.gif[/img]

**bandido1** · 02-03-2004, 04:41 PM

Re: Mek wi walk dung memry lane likkle nuh?

Who memba Gizzawda? Miss Gyatta use to sell dem outta de school gate!

**bandido1** · 02-03-2004, 04:44 PM

Re: Mek wi walk dung memry lane likkle nuh?

Mi granny use to mek duukoonu or sumtime dem call ie tiya leaf. [img]/forums/images/graemlins/laugh.gif[/img]

**Jaysan** · 02-03-2004, 04:54 PM

Re: Mek wi walk dung memry lane likkle nuh?

Originally posted by bandido1:
[qb] ...use to sell dem outta de school gate!

[/qb]

LAWKS!!! [img]/forums/images/graemlins/704555_dwl.gif[/img] Yu memba di pandemonium outta school get before school, during breaks time an lunch time an afta school...di pickney dem a bawl out dem orda at di top a dem lungs [img]/forums/images/graemlins/704555_dwl.gif[/img]

Den when mi did deh a primary school, di sella dem did haffi sell chroo di fence during lunch time cause dem cyaan come eena di school...yu waan si wi a push wi likkle han dem choo di fence [img]/forums/images/graemlins/704555_dwl.gif[/img]

Not to menshan wen yu go a di school canteen fi buy yu lunch

Yu haffi bawl it out an keep bawling out till smaddy get to yu: "WAN PATTY AN A BAKS JOOSE!!! WAN PATTY AN A BAKS JOOKS!!! WAN PATTY AN A BAKS JOOSE!! [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

**babydoll** · 02-03-2004, 04:55 PM

Re: Mek wi walk dung memry lane likkle nuh?

Originally posted by Shandra:
[qb] Babydoll:
Did they pack your food in the four level "carrier"?
Rememeber those? The sort of semi-aluminium containers stacked one on top of the other for carrying food to the fields?...aka carry food go ah groun'
SOmehow de food did really tas' nice eena dem. [/qb]

Girl, it was some container -- I don't remember now but it did taste good - lol.

I am from trelawny so we would cook a gung - lol. My grandmother would take the chicken, flour, etc... and put on pot dung and staat cook di same time di man dem a work.

u eva have roast bird, now that is gooood - lol

**Night Nurse** · 02-03-2004, 05:28 PM

Re: Mek wi walk dung memry lane likkle nuh?

Originally posted by AshamJ:
[qb] ...Like smaddy seh, some a wi did ongle have 2 pair a shoes - school an church - Yu memba when di school shoes mash up an yu madda seh yu haffi go "barrow" di church shoes fi wear go a school till yu get a new school shoes? [img]/forums/images/graemlins/blush.gif[/img] [/qb]

[img]/forums/images/graemlins/blush.gif[/img] [img]/forums/images/graemlins/blush.gif[/img] Memba di wite krepp dem whe EVERY picknie had to get fi PE? [img]/forums/images/graemlins/confused.gif[/img]

Well mi memba wan pair whe mi di have fi bout chree year. Everybady kno sey mi grow outta it hexcep mi fadda (mi madda did dey a farrin).

Wan day we had netball game gense di different "house" dem (Saturn, Pluto, Venus, Mars) and mi did inna Saturn.

Since mi neva had no adda krepp, mi had to wear di tight wan wid di toe pint push out fi play centa. Wen mi get di ball, hear everybady stawt chant, Gooo TOE PINT Goooo. Yaaah beg bred. [img]/forums/images/graemlins/mad.gif[/img]

Mi neva really tink sey a mi dem did a chat to til wen wi tek a break an mi go fi go tie mi shoes lace and see sey di whola mi BIG toe outta doe. [img]/forums/images/graemlins/mad.gif[/img]

Di shakkin ting is dis. Mi had on a pair a blue socks, an mi toe was still outta doe

Aye Sah!!!

**Jaysan** · 02-03-2004, 05:39 PM

Re: Mek wi walk dung memry lane likkle nuh?

[img]/forums/images/graemlins/704555_dwl.gif[/img] Den Nurse yu couldn't put nuh whitenin pan di sacks toe? [img]/forums/images/graemlins/704555_dwl.gif[/img]

"Gooo Toe Pint gooo" [img]/forums/images/graemlins/704555_dwl.gif[/img]

**Night Nurse** · 02-03-2004, 05:48 PM

Re: Mek wi walk dung memry lane likkle nuh?

Originally posted by AshamJ:
[qb] [img]/forums/images/graemlins/704555_dwl.gif[/img] Den Nurse yu couldn't put nuh whitenin pan di sacks toe? [img]/forums/images/graemlins/704555_dwl.gif[/img]

"Gooo Toe Pint gooo" [img]/forums/images/graemlins/704555_dwl.gif[/img] [/qb]

[img]/forums/images/graemlins/blush.gif[/img] A who gi yuh joke? [img]/forums/images/graemlins/mad.gif[/img]

Cutmiyeyedemawwftayuh
[img]/forums/images/graemlins/laugh.gif[/img]

**Gen** · 02-04-2004, 01:48 AM

Re: Mek wi walk dung memry lane likkle nuh?

memba sports day....

big big ting at school because you know seh dat a one a di time when music a guh play pan school premises...

wake up and get dressed and wear something the color of your "house"....and then at school the houses line up and march around the track ...olympic style...

then you stand up in the bleachers and the events begin....yuh buy all kinda food and drinks...and yuh start sing "go ____ go" when you house a run relay....or whatever...and sing with the music during races...

finally at the end of the day....yuh tired from all the excitement and guh home...

**Gen** · 02-04-2004, 01:49 AM

Re: Mek wi walk dung memry lane likkle nuh?

Originally posted by AshamJ:
[qb] [img]/forums/images/graemlins/704555_dwl.gif[/img] Den Nurse yu couldn't put nuh whitenin pan di sacks toe? [img]/forums/images/graemlins/704555_dwl.gif[/img]

"Gooo Toe Pint gooo" [img]/forums/images/graemlins/704555_dwl.gif[/img] [/qb]

long time mi nuh hear da word deh...whitenin... [img]/forums/images/graemlins/704555_dwl.gif[/img]

**Gen** · 02-04-2004, 01:51 AM

Re: Mek wi walk dung memry lane likkle nuh?

anybody memba poppy day....

lawd.....me nevah even know the significance of the day...mi only know seh ...mi always a wear poppy when it was time...

**Gen** · 02-04-2004, 01:53 AM

Re: Mek wi walk dung memry lane likkle nuh?

unu memba that nasty thing name bulga...mi nevah eat cook food fi lunch so mi nevah nyam it...mi hear seh it did nasty...

**Gen** · 02-04-2004, 01:56 AM

Re: Mek wi walk dung memry lane likkle nuh?

unu memba when "long life" did just come pan di scene....with all the diff flavors....

mi used to drink it with bun and cheese...you couldn't even get mi fi try it again now....

**Gen** · 02-04-2004, 01:59 AM

Re: Mek wi walk dung memry lane likkle nuh?

who could figet "tinkin toe"

all when me a starve me nah look pan it much less eat it....

is nuff tings mi nevah eat when mi deh a yard..like dasheen, pumpkin etc....this top the list...mi nuh understand how anybody coulda nyam that smell bad sinting...

now unu tell the truth....who used to eat it [img]/forums/images/graemlins/704555_dwl.gif[/img]

Mek wi walk dung memry lane likkle nuh?

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

Comment

ads