Directions Jamaican Style.

[Guest]

Re: Directions Jamaican Style.

My granfawda used to love give direction to tourist when dem laas...den him woulda put on him speaky spokey voice startin with...

"ehmmm...hall roight den just tun back rite yah yuh see, den now gwaan bak dung di road till yuh reach craass road weh missa dally shap deh yuh wi see di shap straight infront a yuh...mek a left tun, den goh dung dat road straaaaaiiit till yuh com to aneeda intasection rite deh soh now yuh is gwine to tun anneda lef. Fram dere yuh will be on di strait road to Port Antonnio."

Tourist: You mean turn back haiyah...then whot?

[Wendy]

Re: Directions Jamaican Style.

[img]/forums/images/graemlins/704555_dwl.gif[/img]

Man#1: Hey Boss which part yuh ketch di Garvey Meade bus.

Man#2: Yuh ketch dat uppa Halfway Tree square man.

Man#1: Part dat deh?

Man#2: A country yuh come fram rasta? How comes yuh noh know Half way tree square?

Man#1: Tap di loud talking Dread an jus gi mi directians if yuh know weh yuh a chat bout.

Man#2: Arite watch dis.. yuh deh pan Haven street now.

Man#1: Mi know dat areedi ..yuh noh hafi tell mi dat.

Man#2: A WEH DI BLOOD… man hush up yuh mout an mek mi gi yuh di directian noh .. chaaa. Arite yuh deh pan Haven street now.. Walk straight up dis street an yuh come to wan rahtid Hill. When come ova di Hill yuh a go pass di ole mash up Lada park pan di side weh Police bway Tonto use to drive. Crass di street as soon as yuh ketch a di cyar an mek dif us lef han tun pan Halfway tree rd. Falla di stap light dem til yuh noh si more an a deh so di bus stap deh fi Garvey meade.

[msportmore]

Re: Directions Jamaican Style.

yes faada, yu know weh mi can fine di tayla fi di distrik?

oh, yu mean Wan Son? yeah man, him live tap side a Miss Jaynie.

so which paat Miss Jaynie live don?

Go paas Missa chin shap. Den go bout tree chain till yu ketch a di big julie mango tree pan di side a di lane, yu cyaan miss it man. Falla dat till yu reach a di straight cawna which paat Jaynie bway tie out di goat dem. When yu ketch dehso now, yu tun up di hill an cut cross di brambel dem weh deh pan di open lot. by dah time deh yu wi reach di riva. Ef yu si nuhbady deh, beg dem fi crass yu cause ennyhow yu drop in deh yu woulda neva come out. Especially since riva come dung laas week. Soh yu aks wan a dem bwoy fi crass yu. When yu a cross, mek sure seh yu jump pan di biggest stone to yu leff, cause di neks one get sippery afta certain owas.

Afta yu crass di riva, yu ago si Missa Jones orange walk, yu falla dat till yu reach outta school.

When yu reach outta school cross di road an buy wan pack a craven A fi mi an come back.

Wan Son live right side a Missa Chin shap.

[Boopie2]

Re: Directions Jamaican Style.

Originally posted by Wendy:
[qb]

Originally posted by Boopie2:
[qb] [img]/forums/images/graemlins/704555_dwl.gif[/img] I would rather have these types of directions cause I was raised in the country and I we use landmarks all the time. [img]/forums/images/graemlins/laugh.gif[/img] It's easier for me to just say "I don't know" then give somebody my kind of directions. [img]/forums/images/graemlins/704555_dwl.gif[/img] [/qb]

Boopie come man .. gi us yuh bes Puertorican direction (jamaican-style) [img]/forums/images/graemlins/laugh.gif[/img]

I haven't had to ask anybody for directions in Jamaica as long as I can get to the Jerk chicken and rice and peas my nose usually helps me there. [img]/forums/images/graemlins/704555_dwl.gif[/img]


Calling Sandif? Part yuh deh.. Shi always a gi some good directians [img]/forums/images/graemlins/laugh.gif[/img] [/qb]

[Wendy]

Re: Directions Jamaican Style.

Originally posted by neutral:
[qb] how to get to maas johnson yard.

" if yu si a red kin bwoy een deh tell him seh mi want mi money wah him owe fe de two hag dem,...aftah yu pass de shap gwaan likkle bit furdah....ask anybady yu si dung dessoh fe johns`n yawd. [img]/forums/images/graemlins/laugh.gif[/img] [/qb]

OMG .,,mi deading [img]/forums/images/graemlins/704555_dwl.gif[/img]

[OcheeHeart]

Re: Directions Jamaican Style.

Originally posted by Wendy:
[qb] 2 likle baby walk fram deh soh ..yuh can miss it man [img]/forums/images/graemlins/laugh.gif[/img] [/qb]

DWL!!! kikikiki [img]/forums/images/graemlins/laugh.gif[/img] [img]/forums/images/graemlins/704555_dwl.gif[/img]

[Boopie2]

Re: Directions Jamaican Style.

Originally posted by Wendy:
[qb] [img]/forums/images/graemlins/704555_dwl.gif[/img]

Man#1: Hey Boss which part yuh ketch di Garvey Meade bus.

Man#2: Yuh ketch dat uppa Halfway Tree square man.

Man#1: Part dat deh?

Man#2: A country yuh come fram rasta? How comes yuh noh know Half way tree square?

Man#1: Tap di loud talking Dread an jus gi mi directians if yuh know weh yuh a chat bout.

Man#2: Arite watch dis.. yuh deh pan Haven street now.

Man#1: Mi know dat areedi ..yuh noh hafi tell mi dat.

Man#2: A WEH DI BLOOD… man hush up yuh mout an mek mi gi yuh di directian noh .. chaaa. Arite yuh deh pan Haven street now.. Walk straight up dis street an yuh come to wan rahtid Hill. When come ova di Hill yuh a go pass di ole mash up Lada park pan di side weh Police bway Tonto use to drive. Crass di street as soon as yuh ketch a di cyar an mek dif us lef han tun pan Halfway tree rd. Falla di stap light dem til yuh noh si more an a deh so di bus stap deh fi Garvey meade. [/qb]

Oh lord these should be put on reality tv. [img]/forums/images/graemlins/704555_dwl.gif[/img] I would sure watch for sure [img]/forums/images/graemlins/laugh.gif[/img]

[777]

Re: Directions Jamaican Style.

mek me see now..

Go down a de gully road till u see wan house de with tree bad dawgs, mek de fust tun a de carner, no gwan no furder cuz u will miss it and den tun de so..gwan straight till u see Mayvis shap and bar and den ak anny body in de soh fe Mass Paulton yaard.....everybody know him man! A de biggest parner dropper inna de whole a de Sturge town..! [img]/forums/images/graemlins/laugh.gif[/img]

[OcheeHeart]

Re: Directions Jamaican Style.

Originally posted by Jazz:
[qb] excuse mi I am looking for cherry lane...

***two ole man siddung in front ah wan shop****

1st man - "cherry lane ah weh name so?"

2nd man - "sebenty years now mi live rouin yah an mi nuh know noweh name cherry lane"

1st man - Aldowe yuh know maas James did have wan dawta name Cherry

2nd man - Oh yes she did have baby fe de tink mout bway weh used to mine de goat dem fe sista Arnal...

1st man - yes she same wan, is she yuh lookin fah??

questioner - no sir I am looking for Cherry lane... A man by the name of Mr. brooks lives there?

2nd man - AWOH!!! - Brooksie - mek u nevva seh dat - (to 1st man) yuh nuh know Brooksie man - him ave cyaaas yeye an ah him did chap up de bway weh di jump ova him fence an teef 2 ah im arinje

1st man - oh yes mi know im man - nuh him did deh wid cack batty Queenie fram de pentecastal church?

2nd man - him an everybaddy else... ***ROllYEYE***

questioner - aahhhmmm - do u know where I can find him?

1st man - yeah man - im live jus roun de corna - yuh cyaan miss it...

(jus roun de corna can be anything from 2 steps to 20 miles)

[img]/forums/images/graemlins/704555_dwl.gif[/img] [/qb]

lawd God!!! waaaaaaaaaiiiiieee DWLPIMP!!! kikiki tonks fe de laff dis morning

[Wendy]

Re: Directions Jamaican Style.

Hey anybody know wey Precious live? Di gal suppose to mek mi 2 pieca curtain fi mi house an shi tief mi 2 yard a Linen an mi come fi buss har up.

Me know weh shi live yes… Shi an har baby faada live ina wan house tap side Tanya yaad. A di house wid di 2 pieca zinc a di window. Fram Gilbert blow out di window dem neva put back glass deh. Dem have wan meingy daag always a bark an a galang like im an portion a bad daag … noh watch dat cause im cyan even hangle di black puss dem have. Jus run im fram yuh a tep ina di house.

Mi waan si when yuh buss har up ..mi can come wid yuh ?

[OcheeHeart]

Re: Directions Jamaican Style.

mi give de same type of directions here in Atlanta...mi muss be yaardie in previous life...yeye wata run dung mi face....faada!!! Please stop!!! [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

Wendy Garvey Meade bus...de best wan yet...wait fe more...

[esp]

Re: Directions Jamaican Style.

How do I get to Miss Adlyn..yuh know di lady weh duh di dress meking?

Yuh nuh hav har cell numba? Henyways.. Tun dung di dirt road, yuh a guh si wan big bull cow ty up..mek sure yuh cut wan oda track far far fram him cawse him nuh like ooman.

Afta yuh pass di bull cow yuh a guh si wan Starapple tree, walk pass di tree den bruk di cawna. Afta yuh bruk di cawna yuh a si wan likkle white house pan di lef han side, nuh badda tap deh suh. Guh down likkle furda den yuh wi si Miss Adlyn house.

Yuh havi ball out whole dawg bout 3 time suh dat smaddy cyaan cum meet yuh ah di gate..mek sure ie nuh ar dem wi bite yuh BTW tell mi Adlyn seh miss Esmine seh fi tell har seh if she cyaan cum pick up har dress fi guh Church Sundey..she seh she wi pay har afta Mass Gilbert sell di ram goat.

[Guest]

Re: Directions Jamaican Style.

Originally posted by ep.:
[qb] How do I get to Miss Adlyn..yuh know di lady weh duh di dress meking?

Yuh nuh hav har cell numba? . [/qb]

***woooiieee*** [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

[Jazz]

Re: Directions Jamaican Style.

Cutie to shopkeeper - morning miss Dassa beg yuh two poun a flowa an wan tin mackrill please... an yuh can tell mi how fe reach uppa tap albion - mi need fe check Albert sista cause mi hear seh har dawta jus come fram farrin an bring chree big barrill mi muss cyan get sitten outta it.

shopkeeper - u si Map mark pan mi farrid? an BTw weh de 5 dalla weh u owe mi fe de stayfree weh u truss weh day yah?

Cutie - cho miss dassa u nuh hear mi seh mi ah go get some farrin bruckins wen mi get dat mi come back roun yah an gi u some ah weh mi get... but mi nuh sure how fe reach ah tap albion...

shokeeper - arrite but mek sure u walk back dah way yah...
hear weh yuh do - walk roun ah de back ah de shap an jump ova de bagwyah fence

u wi si chree paas - tek de wan inna de miggle...

walk pan de lef han siode cause de bull tie up pan de right han side an im wi buck yuh

Mass sam ah plant some yam pan de hillside so nuh walkt ooo close to dat...

wen u reach pan tap ah de hill - de paas ah go turn to de lef... doan go dat way or u wi en up dung ah de gully battam - go de odda way pass de guava tree - if yuh si nuh ripe wan save some fe mi...

wen u reach de nex bagwyah fence jump ova dat an u wi deh back pan de main road...

falla dat till u reach de rastaman weh sell suck suck outaside ah de allage school...

doan turn deh so needa else u wi end up a battam albion...

falla dat strate till u si de sine weh seh "Mande" an wan arrow ah pint... it used to seh Mandeville but peece ah it tear awf... tun dah way deh an go roun bout 2 more carna u wi deh ah tap albion...

Cutie- arriet miss dassa tank yuh - BTW mi can truss peece ah de hardo bread an wan bax juice so till mi come back dat soun like wan lang lang walk

[Wendy]

Re: Directions Jamaican Style.

Mi seh mi noh know how mi a cope tidey cause mi is week [img]/forums/images/graemlins/704555_dwl.gif[/img]

Man#1: My Yute how lang yuh tink it ago tek mi fi reach a Hellshire fram yahso?

Man#2: Bout 20 minute to a hour and half?

Man#1: 20 minutes to a hour an half? Mi noh undastan dat my yute [img]/forums/images/graemlins/confused.gif[/img]

Man#2: Cause dat depen pan which roote yuh tek.

Man#1: Gi mi di 20 minute roote cause mi noh have hour an half fi waste.

Man#2: Arite tek di Marcus Garvey highway a go towards Spanish town way

Man#1: Dat a East or West?

Man#2: Mi look like compass to yuh dread? A coulda east ar west .. ar southwest afta mi noh know ..jus goh di way Spanish town mi sey. Lissen to mi noh man!

Man#1: **kiss teet**Arite how far up di highway mi a travel?

Man#2: Yuh ago go bout tree quarta mile til yuh come a di Exxon Gas station. Dem call deh soh Dead man Grove. Yuh si when reach deh soh some bad blood Kleet man deh pan dah ends deh so press gas like yuh si yuh mumma duppy an noh tap til yuh reach di haspital. When yuh reach di hasptital tap an ask wan a di peanut man dem how yuh can ketch Hellshire.

Man#1: Mi tink yuh know di whole way .. yuh jus lef mi a di haspital soh?

Man#2: Dread mi nat even sure if yuh a go reach a di hospital yuh a talk bout .. nuff people noh drive dah root deh seka di bad man dem a Dead man Grove.

Man#1: Den a mek yuh gi mi dat deh roote deh an yuh know sey bad man a go buss shat affa mi baxide. A kill yuh a try kill mi aff noh B***Y bway

Man#1: No yuh sey yuh wan di 20 minute roote? Yuh a ediat ar wah?!