I am officially on the Terrorist Watch List!

[QK13]

Re: I am officially on the Terrorist Watch List!

Lawd JEEZASS Wendy! Mi deh a St. Bess fram lass tursday tuh Tuesday... mi nevah hear no public announcement bout no dry foot gyal mash up Black Rivah? Which days yuh did deh? [img]/forums/images/graemlins/confused.gif[/img]

[Yvonne N.]

Re: I am officially on the Terrorist Watch List!

[img]/forums/images/graemlins/smile.gif[/img] Mi wudda wen fine yu long time!

[Guest]

Re: I am officially on the Terrorist Watch List!

Originally posted by Wendy:
[qb] Jedi - dats why mi an yuh noh drink good tea enoh - yuh is very brite and outta-arda

Mi neva get fi bring di tings dem fi yuh .. Airjamaica did ago charge mi fi overweight luggage an mi tek out yuh crassis sinting dem an dash dem weh [/qb]

Lawd missis den ef a soh much dem weigh, dis as cheep yuh dash dem weh yes! blasted stale food

Anywayz mi glad fi see yuh dry heel dem back inna di place And hush noh mine dem facety people deh a airpoat. Ah same way dem did mek mi madda haffee tek aff har girgle inna public seaka di bone dem set aff di dyam alarm.

Heegh, tek dah can a coke yah a go soak yuh heel bak dem inna ee. [img]/forums/images/graemlins/blush.gif[/img] Mi dis read wah day seh it gudd fi removing all sarta corrosion, ef yuh no mine shawp it even rusty up pan. Try it ee mus wuk. [img]/forums/images/graemlins/laugh.gif[/img]

[Wendy]

Re: I am officially on the Terrorist Watch List!

Originally posted by Trublz:
[qb] Wendy - u a real sample...from long time mi always enjoy read u post dem and trust mi..a long time mi no come bout ya....but u done know...haffi come back! [/qb]

Fus Dacresa/Andrew and now you...

Whappen Trublz? .. girl di prison sentence dung arredi.. Man time fly eeh [img]/forums/images/graemlins/wink.gif[/img] [img]/forums/images/graemlins/laugh.gif[/img]

((Trublz))

[Wendy]

Re: I am officially on the Terrorist Watch List!

Originally posted by Magic:
[qb]

Exactly which day you was in Kgn last week caw mi did smell some lethal foot come to think of it! [/qb]

LO Magic .. Mi noh tell yuh seh mi barn wid crassis a falla mi [img]/forums/images/graemlins/laugh.gif[/img]

I was in Kingston from June 26 - July 2nd. Look how mi post seh mi ago deh a yaad and ongly wan person tell mi seh dem ago deh deh dem time deh Yuh coulden mek mi know seh yuh did a go deh deh


All yuh to QK..Mi naah chat to yuh again eida well come to tink of it mi did lef dat side a di island by dat time so mi woulden si yuh

[Andrew]

Re: I am officially on the Terrorist Watch List!

Originally posted by Wendy:
[qb]

Originally posted by Trublz:
[qb] Wendy - u a real sample...from long time mi always enjoy read u post dem and trust mi..a long time mi no come bout ya....but u done know...haffi come back! [/qb]

Fus Dacresa/Andrew and now you...

Whappen Trublz? .. girl di prison sentence dung arredi.. Man time fly eeh [img]/forums/images/graemlins/wink.gif[/img] [img]/forums/images/graemlins/laugh.gif[/img]

((Trublz)) [/qb]

So Miss Chin,

Wha mek yuh haffi call up call up mi name soh??? Mi deyah ah mine mi bizniz an ah ketch up pon di post dem, an next ting mi si is yuh ah bawl out mi name. Mek yuh noh leff mi alone??

Yuh si all di years mi ah tell yuh bout dem dry foot....years upon years mi an Jazzy ah cuss yuh crusty behine, hawd ears pickney. Mi ongle surprise seh yuh foot nevva tear up poor Air Jamaica plane seat dem. Dats why yuh cyaan wear shorts, sake ah yuh razor blade dem to hell!!

Anyhow, mi glad fi si yuh, even doe yuh look like yuh gain likkle weight. Look like yuh go dung deh go nyam out di relative dem and come back wid dat deh big bumpa deh!!

As fi dashin weh ting whe yuh bring fi ppl, talk di truth...di customs dem dig dung yuh bag dem and tek wey yuh tings. Right now some customs officer ah enjoy Ackee and saltfish wid breadfruit, all courtesy of Miss Chin overweight bag dem!!

Love yuh baby, talk to mi now.....

[img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

[Wendy]

Re: I am officially on the Terrorist Watch List!

Ole people have a saying sey when yuh play wid puppy dem tun roun bite yuh

Yuh si how yuh nosehole broad like breadfruit leaf.. Gwey fram mi yaah bway

Wan a dese days when mi foot dem come back pan shape unu a gwaan want fi maasage dem .. but mi a set fi unu. An a who yuh a call miss Chin? Yuh si mi look like chiney to yuh.. doan mek di straight lang hair fool yuh - is jus 100% Yakki Grade hair fram China, $8.99 a pack [img]/forums/images/graemlins/704555_dwl.gif[/img]

Dacresa mi glad yuh deh bout so til.. a yuh was di original tracer pan boardlane.. Arite go siddung wan side ina di carna an come outta big people affairs [img]/forums/images/graemlins/tongue.gif[/img]

[esp]

Re: I am officially on the Terrorist Watch List!

Originally posted by Wendy:
[qb]

Yuh si how yuh nosehole broad like breadfruit leaf.. Gwey fram mi yaah bway

[/qb]

[img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

[Andrew]

Re: I am officially on the Terrorist Watch List!

ep.,

Tek ah seat oneside an tap blow pon di fyah. Spawks might fly an ketch yuh.....

Lissen Miss Chin, lang hair freaky ppl need nat apply, so yuh tan deh wid yuh fake Lil Kim weave, mi si tru dat long time.

As fi massaging dem deh giraffe hoof, I gwine do yuh a favour, si one cer-fit-ic-ate yah fi one good good spa, dem wi use di lancet an crape aaf di cement aaf di foot dem, den dem wi kill di Jigga whe dem find an wi lotion yuh up wid some cocnaat ile mix wid hemp an wheatgerm, an if dat no work, dem have some old engine ile fi mix een, so one way or anedda, dem can fix yuh up.

Mi nevva trace nobaddy pon dis board yet, except fi mi hex wife FH!! All mi do is mek ppl know dem place, plain an straight. Speaking of tracin, which pawt Jazzy deh.

Se fe if yuh bad.......

[Wendy]

Re: I am officially on the Terrorist Watch List!

Originally posted by dacresa:
[qb]

As fi massaging dem deh giraffe hoof, I gwine do yuh a favour, si one cer-fit-ic-ate yah fi one good good spa, dem wi use di lancet an crape aaf di cement aaf di foot dem, den dem wi kill di Jigga whe dem find an wi lotion yuh up wid some cocnaat ile mix wid hemp an wheatgerm, an if dat no work, dem have some old engine ile fi mix een, so one way or anedda, dem can fix yuh up.

[/qb]

Bo jesas o/ [img]/forums/images/graemlins/704555_dwl.gif[/img]

Yuh know sey mi did warn FH fi pisen yuh baxide an put yuh outta yuh misery but shi neva lissen to mi. If shi did dash di lickle pizen ina di Cow cod soup mi woulden havi deh yah a put up wid yuh lashy mout tidey

Yuh galang bout yuh ways cause yuh an Satan drink fram di same mug.. Yuh face bumpy and feva ole irish pitata!

A weh Jazz deh dowe eeh

[barosa]

Re: I am officially on the Terrorist Watch List!

WELCOME BACK WENDY!!... Mi was glad fi read bout yu adventures... Yu sure packed it "ALL IN" as dem wud sey, in just one week... Yu mus bi wan high energy individual fi do so much sinting in such a shart space of time!

I felt sarry fi yu, di way yu describe ow yu did drap offa di harse an urt up yu bahine. It's a good ting sey yu are so heavily padded in dose areas. Glad yu & hubby enjoyed unnuselves. [img]/forums/images/graemlins/704555_dwl.gif[/img] [img]/forums/images/graemlins/smile.gif[/img]

-------------------
Life is for Living! as they say.