One Time...

[Nunya]

...mi siddung a de side a di house a play wid mi dolly dem. Mi a play an a sing difrant difrant song.

Which naturally led to dis one:

Tan tuddy likkle gal
Tan tuddy
Tan tuddy unda big man-

An a rhatid bax outta nowhe jus cut mi aff!!!

Nuh mi madda...

Ah guess dat was de Jamaican way of 'washing yuh mout out wid soap'...

How bout oonuu???

[Suesumba]

Re: One Time...

beet yu pan dat

mi dih have wan hole imaginary village wid mis gang gang and an wan necks set a peepl dem...

an den wen mi have dally mi dih mek dem outta rope... an mek dem frak outta sweetie paypa.

[KeishavKB]

Re: One Time...

[img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]
Mi cyaan memba none right now... di laughter drive it outta mi head.
[img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

[Nunya]

Re: One Time...

Den sue, yuh neva mek dolly outta mango seed yet??? Yuh use yuh teet an craw craw awf one side a de mango - an dat a de face. An yuh mek sure say yuh lef de hair fi frame de face...

[Capitall]

Re: One Time...

den a ow playing wid dolly mek yu sing dat?

btw, wah age yu did bi? 15 ? a plya wid dally eh?

[Venn]

Re: One Time...

Yuh seet dowe, a fram Nunya a lilly pickney shi have man pan har brain enoh. [img]/forums/images/graemlins/blush.gif[/img]

[Nunya]

Re: One Time...

~lol~ 15??? Gwey! Mi did likklebit... a jus one a de song dem whe did popular... Mi eena mi own likkle worl a sing de song... an get a bax fi mi troubles...

[Suesumba]

Re: One Time...

Originally posted by Nunya:
[qb] Den sue, yuh neva mek dolly outta mango seed yet??? Yuh use yuh teet an craw craw awf one side a de mango - an dat a de face. An yuh mek sure say yuh lef de hair fi frame de face... [/qb]

yeh man di pretty hair dally dem - fayva di wan dem fram china

[esp]

Re: One Time...

Originally posted by Nunya:
[qb] ...mi siddung a de side a di house a play wid mi dolly dem. Mi a play an a sing difrant difrant song.

Which naturally led to dis one:

Tan tuddy likkle gal
Tan tuddy
Tan tuddy unda big man-

An a rhatid bax outta nowhe jus cut mi aff!!!

Nuh mi madda...

Ah guess dat was de Jamaican way of 'washing yuh mout out wid soap'...

How bout oonuu??? [/qb]

[img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

[Nunya]

Re: One Time...

One nedda time, mi siddung a de side a de house a play wid mi dolly. She did look hungry so mi decide fi cook up supm.

Oonuu memba de likkle red plastic scoop dem whe used to come eena de baby feedn? Well dat was mi pot. An mi stove was a pile a matches box (memba dem?).

Mi have mi dolly eena mi han an mi a stir de milk powda...

Den mi decide fi light one matches unda de plastic pot... [img]/forums/images/graemlins/704555_dwl.gif[/img]

Nex ting yuh knoa de whola de box dem ketch a fyah an mi pot melt...

Mi use de dolly fi put out de fyah...

She neva fully recova fram dat... [img]/forums/images/graemlins/70361-embarassed.gif[/img]

So whe fi oonuu tory dem deh??? [img]/forums/images/graemlins/mad.gif[/img]

[Kumtecky]

Re: One Time...

fi we own not as exciting as yours, suh please tuh continue..... [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

yuh nain ave nuh body besides dolly fi play wit???

[yardy]

Re: One Time...

Nunya a no yuh wan [img]/forums/images/graemlins/laugh.gif[/img]
One day mi did a sing waan sang name every p-u-m is the same p-u-m p-u-m chiney p-u-m, koolie p-u-m aan mi granny slap me rite eena mi mout aan tell mi seh mi noh fi tun noh ooman eena de house [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img]

[Nunya]

Re: One Time...

Mi bredda dem neva waa mi fi play wid dem an mi sista dem did too likkle...

Speaking of breddas... one time, mi bredda (who is like a spawn of satan) find one injection neegle. Im full it up wid wata an find one likkle lizzad an injeck im wid di wata.

De poor likkle ting - im leg dem jus stick out a de side dem so, im couldn move [img]/forums/images/graemlins/frown.gif[/img]

So mi bredda im tink say im onto supm new an exciting - bout im gaa look fi more lizzad.

When mi tek a stock, mi si im a chase roun de side a de house! When mi look fi si a who a run affa im a peer rustle rustle mi a hear.

Mi God, it was de creepiest ting!

Croaking lizzad fram all cawna a de yaad, fram unda de shrub dem, fram outta de tree dem, fram de neighbour yaad - de whola dem stawt chase im!

OMG!

Mi say de bugga run yuh si!!!

Mi pick up mi dolly an run pan de verandah - but dem nayin did interested eena mi. Ah im dem did waa.

Yuh shouldan hear di big ol hawse steering bwoy a halla an bawl bou: "Dem a go nyam mi! Lawd Wooiee!"

Ie did sweet mi esi [img]/forums/images/graemlins/704555_dwl.gif[/img]

[Nunya]

Re: One Time...

Originally posted by yardy:
[qb] Nunya a no yuh wan [img]/forums/images/graemlins/laugh.gif[/img]
One day mi did a sing waan sang name every p-u-m is the same p-u-m p-u-m chiney p-u-m, koolie p-u-m aan mi granny slap me rite eena mi mout aan tell mi seh mi noh fi tun noh ooman eena de house [img]/forums/images/graemlins/704555_dwl.gif[/img] [img]/forums/images/graemlins/704555_dwl.gif[/img] [/qb]

A how come mi neva hear dat deh one deh before??? ~lol~ bydeby, Mi hear say Chiney (Jazz) pumpum funny [img]/forums/images/graemlins/704555_dwl.gif[/img]

Mi jus a repeat whe mi hear... [img]/forums/images/graemlins/laugh.gif[/img]

[Capitall]

Re: One Time...

Originally posted by Nunya:
[qb]Yuh shouldan hear di big ol hawse steering bwoy a halla an bawl bou: "Dem a go nyam mi! Lawd Wooiee!"

Ie did sweet mi esi [img]/forums/images/graemlins/704555_dwl.gif[/img] [/qb]

[img]/forums/images/graemlins/laugh.gif[/img]