We hear sey....Tories fram dung a Kuntry

[Hush Darlin]

Why are you *bexted*

This thread is for Entertaiment
Make sure that your bladder is empty and you are comfortable and not eating or drinking in front of your PC before you make any attempt to read
This is a gut buster
PLEASE READ AT YOUR OWN RISK

[Hush Darlin]

Re: We hear sey....Tories fram dung a Kuntry

This Notice serves to inform Compry that Nerva, Melba Neville and Nerwheyfah sey fi tell har dat she mus GDAB

[dahjah]

Re: We hear sey....Tories fram dung a Kuntry

[Hush Darlin]

Re: We hear sey....Tories fram dung a Kuntry

wha you tinkin bout now dahjah

[Chrissy72]

Re: We hear sey....Tories fram dung a Kuntry

Sweetssop mi si Melba dis mawnin an she tell mi sey she pregnant, yuh stay bad eeh, yuh cudden tell mi. Mi neva know how fi ax har a foo fah, yuh know a fi who?

[Chrissy72]

Re: We hear sey....Tories fram dung a Kuntry

Oh mi naily mose figet, she sey Nowhefah was at Ireland das why she was missing in action, but yuh go si har nuff yah now. She an di bwoy break up bout a month now, das why she went away on "vacayshan" dem lucky more dan mi, long time mi tell har fi leff dat dey bwoy..notice how she was all over him? him so unique to, one bwoy whey cudden stap mi an mi stap fi nutten. [img]/forums/images/graemlins/blush.gif[/img]

[Hush Darlin]

Re: We hear sey....Tories fram dung a Kuntry

so u nay kno sey Nerva did ketch she and Neville dung eena Nerwheyfah grass piece bout 3 months ago a dweet...so noh mussi him she dey breed fah [img]/forums/images/graemlins/704555_dwl.gif[/img]

[Hush Darlin]

Re: We hear sey....Tories fram dung a Kuntry

Oh ok so a dat mek...u neva see sumoke widdout fiyah...mi did hear sey Melba nay did a go tell Nerwheyfah boutee u know...well good ting sey she leff him now so Melba can have him byherself...mi ongle hope sey him mine de baby

[Chrissy72]

Re: We hear sey....Tories fram dung a Kuntry

No sah, mi neva hear, den yuh tink she wudda tell mi dat? Mi an Neville nuh chat agen, mi mine did tell mi, but chue mi nuh want fi get miself inna dem mix up mi shet mi mout. So a who tell yuh dat. Since when yuh si Neville, mi hear im was fi married, a true? an a who im fi married to, a cyaa Melba, caws dat dey gal use an hangle im like im a bwoy, but den agen a dat im deserve, mi wudden sarry feem, but im wudda chupid fi married to she di way how she angle im.

[Hush Darlin]

Re: We hear sey....Tories fram dung a Kuntry

Chrissy mek sure sey u continue to ignore that public notice thread to you an me...please dont go in there

[Hush Darlin]

Re: We hear sey....Tories fram dung a Kuntry

a Compry did tell mi soh missis...and she muss kno caa she and Melba and Nerva a good fren...Plus Nerva madda Minerva and Compry bredda dey

[Hush Darlin]

Re: We hear sey....Tories fram dung a Kuntry

But who else wudda waan marid to Nevill...him deserve Melba and Melba deserve him.... de two a dem cut aff a dem same clath....

[Chrissy72]

Re: We hear sey....Tories fram dung a Kuntry

Mine? mi sarry fi she an dat dey belly effa reely im she dey breed fah. Yuh know di peeple dem who whay live uppa di house infront a di Sabbatt church whey dey infront a di Hardware store? Well di likkliss sista di one whey did guh a high school, mi hear she gat one pickney fi Neville an fram di likkle pickney gat di belly im nuh gie har nat eva one red cent. Mi blame har big time caw dem did know sey a so im tan, caw im nah mine di one whey im get wid Sherran, an if yuh see how Sherran pickney fava him, yuh eva sidi pickney yet? dead stamp! Di whole a dem lucky, a dutty torey dat an mi nuh want fi get mixup inna dem torey.

[Hush Darlin]

Re: We hear sey....Tories fram dung a Kuntry

Kakka Faawt mi knoi de people dey wey u dey tawk...noh Miss Matty and Mass Leandro dawta u dey twakk...mi nay kno sey a im she did breed fah...but mi noh did hear sey a Minerva a go mek Melba weddin frack and a Compry a go mek de cake fe Melba and Neville weddin
Mi hear sey a dahjah dem a get fe play de musick and a Yardy a go cook de food

[Chrissy72]

Re: We hear sey....Tories fram dung a Kuntry

Originally posted by Sweetssop:
[qb] a Compry did tell mi soh missis...and she muss kno caa she and Melba and Nerva a good fren...Plus Nerva madda Minerva and Compry bredda dey [/qb]

Den how Compry dey gwaan like she nuh noe nutten? Dem wukliss eeh? den Nerva madda an di young bwoy did leff? Di one who wassa play football fi di community club? mi nuh memba wha him name, but addi same one whey peeple didda spread news sey a im did rape di lady who wassa come fram church. Yuh memba dat? Mineva neva mek fun fi fite awf anybady she hear wid di torey, dat was one big ole joke. [img]/forums/images/graemlins/704555_dwl.gif[/img]