We hear sey....Tories fram dung a Kuntry

[Hush Darlin]

Re: We hear sey....Tories fram dung a Kuntry

You mean de ole teefin bwoy wey name Nunville...den a noh lang time she and dat dey bwoy bruck up...im did leff har fe Miss Leena look a bush eye gal wey name Peaches and dem did gone a Bay gaa wuk him as a Hand kyaart driva and she as a strippa eena Fantasia Club

[Hush Darlin]

Re: We hear sey....Tories fram dung a Kuntry

No man Compry kno dem by diffrant namne a dat mek she sey shi noh kno a who wi dey tawk bout...but wi nah go mek har no wiser
You noh sissey she eena a har owna chread a chat to har self...mi tink shi need some and some [img]/forums/images/graemlins/tongue.gif[/img]ray:

[Chrissy72]

Re: We hear sey....Tories fram dung a Kuntry

Originally posted by Sweetssop:
[qb] Kakka Faawt mi knoi de people dey wey u dey tawk...noh Miss Matty and Mass Leandro dawta u dey twakk...mi nay kno sey a im she did breed fah...but mi noh did hear sey a Minerva a go mek Melba weddin frack and a Compry a go mek de cake fe Melba and Neville weddin
Mi hear sey a dahjah dem a get fe play de musick and a Yardy a go cook de food [/qb]

Yuh noe all dis time mi tink a Miss Fatty she did name, a so mi always call har [img]/forums/images/graemlins/704555_dwl.gif[/img] afta she so fat, aye sah. But yes a she same one, poe likkle pickney neva get fi finish high skool sayka dat bwoy. Mi hope alla di adda gyal dem learn from fi har an di adda gerl dem expeerence wid im, soona ar layta im haffi guh furr guh look ooman, caw im dey bill a reputayshan feem self yuh si, well it bill arredy, a juss di fool fool an licky licky gyal dem im dey ketch, an im cyar nat even hot. A mussi di loud music dey fool dem, caw mi sure know sey a nuh di ole 323 Mazda whey im gat.

Mi neva noe nutten bout di wedden. Mi haffi guh ask Melba bout eh.

[dahjah]

Re: We hear sey....Tories fram dung a Kuntry

Originally posted by Sweetssop:
[qb] wha you tinkin bout now dahjah [/qb]

jus a wundah why yuh waan tell har dem ting deh.

[Hush Darlin]

Re: We hear sey....Tories fram dung a Kuntry

Chrissy Oh Chrissy Oh mi hab troy fi gi guess wha mi dis hear Nerva noh dis come tell mi sey dat Neville go a Manchesta go look feem granny and tek up wid waan teecha gal and she a breed feem and dem haffi go marrid quick
Mi hear sey dem carry Melba gawn a haspital caa she a mad... and dem ha haffi tie har dung...and de way she dey behave shi a gi lose de baby.
Mi hear sey Nowheyfah dung a Mass Joe dey sing and dance an a jrink beer caa Melba get har cumuppance...
what a piece a sinting eeh mah

[Hush Darlin]

Re: We hear sey....Tories fram dung a Kuntry

Originally posted by King dahjah:
[qb]

Originally posted by Sweetssop:
[qb] wha you tinkin bout now dahjah [/qb]

jus a wundah why yuh waan tell har dem ting deh. [/qb]

mi wuz jus deliverin a messij...das all and she undastan wha it bout

[Chrissy72]

Re: We hear sey....Tories fram dung a Kuntry

Originally posted by Sweetssop:
[qb] You mean de ole teefin bwoy wey name Nunville...den a noh lang time she and dat dey bwoy bruck up...im did leff har fe Miss Leena look a bush eye gal wey name Peaches and dem did gone a Bay gaa wuk him as a Hand kyaart driva and she as a strippa eena Fantasia Club [/qb]

Him same one, massy mi king watta bwoy did teef, im teef all wha im nuh si, peeple mango an brefroot tree cudden bear inna peece, as di mango dem come outa blassom a im dat pan di peeple dem tree an gaw sell to Miss Cherry who used to sell uppa school gate, dat ooman was teef, one mango fi 50 cent yuh memba? Den Miss Leena an she wuzzent fren...nuh dem used to put awn di bingo pawty dem dung a Mass Ralstan bar? Mi did noe sey dah likkle gyal dey was up to suppen eh nuh, caws all di wile mi si she an im dey chat up an bout dem a juss fren, but yuh noe how dem dey peeple mix up, mi juss observe an nuh sey nutten, mi did tell mi self sey everyting wee come out inna lite, seet dey! Mi neva haffi sey nutten.
Nunville did leff outa im mah house yet, wat a bwoy did wukliss, ave dem eppa ooman an pickney an still katch up a him mah yawd. Dat alone mek mi wudden want im fi nutten.

[Hush Darlin]

Re: We hear sey....Tories fram dung a Kuntry

Yes Missis mi memba how Nunville did teef...mi unkle did ketch him eena him grung wan nite and did a go chap him up but mi granny did hera de comoshan and run out a de house and beg mi unkle noh fe dweet and a so im did get wey
But mi hear sey you should a seem dung a bay now you si...mi hear sey him nah drive hand kyat no mo a taxi im a run robot wid dung dey and de gal Peaches a mek good money as a strippa as u kno she did ha likkle coll and she a wear wan pieca weave so shi noh look bad
But mi hear sey she nah leff Nunville caa she sey a him mek she dey wey shi dey now

Mi dey go pinch you and tell u dis mi hear sey im dey wid Nowheyfah too....wen Peaches gawn a wukk a night time im catty har go a dem yaawd and mi hear sey a pere agony him throw pan har
no badda sey nottin to Nerva u kno caa Minerva and Miss Leena a fren

[Chrissy72]

Re: We hear sey....Tories fram dung a Kuntry

Originally posted by Sweetssop:
[qb] Chrissy Oh Chrissy Oh mi hab troy fi gi guess wha mi dis hear Nerva noh dis come tell mi sey dat Neville go a Manchesta go look feem granny and tek up wid waan teecha gal and she a breed feem and dem haffi go marrid quick
Mi hear sey dem carry Melba gawn a haspital caa she a mad... and dem ha haffi tie har dung...and de way she dey behave shi a gi lose de baby.
Mi hear sey Nowheyfah dung a Mass Joe dey sing and dance an a jrink beer caa Melba get har cumuppance...
what a piece a sinting eeh mah [/qb]

Can bet sey im granny nuh bless har yie dem pan him from him sey im guh look fi granny. Mi noe im good, dat dey bwoy goodly whay gat im yie pan di teecha gyal fram lang time, an cawsen sey no baddy whey im come fram nuh want im agen im guh clear a 'chesta guh look ooman, mi nah tell no lie, im cudda fool mi to if mi was in di ooman place caw im, cute an wen im put awn two peeca cloze im tan good, nuh hide yuh canshence Sweetssop. Mi sarry fi di ooman dough, caw ah guess she nuh noe a who she have fi deal wid, but as dem sey, nutten a nuh salvayshan, mi ope she fine out soona an nat layta who Neville reely is, if a dat im tell har him nayme. Caw mi hear im did gie rang name to one gyal who did insiss sey she go regista fi har pickney inna im nayme, mi figet im tell di gyal sey im nayme Patrick Livinston [img]/forums/images/graemlins/704555_dwl.gif[/img]
Melba a did eediat fram mawnin, so mi nuh suprize, mi ongle sarry fidi unbawn whey she dey carry, caw it very innocent. Watch when God come feem werl, a peeca pipe iron im deggo use an beat tem to sickniss, watch an si. All di one Nowhefah she, she nuh gat no whey fi tek lick, a pinch God go pinch har up.

[Chrissy72]

Re: We hear sey....Tories fram dung a Kuntry

Which pawt yuh did dey when im didda chry fi dig awf di door a Mass Crooks shap fi bruk een an dem shat im wid fish gun? massy mi king, mi hear sey im run troo di banana wawk behine di shap wid di arror inna im batty dey run [img]/forums/images/graemlins/704555_dwl.gif[/img] mi wudda like fi seet, dat was di joke of di centry. Im ongle did used to use di handcyawt fi transpoat di teefin goods dem man, wen im bade an put awn im cloze yuh cyaa beleeve sey a im same one.

It did inna Peaches blood fram mawnin, yuh eva si how she love wear dem likkle peeca cloze dey an wine up har self to any music, a cudda even bird dey dey fly pass an mek a chirp she stawt fi wine up harself, one ting dough she always look good inna anyting she put awn, an she nuh bad looking needa. Tap mekki soun nice bout she a strippa, she a go-go a so dem nayme, mi hear she nuh tek anda 5 towzan per profawmance, a chue?
Mi nuh noe effa a chue, but di peeca lan dem whey did outa di front likkle bit paws di square, mi hear she buy peece an dey mek big house, yuh hear? A lang time mi nuh guh dem side so mi nuh noe, dat good dough, caw some gyal ongle dey jig dem baddy fi fame, effa chue, she gat likkle ambishan.

Di bwoy nah leff har needa, yuh nuh sissey nuh care who im dey wid im always come back to she? Yuh memba di time when im did use peeca wood an lick har dung an dem did lack im up an she guh uppa stayshan guh cuss off di police dem fi let out har man? Lawd a massy dat was a joke, even di police dem did fine eh funny, from dah day dey till now, police nuh biznizz wid dem nuh matta hummuch complane she mek dem nuh care.

[Hush Darlin]

Re: We hear sey....Tories fram dung a Kuntry

den tap afta a noh Manchesta de teecha gal cum fram she come fram dung a mukko and a har madda and fadda struggle fe sen har go a teechas kallige so she coulda come out and help har 6 sista and har 7 bredda and a so she repay dem bout she ga breed...
She mussi noh kno sey dat dey bwoy Neville wukliss and noh ah no ambishan...even if dem marrid ie nah lass lang caa dat dey bwoy lub ooman too much..
But den a Mukko she come fram and dem dey people noh ramp fe chrow obeah or guzzo pan him...so mek him tan dey....him finally meet him match.

[Hush Darlin]

Re: We hear sey....Tories fram dung a Kuntry

Yes missis Compry did tell mi bout how Nunville did did a bruck eena de shap and how dem shat him wid fish gun eena him batty caa a dung a fi har yaawd him run cme fe mek har grany pull out the arrow out a him batty fi him.
Mi hear sey she had to bwile some cow dung and hawsie fettita wid 3 dead skarian and 3 farty leg and 1 senake fi bade ie so de arrow nay pizen him...
Den Compry granny Miss Maud did sen him roun a Kacka Karna to Madda Vie so she could mix up waan poshan geem fi drink...But you kno sey wen you go to see Madda Vie you hafi tun the rroll and him nay wan dweet and a de same gal Peaches did have fe come dung dey and beg him fi dweet or else Madda Vie did a go tun out har Vibracious dawg pan him.
Mi did seem one time jus afata him did get shat and him did a walk higgidy dip higgidy dip, but wen im see mi him mik hase and go chroo waan shawt cut but mi did arready seem.....
Mi did hear sey one time Peaches did hear two puss a dweet and u kno sey wen dem dweet dem halla and mi hear sey u shoulda see har ...shi puddung a pieca a dancing outa Mass Crooks shap a de square you see...mi kno sey shi always wear half nakid clothes and she have good shape...but laawks ma har eye dem looka bush and har nose hole dem wid and tun up in de air and mi sure sey if rain fall and she ouside she bound fe drown wid all dat wata dat gwien ketch een a dem.

[Chrissy72]

Re: We hear sey....Tories fram dung a Kuntry

Tappi nize Sweetssop, mi dis done tawk wid Melva pan di fone, mi ax har bout di gyal who Neville did gie di rang nayme, an guess wha, she sey di gyal did gie di pickney name Jr. Partrick Livinston Jr. [img]/forums/images/graemlins/704555_dwl.gif[/img] A wanda eff she fine out sey a nuh dat a him name fi real? di likkle bwoy a bout 4 yah now, a wanda wha she go tell di poe likkle pickney sey if or when she fine out...bwoy man wikid fi chue eh nuh, aye sah...all now mi yie dem full up a wata an mi belly battam dey hat mi from laffin.
Den watch yah, mi naily mose figet, yuh memba Neville bredda whey dem call flotto flotto, Melba sey im did guh a Englan di adda day, an di same flite whey im guh pan a it bring im trait back a yawd, mi hear him ax one addi airhostiss sey if im brejrin dem nuh come feem if dem can elp im fine sumaddy fi stay wid caw im trick di peeple dem uppa di embassy an tell dem sey a im family dem im gat dey, den yuh noe ow dem did show awf fram mawnin, mi hear im stawt fi chat hummuch an hummuch im pay fi dis an dat fi get some paypas an ting an bring dem guh a di embassy, mi hear dem dont even mek im cum outa di plane [img]/forums/images/graemlins/704555_dwl.gif[/img]

[Hush Darlin]

Re: We hear sey....Tories fram dung a Kuntry

Den Chrissy so wha mek Melva noh tell de gal,,wey she name again...laawd mek mi tink...ahhhhh mi meba now she name Dulcie...de likkle pickney a go 5 and mi hear sey she ha two more fe two diffrant man and she dey breed again fe waan bwoy wey a baggage bowy pan Miss Chin bus wey travel fram Bay to St Elizibet....a wha mek dem likkle gal dey love fe breed so and dem cyaan feed de pickney dem and de man dem nah min dem needa...dem noh kno wha name birthc kantrol

Yess missis mi memba Flotto Flotto a noh him a di one wey always wear de dawkaz even eena moon shine and dark nite and him a always gwan like a sey him a ristocrat. what a bowy fo fool mek him luib fe run up him mouth so.....wey im tink becauze him dey pon plane him tink sey him safe...so wey eem dey now...caaw mi noh seem bout the place...mi sure sey him mussi did gi up him jab dung a mawkit as the gate keepa///serve him right mi noh sarry feem caa one time him did use Miss Leena phone a call Englan and neva pay har fe de fone call...him is wuckliss and a skruff jus like him bredda Neville

[Chrissy72]

Re: We hear sey....Tories fram dung a Kuntry

Originally posted by Sweetssop:
[qb] den tap afta a noh Manchesta de teecha gal cum fram she come fram dung a mukko and a har madda and fadda struggle fe sen har go a teechas kallige so she coulda come out and help har 6 sista and har 7 bredda and a so she repay dem bout she ga breed...
She mussi noh kno sey dat dey bwoy Neville wukliss and noh ah no ambishan...even if dem marrid ie nah lass lang caa dat dey bwoy lub ooman too much..
But den a Mukko she come fram and dem dey people noh ramp fe chrow obeah or guzzo pan him...so mek him tan dey....him finally meet him match. [/qb]

Mi sarry fi di poor gerl yuh si, a dem dey situashan peeple sey "if mi did noe" but mi reely hope tings guh well fi she dough. Hummuch monts she reech inna di pregnancy, a wee bout 5 arr 6 now to wha mi hear.
Massy mi king, a lang time mi nuh guh ova Mukko, mi nuh guh dey ova 10 yrs now. Tawkin bout dat, yuh memba di madda ooman who did live craws di riva? mi sey one time mi guh mek di mistake an call har obyah ooman wen sumaddy didda ax if mi noe whey sumaddy live, mi now pint an tell di man sey juss as im paws di obyah ooman yawd...mi friten till mi naily dead when mi hear she stawt to reel out some Bible verse an stawt to sing an spin har role an call mi devil pickney, mi run paws mi yawd an guh ova di haringe wawk guh sidung anda di tent whey di ranger dem always dey, mi fret fi bout a year, any likkle ting mi si pan mi baddy mi fret sey a she fling obya anda mi kacka. Inna dem dey time mi read mi Bible nite an day, front to back. Mi neva yet like ova dat dey place mi chile, so mi kip far. Mi hear di ooman dead laws year an a rolling calf she tun inna di place, by 5 aclack a nite time di road scanty, mississ, mi hear sey when she dead dem bwoy bout dem dey kip dance uppa di square, dem sey a di fuss nite dem witniss har dey gallop up an dung pan di road wid peeca chain dey draw bakka har, mi hear even di soun man run whey leff di soun...dem dey place too evilous fimi, mi fraid a dem dey place. Since when yuh guh dung dey?