Tweet
Mi glad fi com bak - mi figet mi mannas
"Evribadi Happy New Everything an Merry New All In Anada Year Of Our Lives"
An
Yow Sah
Crowd a pipl who deh aan yah
Great ting to all nice an decent pipl
Ra** dem paint di dang place…
Dem move the house an change mi kii (no not that white kii,mi nuh inna dat)
A weh di owna fi di yawd deh….
Lang time…
A who a di owna fi di yawd now…
Uno mek mi kno if mi rent pile up (oops, mi mean unuh havmoni fi mi – yah dis betta)
Ded wid laff…
Evry weh brite brite,
Fi mi likkle place daak sah
A weh mi chair…
Unuh couldna lef the lite aan.?
Nat iven wan like cyangle…
Unuh egzak eeehn!
Mek mi lite wan fire and shout fire inna crowded communitian mek fraid pipl run up an dung!!
Fire!!!!
Huop mi can get wan siit wen dem yung wan yah run weh….
Some a unuh sleep ded sah…
Unuh neva iven stir
Seem like sumadi dweet aredi roun yah…
Mi need new tactics fi rouse di ded…
Lazarus!!!! Or argaiV one dem deh magick wurd deh mus work!!!!
Ded wid laff
Lang time mi nuh com ann yah…nuff years a prodigal!
Mi nuh miss unuh, mi memba unuh an dat a betta ting fi duh,much much aada.
Well mi deh yah again…
Man pon spot
Small aYawd an Big an Braad abroad (suh mi sarry fi all aununh who still nu kno wha mek mi nuh waan guh huom)
J
Mi tek som Indian root pill an iit some brooklax an wash outfarrin..not iven likkle twang leff !!!
Mi come fi mi fullup wid mi Yawd culture…mi lang fi yawdfuud and yawd taak and yawd scenery an yawd fruit yawd girl – ahem…well mi ezifi satisfy suh mi stop deh suh..
J
Any Badi huom!!
A weh mi fren an mi enemi an all di wan dem wa hate mi andem odda wan (put mi mout a bush an taak, saafly)
Mek 2K15 di year when nuff a di prodigal dem come bak.
Mek wi bring up som old fight an ol cuss cuss an laff affawi self..
An if wi still stay same way…
Cho ..Unuh change nuh!?
J
Nuff nuff respek fi di owna fi di yawd (Mi nu memba him nameand dat bad J but maybe him nuh memba mi eida caah si sumadi tun aaf mi lite an change up the huol place till mi lik mi shenk an buk mi toe…
Anybadi have blue stone…(No!?…not dat stone…not stone love or the love or the music fame – seh wah, seh unuh nuh kno blu stone…unuh luckier dan mi…a mussi fimi madda mek it..
shi use to have nuff…caa mi nuh stap hap bus an kik footbaal barefoot.
Nuff respek to the ol foot dem an di nyuu pipl dem an the yawdie by association an di Jafakin Yawdie dem who always a lurk pon di site.
An to all dem lonely pipl who leff di site an gawn tweet an give dem odda wan dem daili life story and nuh kno dat social Media an blogs are used as evidence gathering machinery an investigative tool by dem odda wan –now unuh kno..
But
Roll Caaaaaaallll!
Step Up An Represent…
Weh Compry Deh
Weh grandma 1 & 2
Weh Dajah deh
Weh Britisha deh
Weh pipl deh…
Weh Evan (oWitch) deh
J
Unuh cum out (a di rait cum dat!)
Oh well!!
Yawdie Represent
Any weh unuh si Banana man unuh fi put “Jamaican, yah man!!!”
“The Song of the BananaMan” by Evan Jones.
Touris, white man, wipinhis face,
Met me in Golden Grove market place.
He looked at m’ol’ clothes brown wid stain ,
AN soaked right through wid de Portlan rain,
He cas his eye, turn up his nose,
He says, ‘You’re a beggar man, I suppose?’
He says, ‘Boy, get some occupation,
Be of some value to your nation.’
I said, ‘By God and dis big right han
You mus recognize a banana man.
‘Up in de hills, where destreams are cool,
An mullet an janga swim in de pool,
I have ten acres of mountain side,
An a dainty-foot donkey dat I ride,
Four Gros Michel, an four Lacatan,
Some coconut trees, and some hills of yam,
An I pasture on dat very same lan
Five she-goats an a big black ram,
Dat, by God an dis big right han
Is de property of a banana man.
‘I leave m’yard early-mornin time
An set m’foot to de mountain climb,
I ben m’back to de hot-sun toil,
An m’cutlass rings on de stony soil,
Ploughin an weedin, diggin an plantin
Till Massa Sun drop back oJohn Crow mountain,
Den home again in cool evenin time,
Perhaps whistling dis likkle rhyme,
(Sung)Praise God an m’big right han
I will live an die a banana man.
‘Banana day is my specialday,
I cut my stems an I’m on m’way,
Load up de donkey, leave de lan
Head down de hill to banana stan,
When de truck comes roun I take a ride
All de way down to de harbour side-
Dat is de night, when you, touris man,
Would change your place wid a banana man.
Yes, by God, an m’big right han
I will live an die a banana man.
‘De bay is calm, an de moonis bright
De hills look black for de sky is light,
Down at de dock is an English ship,
Restin after her ocean trip,
While on de pier is a monstrous hustle,
Tallymen, carriers, all in a bustle,
Wid stems on deir heads in a long black snake
Some singin de sons dat banana men make,
Like, (Sung) Praise God an m’big right han
I will live an die a banana man.
‘Den de payment comes, anwe have some fun,
Me, Zekiel, Breda and Duppy Son.
Down at de bar near United Wharf
We knock back a white rum, bus a laugh,
Fill de empty bag for further toil
Wid saltfish, breadfruit, coconut oil.
Den head back home to m’yard to sleep,
A proper sleep dat is long an deep.
Yes, by God, an m’big right han
I will live an die a banana man.
‘So when you see dese olclothes brown wid stain,
An soaked right through wid de Portlan rain,
Don’t cas your eye nor turn your nose,
Don’t judge a man by his patchy clothes,
I’m a strong man, a proud man, an I’m free,
Free as dese mountains, free as dis sea,
I know myself, an I know my ways,
An will sing wid pride to de end o my days
(Sung)Praise God an m’big right han
I will live an die a banana man.’
Peace Be Unto You And You And Yours In All Your Houses...
Hol a wave, till mi find mi cap...
Comment