Summer on Board Lane

[sistactry]

Re: Summer on Board Lane

BOAL u see it dow Wendyloo, lard a mercy.....

poor me a try come to de miserable crassis ooman defense and see deh, she a get bringle wid me, ***rolleyes** saviah devine,

[missus_vegas]

Re: Summer on Board Lane

but stawp mi never know say peasie and magix a draw straw kick me and tell

dat deh young green sexy sexy bway deh gone deh wid day deh ole ooman deh a mussi di likkle piece a land weh she have a kingston him after come to tink of it wat a wukkliss good fi nothing ole fawt. him a big big pilot if him want land him no save him money an buy it instead a ave it a fling weh pan all kinda strange ooman all over the world. up to di odda day mi hear say him fly gah france go tek up one gal, inna nite wen him wake wallit gone lap top gone iphone gone...only ting the gal leff geem a him passport. mi seh di ting sweet mi wen a hear it u see. serve him rite. cus him ere say him have 3 dry head pickney wid one big battty gyal someweh a clarendon and him nah mine di pickney dem. dyam wukliss. but ne man weh u see nah mine him pickney bad blessing always falla dem

neways mi no business wid ppl yah. mi stay outta man an ooman augument bcus dat gal deh did meet him wid him good good pretty pretty wife an she never tap an tap till she go breed fi him.she a di next ediat tink say him wehnah go leff him nice browning wid har tall hair weh have are good job a bank and go deh wid she weh not even have a chamba pat fi [censored] inna.

man now a days no want no ooman weh no ave nothing. a sinting dem a look. dem want ooman fi mine dem. a dat mek u see all dem likkle young bway arun dung di big ole ooman dem. dem no want git up affa wah gad gi dem and go look wuk and wen u see dem dem inna clawks and gucci and a drive up big cyar. dats why me u see me...mi no want no man weh no have nothing fi gi me. awoah. him affi have money. soso sex alone cyan dweet. cus wen u siddung wid dem oomuch years and struggle as dem reach someweh dem no memba u. dem gone gone look "nice" girl. u done kill out uself fi dem a wash and a cook and a wuk inna hat sun. wen dem done dem leff gone to browning cus u too black now after sun bun u. mi mah? mi nah siddung mek no man breed mi out needa cus soon as dem gi u chree four pickney dem run gone to one twenty year ole cus dem claim say u no good again man...dem a no nothing good.

neways a wah weeda a talk bout again...oye yes. my likkel red yout deh and di cuban lady deh wid di big dog. yes mi dear. mi hear say a di two a dem deh sah. mi no know if a choo or a lie cus mi no fass inna ppl business.

[sistactry]

Re: Summer on Board Lane

wooooeeee, me belly

u good vegas, no man, fe real, u good man,

me can juss a picture dis ooman wid her hair inna tie head, and a so she just a gi we de story so, hand a kimbo, finger a scratch her hair, and ohhh whe me did deh again,

u nuh easy vegas, a u a de next one who a go write book, woooeee,

[j-kid]

Re: Summer on Board Lane

Som ah wi duh it behind di scene inna PM.

[Peasie]

Re: Summer on Board Lane

<div class="ubbcode-block"><div class="ubbcode-header">Originally Posted By: Vegas</div><div class="ubbcode-body">but stawp mi never know say peasie and magix a draw straw

dat deh young green sexy sexy bway deh gone deh wid day deh ole ooman deh</div></div>

yuh likkle foace-ripe pickney

but si yah. wah dat bout Magix an Clarendon ooman??

[missus_vegas]

Re: Summer on Board Lane

<div class="ubbcode-block"><div class="ubbcode-header">Originally Posted By: Peasie</div><div class="ubbcode-body">

but si yah. wah dat bout Magix an Clarendon ooman?? </div></div>

eheeyyy! waiiiieee. tory come to bump noe wooooiiiee

den mi dear u never know say di bway have him baby madda an him chree pickney down dere? yes man wah oonuh fi know oonuh nah know. young bway oonuh want

yuh know say him did marrid doe?

him did marrid to dis pretty pretty brown girl. she related to the set a Richardson dem from out top road. har people dem have money. INFACT mi hear say a dem send him go a pilot school. neways dem marrid fi bout 7 years or so. di girl people dem gi dem one evalasting big house up pan di hill deh.

di gayl weh him get di heep a pickney dem wid used to come from clarendon come spend time wid har aunty weh live next door to dem. a likkle gal nat even done fourth farm good before him breed har the fuss time. and mi hear say when di wife find out say di likkle gal a breed she offer fi tek di pickney. all di years wen dem marrid she a try have a child and she couldnt have one. and u know say as she an him leff so brapps she breed! neways dat a one whole nedda story... di young girl never wanted to give up her baby doe. look like she did have it inna har head say magix did ago leff him wife fi har cus di whole a dem did have fi a chat say di gal cyan breed.

magix and him wife did patch up back tings and did a gwane...den nat even one year good him breed di gal again so di wife ppl dem tell har say eidda she leff him or dem and she nah go inna no dealing. neways she leff him. an mi no wrong har. meeda leff him baxide yes.

so my dear dats how the story goes. and as mi tell u a chree pickney dem have now and who to tell how many others him have cross the island and cross the world.

[sistactry]

Re: Summer on Board Lane

vegas, u aaful eehh,

[missus_vegas]

Re: Summer on Board Lane

you guys asked for some juicey gossip rite? well if dis no juicey mi no know wat is

[sistactry]

Re: Summer on Board Lane

maddd man, u a gwaan, u a happen,

..................but

me waan hear more, so go scratch ur head and come wid some more,

poor magix,

[missus_vegas]

Re: Summer on Board Lane

mi no able magix go file defamation suite gainst me.

[twiney]

Re: Summer on Board Lane

Wait deh Vegas u know say the one Peasie deh with Dahjah how shi fi a look next man? Wonder if is magix gi him foot mek as it get better sinting else do him if u think a ongle the 3 pickney a clarendon him got u late ... mi sure at least 3 ooman pon boardlane pickney him name call pon...

[MsPeaches]

Re: Summer on Board Lane





:

[twiney]

Re: Summer on Board Lane

<div class="ubbcode-block"><div class="ubbcode-header">Originally Posted By: MsPeaches</div><div class="ubbcode-body">



: </div></div>

You know one likkle bird tell me that him mek regular stop a Ghana

[Peasie]

Re: Summer on Board Lane

<div class="ubbcode-block"><div class="ubbcode-header">Originally Posted By: Twiney</div><div class="ubbcode-body">Wait deh Vegas u know say the one Peasie deh with Dahjah how shi fi a look next man? </div></div>

have is mercy! yuh is one bright mawning star ... an fi yuh light soon get put hout to grassyaad! caw when it comes to mi boo DahJah, dat is a touchy subjeck. <span style="font-size: 8pt">very touchy in fack </span>

Yuh tink mi fraid a yuh? Mi is a Kingston harbor shark! Mi wi limb up any Westwood country gyal who use to bade a stanpipe aftah shi done tie out goat a mawning time if shi open har yabba mout bout mi man <span style="text-decoration: line-through">dem</span>.

yaah hear me?

[missus_vegas]

Re: Summer on Board Lane

rahtid den dat deh foot no get betta all a now. an u know say a saykah she (peasie) said one him get dat deh foot deh. one satdeh nite after him done play music she phone him tell him fi come check har. him pick up himself gone a ooman yard next ting dem hear garage door a open and realize say is har man a come home. di frighten di brute frighten him jump over the fence jump inna neighbour yard. mi hear say di ppl dem dawg never mek fun wid him

and all doe im deh deh wid him half a foot and every day him deh pan fasting him wile u see. u never lucky fi ketch him out in public wid one ooman. always inna some dawk cawner or some far out place someweh. and him love a marrid ooman to u see. yuh mek him gwane next time no fence nah go deh fi him jump.