Weh di Coodeh Crew deh?

[Wendy]

Lawd, di laas time mi si unu was last year!!



Hope Santa was good to unu fi di Chrismuss.
Mi seh fi mi vacation was one peica rolla coasta ride ... put it dis way mi need fi rewine an start it again cause some tings did get flop out bad But all in in all, fram yuh deh a yaad yuh cyaan complain.


Skelly and Tanya a hope unu did cova di rent fi laas mont an dis mont cause right yah noh mi bruck like chuch mouse. Mi seh unu did alteast clear di cobweb dem and sweep di varandah.

Mi did miss unu bad ... I wish it I could say it is nice to be back.. I would be lying if mi seh dat. Mi honestly need to be home right now So many unfinished business...but mi haffi live inna reality ..noh soh?

Wishing unu all di bess fi 2012 Jamaicans.com

[sistactry]

Re: Weh di Coodeh Crew deh?

ahhh (((((Wendyloo)))))) me did miss u, and was waiting wid abated breath, me can leggo now, pheeewwwwwwwww

come wid de report please.....

i cant wait,

and dem pictures,

woooiieeeee,

btw, Happy New Years (((Ja.com))))

[diabolical_Tanya]

Re: Weh di Coodeh Crew deh?

welcome back Wendyloo

[Peasie]

Re: Weh di Coodeh Crew deh?

mi busy reading di front page


urry up an come wid yuh trip repoat

[Wendy]

Re: Weh di Coodeh Crew deh?

Tenk unu .. Back with mix feelings and turns out may have to go back to Jamaica later this year..


Starting the report today...

BTW Mi camera BRUCK inna di miggle a di vacation. Dyam lens get stuck an di Cannon people dem tell mi seh mi haffi sen it back to dem..dem cudden do a bloody ting fi mi ova di phone..soh some tings mi neva get pan flim. **aah sah**

[Peasie]

Re: Weh di Coodeh Crew deh?

dat deh camera did bruk from long time

[sistactry]

Re: Weh di Coodeh Crew deh?

cheap camera man,

or a just excuse she a mek fe just come show we 2pics,

[Wendy]

Re: Weh di Coodeh Crew deh?

DWL @ unu ...I wish it was cheap Imagine mi dis buy di sinting soh mi can have sinting decent fi di trip an di Lens goh stuck pan mi.

Smaddy recommended seh mi fi get Cannon an look deh \o/

Mi a mail it back to dem tomorrow as dem seh dat a di only ting mi can do fi remedy di situation "A Soh It Goh"

[sistactry]

Re: Weh di Coodeh Crew deh?

den Canon nuh suppose fe good, ole faaat dem, me tired a dem mek cheap sinting and a sell ppl whey naa last no time, is like u haffe a keep buy de same tings over and over and over and over,

clothes iron (leak water like hell....and when it new, nice no leaking,but gi it couple mos)
headphones (and is a Bose me have)
flat iron (it naa get warm like fuss time)
camera (mine a gi me wan purple heading a top???)
house phone (after 2yrs u can call it a day)
coffee maker (me cant see de dials dem anymore)
electric can opener (now all it can do is sharpen knife)


a sabotage fe u a buy and buy and buy and buy