Funny tings yu people have done (people mean fambly)

[diabolical_Tanya]

Come share unno <s>suss</s>funny stories bout unno fambly...di tings dat yu would tell yu chirrens bout dem uncle/granny/great aunt etc.....


Mi wi stawt..

Mi fadda is an AVID wannabee fisherman. Everytime him come a farrin him a buy rod an reel an hook an line an dem ting deh....but it noh improve him luck.

Soh him mussie meet smaddy one time weh did a raise fish inna swimming pool soh him goh ovah deh go ketch fish a evelin time.

Den him decide seh him ago build him owna tank wid him owna fish soh him can juss tep outta back goh ketch him owna dinna.

Soh tank build up unda shade tree soh sun hat noh kill di fish dem. Fish buy an put inna tank an a get feedin an get big.

One mawnin mi wake to hear one piece a cussing outta door, all a di neighbar dem come outta dem yaad fi si a who or wha because a muss big time calamity because mi fadda noh cuss.

.....di shade tree was a ackee tree, when di blossom dem drap inna fish tank an fish nyam it di whole a dem dead off

[julie*mango]

Re: Funny tings yu people have done (people mean fambly)

mi modda tell mi bout wen she did likkle she an her bredda skip school fi go pan dis man property go pick off him mango dem...mi granny hear an wen dem reach home she mek dem go pick wan crocus bag full a mango bring come an mek dem siddung an eat dem...she seh if dem nuh finish eat off di bag she a go whip dem...sad to say dem eat eat eat an cudden finish off di bag an dem get sick so of course she tek di coconut broom an whip dem good. From dat day dem neva skull school agen...as a matta a fact dem neva mess roun wid mango too tuff from dat [img]/forums/images/%%GRAEMLIN_URL%%/704555_dwl.gif[/img]

[Yvonne N.]

Re: Funny tings yu people have done (people mean fambly)

...hmm...let me see...soon come back...