btw..spot chek pon di real economy..how di

[evanovitch]

pedi/mani bizniz dem whe u deh? dem still a do bustling bizniz r dem a feel di realllll downswing? mi ask cause mi pass dis one een di Walmart here in di Valley an is like mi realise seh dat fi di lass couple trips, dem a siddung eena di chairs wid nooooo customers....so it mek mi wonda if dem an beauty shops a feel di pinch...especially di tightening up of weaves

[kia027]

Re: btw..spot chek pon di real economy..how di

from wha mi see when mi go round de mall dem -- people a mek dem mani/pedi last longer... and dose wid fake nails a chop dem dung or learn fi manage dem demselves

[Shine_Eye_Girl]

Re: btw..spot chek pon di real economy..how di

Ah dat mi ah do. Mi tek aff di tips and just tek care ah dem miself.

[j-kid]

Re: btw..spot chek pon di real economy..how di

Evan, ah guess som ah dem gwine haffi pull out di zink shear, an electric metal grinding wheel an duh it fi demself.

[esp]

Re: btw..spot chek pon di real economy..how di

Yuh know mi use to do mi nails every two weeks....both mani & pedi...until...wan day mi realize dat mi nuh hav nuh fawm a patience fe c dung fe wan howa ana half a mess up mi finganails ...wus yet mi did c wan program pan tv a show how fungus nyam out wan oman finganail dem...fram deh so mi jus seh amen so let it be....nat agen...


now mi jus do a regula mani...an mi finganail dem healthier than wen mi use to put awn dat pink powda pan it....

BTW mi always wanda how di peeple dem ina di nail shap nuh put dem tings deh pan fedem finga...