everynite, we stawt out three in bed but by mawning is juss

[evanovitch]

mi one...wi is two females n one male snuggle up nice an comfie..breeze caan blow di way wi close up eena di bed...one pon eida side of mi wid mi using one hand fi stroke n rub dem belly etc

sighs of contententment coming from dem n of course mi fall asleep tinking dem a sleep to, but come mawning is juss mi one eena di bed...

all mi wan fi know is how mi dawg dem so wutliss...dem love snuggle dung unda di comforter after getting dem tummies rub fi dem go sleep but it look like once mi fall asleep dem tek awf fi go explore n try tear up di house...u know how much yarn mi wake up fi find stretch from dungstairs, up di stairs , crass everyroom so go tru dem doggie door , dung di deck stairs n eena di bak yaad...

so far dem tek shoes, yarn, phone, jewellry ,tshirt n one soso one a mi bingiebaggie so spread dat out in its glory pon di lawn bak de...di bingie was white n u done know how it show up on di green, n wuss of all, di wukmen did bak n forth pass it n none a dem neva seh a wud to mi seh mi drawz was on display in all its glory

but dem is two cute puppies fi real...****z wid bijon ...so u know dem can jump...n dem suhmart u see

[kia027]

Re: everynite, we stawt out three in bed but by mawning is juss

waiee ... ahm dis should be in the pet shack vannie

but u a learn fi put tings up high outa dem reach

den a training time fi train dem outa dem deh behaviors

[diabolical_Tanya]

Re: everynite, we stawt out three in bed but by mawning is juss

Thanks for my first BOAL of the day


Sleep with the door closed an they will stay in the bed

[evanovitch]

Re: everynite, we stawt out three in bed but by mawning is juss

T mi did try dat n wake up in time fi see one a cock up him foot fi tek libatty wid mi sheepskin rug wen deh side a mi bed...di shout mi shout , mi tink him penis did retrak , di way him did frighten..so now, mi tek up di rugs a nite time if dem come een fi sleep eena di room...

[sistactry]

Re: everynite, we stawt out three in bed but by mawning is juss

wooiiiieee, me belly battam,

no Vannie, da one deh did dred baddd...,


dats wha unu get fe a mek dog so presumptious inna de place,

[evanovitch]

Re: everynite, we stawt out three in bed but by mawning is juss

Sis, mi shame fi seh dat yes mi come a farrin n change mi view to dawg..di one alsatian mi eva ha a yaad was strictly outside dawg n him neva lass long tru all n sundry use fi come dung a di yaad so claim seh Rex bite dem...u know how we can gwane wid people who we tink wi gi wi money if dem dawg bite smaddy...so mi fada did gi Rex to di den Asst Commissioner Powell , n Rex did promptly bite di nex door garderner as him was squeezing tru di bush fence fi come meet di maid...

but dese two r di cutest tings u eva see...fi real..,an wen dem look pon u wid dem head cock oneside u heart juss melt...but chile, is like two toddlers going tru di terrible twos...so far is twice di same corner pon a wall haffi fix tru dem chew it...mi ha chew stick , stuff animals u name it but dem chew everyting but dose...n mi shoes r all leather n mi handbags...but mi sit dem dung n mek dem know seh di fuss of mi ole Coach leathers dat dem chew is di lass ting dem a go do...every teet gwine to tek out n dem gum dem food going fawud


Kia, mi know seh dis shud be dung so, but do u see dat set engaging wid mi afta mi wellknown Vick support>

[sistactry]

Re: everynite, we stawt out three in bed but by mawning is juss

waaiiiee, u inna rare fawm tiday ehhh, u get some peekachooo laas nite,

dem hear yaa, me did have one allsashun to u know, but guess wha, him use to back every goat throat hole round de district, and me father did a get tired a it, even dow when we did live a town, him never use to do dem tings deh, but when we move go a ctry, caca, him get whey...musse cudden find no goat round a Hagley pk rd,

but i hear u, when u say dem cute, esp when dem cack dem head oneside, - me want one to, but misses, dem is too much problems, me did have one and de day me go home and find me shoes eat up, dat was de laas of him, no bra,

me wish u luck

[CeaBee]

Re: everynite, we stawt out three in bed but by mawning is juss

yes me did used to german shepherd and rottweiller when i was growing up.

when all the children gone mi mother get some little ****zu mixes to replace us. them cute fi real

i;m even thinking of getting one (one day far far into the future, and one a them that nuh too active and expect 5 mile run every morning )

[julie*mango]

Re: everynite, we stawt out three in bed but by mawning is j

fi a second mi tawt dis was a dear k tredd

[sistactry]

Re: everynite, we stawt out three in bed but by mawning is j

<div class="ubbcode-block"><div class="ubbcode-header">Originally Posted By: _______</div><div class="ubbcode-body">fi a second mi tawt dis was a dear k tredd </div></div>

u know...u mean couple seconds,