Tweet
Now Tell Mi Dis.....
How do yuh feel, when yuh have yuh meal
And kno seh, people outta street, can’t find food fi eat?
No it nuh pretty, what a pity, inna di city,
Tings sticky, get tricky, so di place under heat.
How yuh fi send out frustrated police,
Fi go try keep the peace,
When di violence increase?
A hungry man, is an angry man
Me did a tell dem inna mi song from nineteen how-long
The people dem fed-up, 'cause dem nuh have no food fi eat
Right now a desperation meck so much corner beat
The only way fi bring back Jamaica,
You haffi put some a di food pon dem plate yah
When mi do certain tune, and when mi chat certain tings
Ah dis di people dem a chat outta road - "serious ting"
And mi don’t fraid fi talk
Mi a talk from mi heart dem tings ya, yuh fi know (serious ting)
Hurry up and do suppen, cah yuh just can't do nutten
No dollars nah flow (serious ting)
Now di people dem a meck up noise
'Cause dem realise, dat yuh telling pure lies
Tell mi what’s your views, when yuh watch the news
And see di whole of sweet Jamaica turnin in a danger zone?
A nuff Jamaican’s deh a foreign, seh dem doan like the system
Dem fraid, so dem nah come back home
Seh dem nuh like the vibes weh down a Yard
Dem rather stan' abroad
Dem prefer live inna di cold
Dem run away from di sunshine
Dem seh police and bad bwoy, blow too much carbine
Comment