snowwwwwwwwwwwwwww...oh lawd smaddy sen mi a plane ticket

[evanovitch]

mi cyan tek no more...is ovah a week now it a snow...is it gwine to snow aalll di way tru to spring....n wen is spring up here...oh lawd...mi no tink mi can tek dis whiteness all ovah...n di quiet...mi use to quiet yes, in AR, but dis is diffrant...not a sound from di woods near di house n not a sound...not even a car mi can hear....

mi need smaddy fi sen a tall male family memba fi help mi dig out n stay fi di duration

but seriously, dont di snow let up at some point...

[Nylah]

Re: snowwwwwwwwwwwwwww...oh lawd smaddy sen mi a plane ticket



we got our first "real" snow fall today And you all love to chat bout Edmonton being colder

[evanovitch]

Re: snowwwwwwwwwwwwwww...oh lawd smaddy sen mi a plane ticket

ahhhm , u did mention u likkle bredda...

[Nylah]

Re: snowwwwwwwwwwwwwww...oh lawd smaddy sen mi a plane ticket



yes, I am willing to negotiate a price for him

but he isnt very tall Well I dont think 5'9" is too tall. You have to work that part yourself

[evanovitch]

Re: snowwwwwwwwwwwwwww...oh lawd smaddy sen mi a plane ticket

the 5' <div class="ubbcode-block"><div class="ubbcode-header">Quote:</div><div class="ubbcode-body"> 9&quot;</div></div> , if applicable elsewhere could see us hammering out a deal by midday....but how can i tek u wud feet... mi a go ask u fi ask u bredda fi do a Tiger Woods... tell him fi go eena di bathroom an tek a picture so send ...

[Nylah]

Re: snowwwwwwwwwwwwwww...oh lawd smaddy sen mi a plane ticket


You know how hard it was for me to stop laughing long enough to type

Since I want a little Christmas money, I will pass on the request And knowing him, he will gladly oblige since my word isnt enough

[evanovitch]

Re: snowwwwwwwwwwwwwww...oh lawd smaddy sen mi a plane ticket

mi a go wait feet... i truss u wi tek a yaad cheque

[Nylah]

Re: snowwwwwwwwwwwwwww...oh lawd smaddy sen mi a plane ticket


sure. I will jst call the bank and verify that the funds are there, no problem

[Boopie2]

Re: snowwwwwwwwwwwwwww...oh lawd smaddy sen mi a plane ticket

<div class="ubbcode-block"><div class="ubbcode-header">Originally Posted By: evanovitch</div><div class="ubbcode-body">the 5' <div class="ubbcode-block"><div class="ubbcode-header">Quote:</div><div class="ubbcode-body"> 9&quot;</div></div> , if applicable elsewhere could see us hammering out a deal by midday....but how can i tek u wud feet... mi a go ask u fi ask u bredda fi do a Tiger Woods... tell him fi go eena di bathroom an tek a picture so send ... </div></div>

[Boopie2]

Re: snowwwwwwwwwwwwwww...oh lawd smaddy sen mi a plane ticket

[evanovitch]

Re: snowwwwwwwwwwwwwww...oh lawd smaddy sen mi a plane ticket

<div class="ubbcode-block"><div class="ubbcode-header">Originally Posted By: Nylah</div><div class="ubbcode-body">
sure. I will jst call the bank and verify that the funds are there, no problem </div></div>

no problem..mi wi even gi u di direk numba to di smaddy mi wan u fi chat to

[evanovitch]

Re: snowwwwwwwwwwwwwww...oh lawd smaddy sen mi a plane ticket

<div class="ubbcode-block"><div class="ubbcode-header">Originally Posted By: Boopie2</div><div class="ubbcode-body"> </div></div>

u harsh fi real..juss cause u naw ha snow is no reason to run it een ...

( <span style="font-style: italic"> peek see if she feel bad</span>)

btw,Boopsie pie , dont u married to a tall AFRICAN...anybody pon him family tree u can recommend fi come visit me

[Boopie2]

Re: snowwwwwwwwwwwwwww...oh lawd smaddy sen mi a plane ticket

Sounds like one of those Nigerian scams

[evanovitch]

mi goat eena di snow...kiss mi neck

fuss of awl is bout 3 ins deh a di base of di garage door...den dem no come pon residential road so is nuff snow...not dat di main dem any betta...now tru is yaad mi learn fi drive n dem always seh if u wan traction u fi drive eena 2nd gear , u know a dat mi put di van eena...mi no bizniz, but mi neva go ovah 20 n mi drive nice tru di snow...

so mi go Superstore fi get a few basics...plus mi President Choice credit card juss happen fi come today so u know seh mi muss buss it... kiss mi neck...dem no shovel parking lot ovah yah...everybody, di few dat deh bout , park all ovah di place...so mi mek sure park farrrr from everybody cause mi no able dem lick mi brukdung, and mi palm mi looney (kip dem eena di van fi di superstore trips) n mi go fi a buggy....mi shudda know seh sumting up wen somuch buggy was dere...

anyhoo mi get one an is den di real bakkle stawt...u cannot get a shopping cart to run tru nuff snow..memba now is di fuss mi a deal wid dis much snow...fi real...mi encounter couple inches here n dere in di States but dis is di fuss mi a try do ordinary tings in dis much accummulation while snow a whiz rung mi....all mi haffi seh is dat mi no need fi wuk out today cause pushing dis buggy tru di snow was haaard work...muscles get wuk from mi calves, to mi butt to mi arm muscles

wen mi come out,van covah wid snow...mi juss tun awn di wiper dem n mek dem do di wuk cause mi neva a go scrape nutten...lucky ting di liquor store eena di said lot as Superstore so mi juss mek a one stop fi get a likkle tot fi steady mi nerves....

now up here it seems dem gi u two price...one if u a buy one an a cheaper one if u a buy multiple.... well u know seh is a yaadie dis, so mi seh to miself seh , Ras, Jesus did tun wata into wine n given dem yah circumstances Jah naw mind if u warm u blood wid likke grape so mi find dis lovely Argentinian Shiraz n di prudent yaadie in mi juss buy di half-dozen... is country mi grow n wi use fi buy tings like dat at di wholesale a mont time

den mi seh to miself, well, mite as well go fill up at di Safeway since mi use dem card fi get di discount..yeah man, mi tek awn to all di discounts whe up yah...since mi deh deh, mi seh mi mite as well mek a coffee run...so mi tiptoe go een n tenk di lawd,none a di regular workers neva deh a di Starbucks fi laff awfta mi... mi naw go even describe how mi did dress...suffice it fi seh dat di fat man eena dat picture pon di plane neva ha nutten pon mi , di way mi did layer up... btw, locs come een good in dis wedda...dem kip mi aise , cheeks etc real warm as dem heng dung...u wan see how mi locs dem coat wid snow...

so mi jump bk eena di van n seh since mi no tink mi a go come out again fi di week mek mi run go di library..so mi pull out an in 2nd gear n at 20kph go deh..mi park n struggle tru snow fi reach di front door...stan up n notten no happen...mi a wonda if a lock dem lock n ready fi stawt cuss n gwane bad bout how dem a lock wen dem suppose fi use to dis...but my bad guess even di automatic door no like bad wedda..

now have u eva tried to slide dem doors open using fingas weh eena some thick [censored] gloves? ah sah...finally smaddy come ovah from di inside an slide it fi mi...mi neva did a go tek awf di gloves...no sah...

done wid dem n come out n di van covah again...mi draw fi mi 2nd n ease weh eena mi 20 n stawt fi home....man n man eena dem Escalade deh bak a mi like dem wan mi fi go faster but di I neva a pay dem no mind...is 4 lanes , even if u cyan see di dividers n if dem need fi be in di one whe mi deh eena n need fi go faster, well dem can go rung n go infront a mi..but mi a yaadie n can baddrive wid di bess so wen a Canadian deh behind me n a look impatient, well, not dis Ras...not today...n if u irritate me, mi draw fi fuss gear n go dung to 10 kph

mi reach home n is like more snow deh pon di street whe nobody naw shovel etc..u cannot even see sidewalk much less...mi drive een n haffi really draw fi fuss gear fi mek it ovah di snow from di road to mi own drive way...but mi deh home safe n sound...praise di lawd n sing a sankey...

btw, guess mi fi leff di van eena di garage wid all dat snow pon it fi melt eena di garage..hope so , cause dat a weh mi do

open di door fi come een downstair n a feel di release of tension from all dat snow driving...

but kisssss mi neck...mi did figet seh mi leff two likkle devil who not been out fi a week n is like a yarnfest to rahtid...bout 6 diffrant strands of yarn a lead from dwnstairs , up di stairs n yep, tru di doggie door...

now outside is pure snow...so mi wi haffi wait till it melt fi find mi yarn cause mi naw goat deh...mi juss cut dem at di doggie door n scrape up weh leff inside n put di two dawgs in punishment...

sigh....Welcome to Canada...mi hope mi have till Spring before di snow melt n dem bodies r revealed

[Jazz]

Re: snowwwwwwwwwwwwwww...oh lawd smaddy sen mi a plane ticket

<div class="ubbcode-block"><div class="ubbcode-header">Originally Posted By: evanovitch</div><div class="ubbcode-body">the 5' <div class="ubbcode-block"><div class="ubbcode-header">Quote:</div><div class="ubbcode-body"> 9&quot;</div></div> , if applicable elsewhere could see us hammering out a deal by midday....but how can i tek u wud feet... mi a go ask u fi ask u bredda fi do a Tiger Woods... tell him fi go eena di bathroom an tek a picture so send ... </div></div>

OHHHH LAWD!!!!!!! Evan u nuh easy at all!!!!!!